ಕಳೆದ ಬಾರಿ ರೈಲು ವಿಳಂಬವಾಗಿದ್ದರಿಂದ ಪಾಠ ಕಲಿತ ಬಹುತೇಕ ಮಂದಿ ಭಾನುವಾರವೇ ನಗರಕ್ಕೆ ಬಂದು ತಮ್ಮ ಪರೀಕ್ಷಾ ಕೇಂದ್ರಗಳಿಗೆ ಭೇಟಿ ನೀಡಿದ್ದರು. ಮರು ಪರೀಕ್ಷೆ ಕಠಿಣವಿರಬಹುದು ಎಂದು ಅವರು ನಿರೀಕ್ಷಿಸಿದ್ದರೂ, ಪರೀಕ್ಷೆ ಸುಲಭವಾಗಿಯೇ ಇತ್ತು ಎಂಬುದನ್ನು ಕೆಲವು ಅಭ್ಯರ್ಥಿಗಳು ತಿಳಿಸಿದರು. ಇದೇ5ರಂದು ನಡೆದಿದ್ದ ‘ನೀಟ್‌’ ಪರೀಕ್ಷೆ ಬರೆಯಲು ಉತ್ತರ ಕರ್ನಾಟಕದ 500ಕ್ಕೂ ಅಧಿಕ ಮಂದಿ ಹಂಪಿ ಎಕ್ಸ್‌ಪ್ರೆಸ್‌ ರೈಲಿನಲ್ಲಿ ಬರುತ್ತಿದ್ದರು. ರೈಲು ವಿಳಂಬವಾಗಿದ್ದರಿಂದ ಪರೀಕ್ಷೆ ಬರೆಯಲು ಸಾಧ್ಯವಾಗಿರಲಿಲ್ಲ. ಹೀಗಾಗಿ ಮರು ಪರೀಕ್ಷೆಗೆ ಒತ್ತಡ ಹೆಚ್ಚಿ, ಸಮ್ಮತಿ ಸೂಚಿಸಲಾಗಿತ್ತು.ಆದರೆ ಅದಕ್ಕೆ110 ಮಂದಿ ಮಾತ್ರ ಹೆಸರು ನೋಂದಾಯಿಸಿದ್ದರು.
