ಗ್ರೀನ್‌ವಿಲೆ : ಇಲ್ಲಿನ ಐಷಾರಾಮಿ ನೈಟ್‌ಕ್ಲಬ್‌ ಒಂದರಲ್ಲಿ ಭಾನುವಾರ ನಸುಕಿನ 2 ಗಂಟೆ ಸುಮಾರಿಗೆ ನಡೆದ ಗುಂಡಿನ ದಾಳಿಯಲ್ಲಿ 12 ಮಂದಿ ಗಾಯಗೊಂಡಿದ್ದಾರೆ.
ಘಟನೆ ನಡೆದ ಕೂಡಲೇ ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಗಾಯಗೊಂಡಿರುವವರ ವಿವರ ಹಾಗೂ ದಾಳಿಗೆ ಸಂಬಂಧಿಸದಂತೆ ಯಾರನ್ನಾದರೂ ಬಂಧಿಸಲಾಗಿದೆಯೇ ಎಂಬುದು ಇನ್ನೂ ತಿಳಿದುಬಂದಿಲ್ಲ.
ಜುಲೈ 4ರಂದು ಈ ಕ್ಲಬ್‌ನಲ್ಲಿ ರ್‍ಯಾಪರ್‌ ಫೂಗಿಯಾನೋ ಅವರ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂದು ಈ ಕ್ಲಬ್‌ನ ಫೆಸ್‌ಬುಕ್‌ ಪುಟದಲ್ಲಿ ಜಾಹೀರಾತು ಪ್ರಕಟಿಸಲಾಗಿತ್ತು. ಆದರೆ ಆ ಜಾಹೀರಾತಿನಲ್ಲಿ ನೀಡಲಾಗಿದ್ದ ದೂರವಾಣಿಗೆ ಮಾಡಿರುವ ಕರೆಯನ್ನು ಯಾರೂ ಸ್ವೀಕರಿಸುತ್ತಿರಲಿಲ್ಲ ಎಂದು ವರದಿ ಮಾಡಲಾಗಿದೆ.
