ಶನಿವಾರ, ಡಿಸೆಂಬರ್ 14, 2019
25 °C

ಅನರ್ಹರ ಅಶ್ಲೀಲ ಸಂಭಾಷಣೆ ಆಡಿಯೊ ವೈರಲ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಗದಗ, ಉಡುಪಿ ಹಾಗೂ ಉತ್ತರ ಕನ್ನಡದ ಮೂವರು ಜನಪ್ರತಿನಿಧಿಗಳ ಹನಿಟ್ರ್ಯಾಪ್‌ ಕುರಿತು ತನಿಖೆ ನಡೆಯುತ್ತಿರುವ ಬೆನ್ನಲ್ಲೇ, ಮಹಿಳೆಯೊಬ್ಬರ ಜೊತೆ ಅನರ್ಹ ಶಾಸಕರೊಬ್ಬರು ನಡೆಸಿದ್ದಾರೆ ಎನ್ನಲಾದ ಅಶ್ಲೀಲ ಸಂಭಾಷಣೆಗಳಿರುವ ಆಡಿಯೊ ವೈರಲ್ ಆಗಿದೆ.

ಅನರ್ಹ ಶಾಸಕ ಸುಮಾರು ಹತ್ತು ನಿಮಿಷ ಮಹಿಳೆಯೊಂದಿಗೆ ಅಶ್ಲೀಲ ಸಂಭಾಷಣೆ ನಡೆಸಿದ್ದಾರೆ. ‘ನಾವು ಬೇಗ ಭೇಟಿ ಆಗೋಣ’ ಎಂದು ಮಹಿಳೆಗೆ ಹೇಳುತ್ತಾರೆ. ‘ಫ್ಲ್ಯಾಟ್‌ ಮಾಡಿ ಬೇಗ ಬೆಂಗಳೂರಲ್ಲಿ’ ಎಂದು ಮಹಿಳೆ ಉತ್ತರಿಸುತ್ತಾರೆ. ಅದಕ್ಕೆ ಅವರು, ‘ಸದ್ಯ ಫ್ಲ್ಯಾಟ್‌ ಬೇಡ ಹೊರಗೆ ಮುಂಬೈ, ದೆಹಲಿಯಲ್ಲಿ ಭೇಟಿ ಆಗೋಣ’ ಎಂದು ಕೇಳುತ್ತಾರೆ.

‘ನಾನು ಮಾಡಿಸ್ತೀನ‍ಲ್ಲಾ’ ಎಂದು ಮಹಿಳೆ ಮತ್ತೆ ಹೇಳುತ್ತಾರೆ. ಅದಕ್ಕೆ ಅನರ್ಹ ಶಾಸಕರು, ‘ಫ್ಲ್ಯಾಟ್‌ ನೋಡಿಡು, ಉಪ ಚುನಾವಣೆ ಮುಗಿದ ಮೇಲೆ ಮಾಡೋಣ’ ಎನ್ನುತ್ತಾರೆ. ಅದರ ನಡುವೆಯೇ ಮಹಿಳೆ ಯಾವುದೋ ಕೆಲಸ ಮಾಡಿಸಿಕೊಡುವ ಬಗ್ಗೆ ವಿಚಾರಿಸುತ್ತಾರೆ. ಹೀಗೆ ಮಾತು ಮುಂದುವರಿಯುತ್ತದೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು