ಬೆಂಗಳೂರು: ಪೊಲೀಸ್‌ ಕಮಿಷನರೇಟ್‌ ವ್ಯಾಪ್ತಿಯಲ್ಲಿ 309 ಹೆಡ್‌ ಕಾನ್‌ಸ್ಟೆಬಲ್‌ಗಳಿಗೆ ಎಎಸ್‌ಐ ಹುದ್ದೆಗೆ ಬಡ್ತಿ ನೀಡಲಾಗಿದೆ.
ಹೆಡ್‌ ಕಾನ್‌ಸ್ಟೆಬಲ್‌ ಹುದ್ದೆಯಿಂದ ಕೌನ್ಸೆಲಿಂಗ್‌ ಮೂಲಕ ಘಟಕಗಳಲ್ಲಿ ಖಾಲಿ ಇರುವ ಎಎಸ್‌ಐ ಹುದ್ದೆಗಳಿಗೆ ಅನುಗುಣವಾಗಿ ನಿಯುಕ್ತಿಗೊಳಿಸಲಾಗಿದೆ ಎಂದು ಹೆಚ್ಚುವರಿ ಪೊಲೀಸ್‌ ಆಯುಕ್ತ (ಆಡಳಿತ) ಸೀಮಂತ್ ಕುಮಾರ್‌ ಸಿಂಗ್‌ ಅದೇಶದಲ್ಲಿ ತಿಳಿಸಿದ್ದಾರೆ.
ಓಓಡಿ ಮೇರೆಗೆ ನಿಯೋಜಿಸಲಾದ ಎಎಸ್‌ಐಗಳು ತಮ್ಮನ್ನು ಎಎಸ್‌ಐ ಆಗಿ ನಿಯುಕ್ತಿಗೊಳಿಸಿರುವ ಠಾಣೆಯಲ್ಲಿ ತಕ್ಷಣ ವರದಿ ಮಾಡಿಕೊಂಡು ಓಓಡಿ ಸ್ಥಳದಲ್ಲೇ ಕರ್ತವ್ಯ ನಿರ್ವಹಿಸುವಂತೆಯೂ ಆದೇಶದಲ್ಲಿ ಸ್ಪಷ್ಟಪಡಿಸಲಾಗಿದೆ.
