ಕಕ್ಷೆಯಲ್ಲಿ ಕಾರ್ಯಾರಂಭಕ್ಕೂ ಮುನ್ನ 90 ದಿನಗಳ ನಿರ್ಣಾಯಕ ಹಂತ ಪ್ರವೇಶಿಸಿದ NISAR

ಚೆನ್ನೈ: ಇಸ್ರೊ ಮತ್ತು ನಾಸಾ ಜಂಟಿಯಾಗಿ ಅಭಿವೃದ್ಧಿಪಡಿಸಿರುವ ಭೂಮಿ ಸಮೀಕ್ಷೆಯ ಸಿಂಥೆಟಿಕ್ ಅಪರ್ಚರ್ ರೇಡಾರ್ (ನಿಸಾರ್) ಉಪಗ್ರಹ ಕಕ್ಷೆಗೆ ಯಶಸ್ವಿಯಾಗಿ ಸೇರಿದ್ದು, ಇದೀಗ ತನ್ನ ಕಾರ್ಯಾರಂಭಕ್ಕೂ ಮೊದಲು 90 ದಿನಗಳ ನಿರ್ಣಾಯಕ ಹಂತವನ್ನು ತಲುಪಿದೆ.

ಪರಿಪೂರ್ಣವಾಗಿ ಭೂ ವೀಕ್ಷಣೆಗೆ ಅನುಕೂಲವಾಗುವಂತೆ ಉಪಗ್ರಹದ ಸಂಪೂರ್ಣ ಪರೀಕ್ಷೆ, ಕ್ಯಾಲಿಬ್ರೇಷನ್ ಹಾಗೂ ಕಕ್ಷೆಯ ಹೊಂದಾಣಿಕೆಯಲ್ಲಿ ತಂತ್ರಜ್ಞರು ನಿರತರಾಗಿದ್ದಾರೆ.

ಆಂಧ್ರಪ್ರದೇಶದ ಶ್ರೀಹರಿಕೋಟಾದಲ್ಲಿರುವ ಇಸ್ರೊ ಉಡ್ಡಯನ ಕೇಂದ್ರದಿಂದ ಜುಲೈ 30ರಂದು ಸಂಜೆ 5.40ಕ್ಕೆ ನಿಸಾರ್ ಉಪಗ್ರಹ ಹೊತ್ತ ಜಿಎಸ್ಎಲ್ವಿ–ಎಫ್16 ರಾಕೆಟ್ ನಭಕ್ಕೆ ಚಿಮ್ಮಿತು. ನೌಕೆಯು ಈ ಉಪಗ್ರಹವನ್ನು 737 ಕಿ.ಮೀ. ಎತ್ತರದ ಕಕ್ಷೆಯಲ್ಲಿ ಸ್ಥಾಪಿಸಿದೆ.

. ಬದಲಾಗುತ್ತಿದೆಯೇ ಕಕ್ಷೆಯ ಎತ್ತರ? ‘ಈಗಿರುವ ಕಕ್ಷೆಯಿಂದ ಉಪಗ್ರಹವನ್ನು 747 ಕಿ.ಮೀ. ಎತ್ತರದ ಕಕ್ಷೆಯಲ್ಲಿ ಸ್ಥಾಪಿಸಬೇಕಿದೆ. ಇದಕ್ಕೆ 45ರಿಂದ 50 ದಿನಗಳಾಗುತ್ತವೆ. ಒಮ್ಮೆ ಇದನ್ನು ಸ್ಥಾಪಿಸಿದ ನಂತರ ಭೂಮಿ ಸಮೀಕ್ಷೆ ನಡೆಸಿ ಮಾಹಿತಿ ಸಂಗ್ರಹಿಸಲು ಇದು ಆರಂಭಿಸುತ್ತದೆ. ಭೂಮಿ ಮೇಲ್ಮೈನ ಎಲ್ಲಾ ದಾಖಲೆಗಳನ್ನು ಎಲ್ಲಾ ಸಂದರ್ಭಗಳಲ್ಲೂ ಇದು ದಾಖಲಿಸಲಿದೆ’ ಎಂದು ನಾಸಾದ ನೈಸರ್ಗಿಕ ವಿಕೋಪ ಸಂಶೋಧನಾ ವಿಭಾಗದ ಕಾರ್ಯಕ್ರಮ ವ್ಯವಸ್ಥಾಪಕ ಗೆರಾಲ್ಡ್ ಡಬ್ಲ್ಯೂ ಬಾವ್ಡೆನ್ ತಿಳಿಸಿದ್ದಾರೆ.

