ಬೆಂಗಳೂರು: ಮಂಗಳವಾರ ನಡೆದ ಆ್ಯಪಲ್ ವಿಶೇಷ ಈವೆಂಟ್‌ನಲ್ಲಿ ಹೊಸ ಐಮ್ಯಾಕ್ ಕಂಪ್ಯೂಟರ್ ಬಿಡುಗಡೆ ಮಾಡಿದೆ. ಆಕರ್ಷಕ ವಿನ್ಯಾಸ ಮತ್ತು ವಿವಿಧ ಬಣ್ಣಗಳಲ್ಲಿ ನೂತನ ಐಮ್ಯಾಕ್ ಮಾರುಕಟ್ಟೆ ಪ್ರವೇಶಿಸಿದೆ.
ಏಳು ಆಕರ್ಷಕ ಬಣ್ಣಗಳು
ಹಸಿರು, ಹಳದಿ, ಕಿತ್ತಳೆ, ನೀಲಿ, ನೇರಳೆ, ಗುಲಾಬಿ ಮತ್ತು ಬೆಳ್ಳಿ ಬಣ್ಣಗಳಲ್ಲಿ ಲಭ್ಯವಿದೆ.
ಆಕರ್ಷಕ ವಿನ್ಯಾಸ
ಡಾಲ್ಬಿ ಅಟ್ಮೋಸ್, 1080p ಫೇಸ್‌ಟೈಮ್ ಎಚ್‌ಡಿ ಕ್ಯಾಮರಾ, 4.5K 24 ಇಂಚಿನ ರೆಟಿನಾ ಡಿಸ್‌ಪ್ಲೇ ಇದರಲ್ಲಿದೆ. ಜತೆಗೆ ಆ್ಯಪಲ್ M1 ಚಿಪ್ ಸಹಿತ ನೂತನ ಐಮ್ಯಾಕ್ ದೊರೆಯಲಿದೆ.
ಆ್ಯಪಲ್ ವೆಬ್‌ಸೈಟ್ ಮತ್ತು ಸ್ಟೋರ್ ಮೂಲಕ ಏಪ್ರಿಲ್ 30ರಿಂದ ಪ್ರಿ ಆರ್ಡರ್ ಲಭ್ಯವಿದೆ. ಮೇ ತಿಂಗಳಿನಲ್ಲಿ ಗ್ರಾಹಕರಿಗೆ ದೊರೆಯಲಿದೆ.
ಬೆಲೆ ವಿವರ
ಹೊಸ ಐಮ್ಯಾಕ್ ದರ ₹1,19,900 ರಿಂದ ಆರಂಭವಾಗುತ್ತದೆ. 8GB ಮೆಮೊರಿ ಮತ್ತು 256GB ಸ್ಟೋರೇಜ್ ಕೂಡ ಇದರಲ್ಲಿದೆ. ಜತೆಗೆ ಹೊಸ ವಿನ್ಯಾಸದಲ್ಲಿ ಮ್ಯಾಜಿಕ್ ಕೀಬೋರ್ಡ್, ಮ್ಯಾಜಿಕ್ ಮೌಸ್ ಕೂಡ ಬಿಡುಗಡೆಯಾಗಿದೆ.
