ಶನಿವಾರ, ಆಗಸ್ಟ್ 8, 2020
28 °C

ಕೋವಿಡ್‌ ಲಸಿಕೆ ಕುರಿತು ಆಕ್ಸ್‌ಫರ್ಡ್‌ ವಿವಿಯಿಂದ ಇಂದು ಒಳ್ಳೆ ಸುದ್ದಿ?

ರಾಯಿಟರ್ಸ್‌ Updated:

ಅಕ್ಷರ ಗಾತ್ರ : | |

ಲಂಡನ್‌: ‌ಆಕ್ಸ್‌ಫರ್ಡ್‌ ವಿಶ್ವವಿದ್ಯಾಲಯವು ಕೊರೊನಾ ವೈರಸ್‌ಗೆ ತಾನು ಸಿದ್ಧಪಡಿಸುತ್ತಿರುವ ಸಂಭಾವ್ಯ ಲಸಿಕೆಯ ಆರಂಭಿಕ ಪ್ರಯೋಗಗಳ ಕುರಿತ ಸಕಾರಾತ್ಮಕ ಸಂಗತಿಯೊಂದನ್ನು ಗುರುವಾರ ಬಹಿರಂಗಪಡಿಸಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ. 

ಇದನ್ನೂ ಓದಿ: ಕೋವಿಡ್‌ಗೆ ಭಾರತದ ಮೊದಲ ಲಸಿಕೆ ಕೋವಾಕ್ಸಿನ್:‌ ಇಲ್ಲಿದೆ ಸಂಪೂರ್ಣ ಮಾಹಿತಿ

ಬ್ರಿಟನ್‌ನ ‘ಐಟಿವಿ’ ವಾಹಿನಿಯ ರಾಜಕೀಯ ವಿಭಾಗದ ಸಂಪಾದಕ ರಾಬರ್ಟ್‌ ಪೆಟ್ಸೋನ್, ‘ಲಿಸಿಕೆ ಕುರಿತು ಒಳ್ಳೆ ಸುದ್ದಿಯೊಂದು ಹೊರಬೀಳಲಿದೆ ಎಂದು ಬರೆದುಕೊಂಡಿದ್ದಾರೆ. ಅವರ ಬರಹ ಉಲ್ಲೇಖಿಸಿ ರಾಯಿಟರ್ಸ್‌ ಸುದ್ದಿ ಸಂಸ್ಥೆ ಈ ವಿಷಯವನ್ನು ವರದಿ ಮಾಡಿದೆ.

18 ವರ್ಷಕ್ಕಿಂತ ಮೇಲ್ಪಟ್ಟವರ ಜನರಲ್ಲಿ ಈ ಲಸಿಕೆ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದನ್ನು ನಿರ್ಣಯಿಸಲು ವಿಶ್ವವಿದ್ಯಾಲಯವು ಲಸಿಕೆಯ ಮೂರನೇ ಹಂತದ ಹ್ಯೂಮನ್‌ ಟ್ರಯಲ್‌ (ಮಾನವರ ಮೇಲಿನ ಪ್ರಯೋಗ) ಪ್ರಾರಂಭಿಸಿದೆ. ಆದರೆ ಈ ಲಸಿಕೆಯ ಒಂದನೇ ಹಂತದ ಪ್ರಯೋಗದ ಫಲಿತಾಂಶಗಳು ಇನ್ನೂ ಬಹಿರಂಗವಾಗಿಲ್ಲ.

ಇದನ್ನೂ ಓದಿ: ಕೋವಿಡ್‌ ಲಸಿಕೆ: ಸಾರ್ವಜನಿಕ ಬಳಕೆಗೆ ಆಗಸ್ಟ್‌ 15ರ ಗುರಿ

‘ಈ ವರೆಗಿನ ಪ್ರಯೋಗಗಳಲ್ಲಿ ನಾವು ಕಂಡಿರುವ ಪ್ರತಿರೋಧಕ ಪ್ರತಿಕ್ರಿಯೆಯು ಲಸಿಕೆ ತಯಾರಿಸುವ ನಮ್ಮ ಪ್ರಯತ್ನಕ್ಕೆ ಪ್ರೋತ್ಸಾಹದಾಯಕವಾಗಿದೆ,’ ಎಂದು ಈ ತಿಂಗಳ ಆರಂಭದಲ್ಲಿ ವಿಜ್ಞಾನಿಗಳ ತಂಡ ಹೇಳಿಕೊಂಡಿತ್ತು.

‘ಆಸ್ಟ್ರಾಜೆನೆಕಾ ಔಷಧ ಸಂಸ್ಥೆ ತಯಾರಿಸುತ್ತಿರುವ, ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯ ಸಂಶೋಧಿಸುತ್ತಿರುವ ಕೋವಿಡ್ -19 ಲಸಿಕೆಯ ಆರಂಭಿಕ ಪ್ರಯೋಗಗಳ ಕುರಿತು ಶೀಘ್ರದಲ್ಲೇ (ಬಹುಶಃ ನಾಳೆ) ಸಕಾರಾತ್ಮಕ ಸುದ್ದಿ ಬರಲಿದೆ ಎಂದು ನನಗೆ ಕೇಳಿಬಂದಿದೆ’ ಎಂದು ಪೆಸ್ಟನ್ ಬುಧವಾರ ತಮ್ಮ ಬ್ಲಾಗ್‌ನಲ್ಲಿ ಪ್ರಕಟಿಸಿದ್ದಾರೆ.

ಇದನ್ನೂ ಓದಿ: ಕೋವಿಡ್‌ ಲಸಿಕೆ ಪ್ರಯೋಗ ಯಶಸ್ವಿ: ಅಂತಿಮ ಪರೀಕ್ಷೆಗೆ ಸಿದ್ಧತೆ

ಆಕ್ಸ್‌ಫರ್ಡ್‌ ವಿಶ್ವವಿದ್ಯಾಲಯವು ತಾನು ಸಂಶೋಧಿಸುತ್ತಿರುವ ಲಸಿಕೆಯನ್ನು ತಯಾರಿಸಲು ಅಸ್ಟ್ರಾಜೆನೆಕಾ ಎಂಬ ಔಷಧ ಸಂಸ್ಥೆಗೆ ಪರವಾನಗಿ ನೀಡಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು