ಬೆಳಗಾವಿಯಲ್ಲಿ ಅಣಕು ಮತದಾನದ ಸಮಸ್ಯೆ; ವಿವಿಪ್ಯಾಟ್ ಸ್ಲಿಪ್ ಎಣಿಕೆಗೆ ನಿರ್ಧಾರ

ಇಂತಹ ಅಚಾತುರ್ಯ ಬೆಳಗಾವಿ ಲೋಕಸಭಾ ಕ್ಷೇತ್ರ, ಚಿಕ್ಕೋಡಿ ಲೋಕಸಭಾ ಕ್ಷೇತ್ರದ ಮತಗಟ್ಟೆ ಸೇರಿದಂತೆ ರಾಜ್ಯದ 31 ಮತಗಟ್ಟೆಗಳಲ್ಲಿ ನಡೆದಿತ್ತು. ಕೇಂದ್ರ ಚುನಾವಣಾ ಆಯೋಗದ ನಿರ್ದೇಶನದ ಮೇರೆಗೆ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಚುನಾವಣಾಧಿಯೊಬ್ಬರು 'ಪ್ರಜಾವಾಣಿ' ಗೆ ತಿಳಿಸಿದರು.

'ಅಣಕು ಮತದಾನದ ಸ್ಲಿಪ್ ಗಳು ಹಾಗೂ ನಿಜವಾದ ಮತದಾನದ ಸ್ಲಿಪ್ ಗಳನ್ನು ನಾವು ಪ್ರತ್ಯೇಕವಾಗಿ ಇಟ್ಟಿದ್ದೇವೆ. ಮತ ಎಣಿಕೆ ಪ್ರಕ್ರಿಯೆ ಮುಗಿದ ನಂತರ ಕೊನೆಯದಾಗಿ ಈ ಮತಗಟ್ಟೆಯ ಮತಗಳನ್ನು ವಿವಿ ಪ್ಯಾಟ್ ಸ್ಲಿಪ್ ಗಳ ಜೊತೆ ತಾಳೆ ಮಾಡಲಾಗುವುದು' ಎಂದರು.

'ಸುಪ್ರೀಂ ಕೋರ್ಟ್ ಆದೇಶದ ಹಿನ್ನೆಲೆಯಲ್ಲಿ ಪ್ರತಿ ವಿಧಾನಸಭಾ ಕ್ಷೇತ್ರದ 5 ಇವಿಎಂ ಮತಗಳ ಜೊತೆ ವಿವಿಪ್ಯಾಟ್ ಸ್ಲಿಪ್ ಗಳನ್ನು ತಾಳೆ ಮಾಡಲಾಗುವುದು. ಇದರ ಜೊತೆಗೆ, ಅಣಕು ಮತದಾನ ಸಮಸ್ಯೆಯಾದ ಇವಿಎಂಗಳ ವಿವಿಪ್ಯಾಟ್ ಸ್ಲಿಪ್ ಗಳನ್ನೂ ತಾಳೆ ಮಾಡಲಾಗುವುದು. ಹೀಗಾಗಿ, ಇಂತಹ ಕ್ಷೇತ್ರಗಳಲ್ಲಿ ಒಟ್ಟು 6 ಸಲ ತಾಳೆ ಮಾಡುವ ಕೆಲಸ ನಡೆಯಲಿದೆ. ಹೀಗಾಗಿ ಅಂತಿಮ ಫಲಿತಾಂಶ ಪ್ರಕಟಿಸುವುದು ವಿಳಂಬವಾಗಲಿದೆ ' ಎಂದು ಹೇಳಿದರು.