ನವದೆಹಲಿ: ದೇಶೀಯ ಸ್ಮಾರ್ಟ್ಫೋನ್ ತಯಾರಿಕಾ ಕಂಪನಿ ಮೈಕ್ರೊಮ್ಯಾಕ್ಸ್ ‘ಇನ್’ ಸೀರೀಸ್ನ ಎರಡು ಸ್ಮಾರ್ಟ್ಫೋನ್ಗಳನ್ನು (‘ಇನ್ ನೋಟ್ 1’ ಮತ್ತು ‘ಇನ್ 1ಬಿ’) ಮಂಗಳವಾರ ಬಿಡುಗಡೆ ಮಾಡಿದೆ.
‘ಇನ್ ನೋಟ್ 1’ ಆರಂಭಿಕ ಬೆಲೆ ₹10,999 ಹಾಗೂ ‘ಇನ್ 1ಬಿ’ ಆರಂಭಿಕ ಬೆಲೆ ₹6,999 ಆಗಿದೆ.
ನವೆಂಬರ್ 24ರಿಂದ ಈ ಸ್ಮಾರ್ಟ್ಫೋನ್ಗಳು ಮೈಕ್ರೊಮ್ಯಾಕ್ಸ್ ಅಧಿಕೃತ ವೆಬ್ಸೈಟ್ ಮತ್ತು ಫ್ಲಿಪ್ಕಾರ್ಟ್ ಮೂಲಕ ಖರೀದಿಗೆ ಲಭ್ಯವಿವೆ.
‘ಇನ್’ ಸೀರೀಸ್ ಫೋನ್ಗಳು ಮೀಡಿಯಾಟೆಕ್ ಪ್ರೊಸೆಸರ್ಗಳನ್ನು ಹೊಂದಿವೆ. ‘ಇನ್ ನೋಟ್ 1’ ಮೀಡಿಯಾಟೆಕ್ ಜಿ85 ಹಾಗೂ ಮತ್ತೊಂದು ಮೀಡಿಯಾಟೆಕ್ ಜಿ35 ಪ್ರೊಸೆಸರ್ಗಳನ್ನು ಒಳಗೊಂಡಿವೆ. ಎರಡೂ ಸ್ಮಾರ್ಟ್ಫೋನ್ಗಳು 5000 ಎಂಎಎಚ್ ಬ್ಯಾಟರಿ ಒಳಗೊಂಡಿವೆ.
ಮೈಕ್ರೊಮ್ಯಾಕ್ಸ್ ‘ಇನ್ 1ಬಿ’ ಬೆಲೆ ₹6,999ರಿಂದ ಆರಂಭಗೊಳ್ಳುತ್ತದೆ. 2 ಜಿಬಿ ರ್ಯಾಮ್, 32 ಜಿಬಿ ಸ್ಟೋರೇಜ್ ಸಾಮರ್ಥ್ಯ ಹೊಂದಿದೆ. 4 ಜಿಬಿ ರ್ಯಾಮ್ ಹಾಗೂ 64 ಜಿಬಿ ಸ್ಟೋರೇಜ್ನ ಸ್ಮಾರ್ಟ್ಫೋನ್ ಬೆಲೆ ₹7,999 ಆಗಿದೆ.
ಮೈಕ್ರೊಮ್ಯಾಕ್ಸ್ ‘ಇನ್ ನೋಟ್ 1’ ಬೆಲೆ ₹10,999ರಿಂದ ಆರಂಭವಾಗುತ್ತದೆ. ಇದು 4 ಜಿಬಿ ರ್ಯಾಮ್, 64 ಜಿಬಿ ಸ್ಟೋರೇಜ್ ಹೊಂದಿದೆ. 4 ಜಿಬಿ ರ್ಯಾಮ್ನ 128 ಜಿಬಿ ಸ್ಟೋರೇಜ್ ಸಾಮರ್ಥ್ಯದ ಸ್ಮಾರ್ಟ್ ಫೊನ್ ಬೆಲೆ ₹12,999 ಆಗಿದೆ.