ಮೇಳದಲ್ಲಿ 21 ದೇಶಗಳ 390 ಕಂಪನಿಗಳು ಸೇರಿದಂತೆ ಒಟ್ಟಾರೆ 1,250 ಕಂಪನಿಗಳು ತಮ್ಮ ಅತ್ಯಾಧುನಿಕ ನಿರ್ಮಾಣ ಸಲಕರಣೆಗಳನ್ನು ಪ್ರದರ್ಶಿಸುತ್ತಿವೆ. 10ನೇ ಬಾರಿಗೆ ನಡೆಯುತ್ತಿರುವ ಮೇಳದಲ್ಲಿ ಜೆಸಿಬಿ ಇಂಡಿಯಾ, ಕೇಸ್‌ ಕನ್‌ಸ್ಟ್ರಕ್ಷನ್‌ ಈಕ್ವಿಪ್‌ಮೆಂಟ್‌, ಸ್ಕ್ಯಾನಿಯಾ ಕಮರ್ಷಿಯಲ್‌ ವೆಹಿಕಲ್ಸ್‌ ಇಂಡಿಯಾ, ಅಟ್ಲಾಸ್‌ ಕಾಪ್ಕೊ, ಅಶೋಕ್‌ ಲೇಲ್ಯಾಂಡ್‌ ಮತ್ತಿತರ ಕಂಪನಿ ಗಳು ಭಾಗವಹಿಸಿವೆ. ಮೇಳಕ್ಕೆ ಉತ್ತಮ ಪ್ರತಿಕ್ರಿಯೆ ದೊರೆತಿದೆ ಎಂದು ಮೇಳ ಸಂಘಟಿಸಿರುವ ಭಾರತೀಯ ಕೈಗಾರಿಕಾ ಒಕ್ಕೂಟವು (ಸಿಐಐ) ತಿಳಿಸಿದೆ. ಗಲ್ಫ್‌ ಆಯಿಲ್‌ನ ಪ್ರಚಾರ ರಾಯಭಾರಿ ಆಗಿರುವ ಕ್ರಿಕೆಟಿಗ ಮಹೇಂದ್ರಸಿಂಗ್‌ ಧೋನಿ ಅವರು ಮೇಳದಲ್ಲಿನ ಮಳಿಗೆಗೆ ಭೇಟಿ ನೀಡಿದ್ದರು.