‘ಪ್ರತಿ 5X5 ಮೀಟರ್ ಅಳತೆಯ ಮಾಹಿತಿಯನ್ನು ಪ್ರತಿ 12 ದಿನಗಳ ಅವಧಿಯಲ್ಲಿ ಸಂಗ್ರಹಿಸಿ ಕಳುಹಿಸುತ್ತದೆ. ಇದು ಬಹಳಾ ದೊಡ್ಡ ಪ್ರಮಾಣದ ಮಾಹಿತಿಯಾಗಿರಲಿದೆ. ಇದರ ಮಾಹಿತಿಯನ್ನು ಇಸ್ರೊದೊಂದಿಗೆ ನಾಸಾ ವಿಶ್ಲೇಷಿಸಲಿದೆ. ಈ ಯೋಜನೆ ಮೂಲಕ ಭೂಮಿಯ ವಿರುದ್ಧ ದಿಕ್ಕಿನಲ್ಲಿರುವ ಎರಡು ರಾಷ್ಟ್ರಗಳು ಒಂದುಗೂಡಿ ಅಧ್ಯಯನ ನಡೆಸುತ್ತಿವೆ. ಎರಡೂ ದೇಶಗಳ ನಡುವೆ 12.5 ಗಂಟೆಗಳ ವ್ಯತ್ಯಾಸವಿದೆ. ಸಾಂಸ್ಕೃತಿಕವಾಗಿಯೂ ಎರಡೂ ದೇಶಗಳ ನಡುವೆ ಸಾಕಷ್ಟು ವಿಭಿನ್ನತೆ ಇದೆ. ಆದರೆ ತಂತ್ರಜ್ಞಾನದಲ್ಲಿ ಇಬ್ಬರಿಗೂ ಸಮಾನ ಆಸಕ್ತಿ ಇದೆ’ ಎಂದು ಬಾವ್ಡೆನ್ ಹೇಳಿದರು.

. ಎರಡು ತರಂಗಾಂತರಗಳ ಹೇಗೆ ಕಾರ್ಯ ನಿರ್ವಹಿಸಲಿವೆ? ನಾಸಾದ ಭೂವಿಜ್ಞಾನ ವಿಭಾಗದ ಸಂಗಮಿತ್ರ ಬಿ. ದತ್ತಾ ಪ್ರತಿಕ್ರಿಯಿಸಿ, ‘ಎರಡು ರಾಷ್ಟ್ರಗಳು ಜಂಟಿಯಾಗಿ ನಡೆಸುತ್ತಿರುವ ಭೂಮಿ ಸಮೀಕ್ಷೆಯ ಅತಿ ದೊಡ್ಡ ಯೋಜನೆ ಇದಾಗಿದೆ. ಇದರೊಂದಿಗೆ ಇತ್ತೀಚೆಗೆ ಯಶಸ್ವಿಯಾಗಿ ಪೂರ್ಣಗೊಂಡ ಮಾನವ ಸಹಿತ ಬಾಹ್ಯಾಕಾಶ ಯಾನ ಸೇರಿದಂತೆ ಕಳೆದ ಐದು ವರ್ಷಗಳಲ್ಲಿ ಎರಡೂ ರಾಷ್ಟ್ರಗಳು ಜಂಟಿಯಾಗಿ ಹಲವು ಯೋಜನೆಗಳನ್ನು ಕೈಗೊಂಡಿವೆ’ ಎಂದಿದ್ದಾರೆ.

‘ಅವಳಿ ತರಂಗಾಂತರಗಳನ್ನು ಹೊಂದಿರುವ ರಾಡಾರ್ ಯೋಜನೆಗಳು ಈ ಹಿಂದೆ ಆಗಿವೆ. ಆದರೆ ಏಕಕಾಲಕ್ಕೆ ಎರಡು ವಿಭಿನ್ನ ತರಂಗಾಂತರಗಳ ರಾಡಾರ್ಗಳು ಹಾರಾಡುತ್ತಾ ಮಾಹಿತಿ ಸಂಗ್ರಹಿಸುತ್ತಿರುವುದು ಇದೇ ಮೊದಲು. ಇದರಲ್ಲಿ ಎಲ್–ಬ್ಯಾಂಡ್ ಅನ್ನು ನಾಸಾ ಒದಗಿಸಿದ್ದರೆ, ಎಸ್–ಬ್ಯಾಂಡ್ ಅನ್ನು ಇಸ್ರೊ ಒದಗಿಸಿದೆ. ಎಸ್–ಬ್ಯಾಂಡ್ ಅನ್ನು ಸಿಂಥೆಟಿಕ್ ಅಪರ್ಚರ್ ರೇಡಾರ್ನಲ್ಲಿ ಅಳವಡಿಸಲಾಗುತ್ತದೆ. ಇದರಿಂದ ಭೂಮಿಗೆ ಸಂಬಂಧಿಸಿದಂತೆ ವ್ಯಾಪಕ ದತ್ತಾಂಶ ಸಂಗ್ರಹ ಸಾಧ್ಯವಾಗಲಿದೆ’ ಎಂದಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಕ್ಷೆಯಲ್ಲಿ ಕಾರ್ಯಾರಂಭಕ್ಕೂ ಮುನ್ನ 90 ದಿನಗಳ ನಿರ್ಣಾಯಕ ಹಂತ ಪ್ರವೇಶಿಸಿದ NISAR

ಮಹಿಳೆ ಮೇಲೆ ಅತ್ಯಾಚಾರ: ಪ್ರಜ್ವಲ್ ರೇವಣ್ಣ ಅಪರಾಧಿ

ಚಿನಕುರುಳಿ Cartoon: 1 ಆಗಸ್ಟ್ 2025

ಚುರುಮುರಿ: ಏನ್‌ ಮಹಾ ಎಸ್ಸೆಸ್ಸೆಲ್ಸಿ...

ಡಾ. ರಾಜಕುಮಾರ್ ಸಹೋದರಿ ನಾಗಮ್ಮ ನಿಧನ

IND vs ENG 5th Test: ಇಂಗ್ಲೆಂಡ್‌ಗೆ ಭಾರತದ ವೇಗಿಗಳ ತಿರುಗೇಟು

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್ ಟೂರ್ನಿ: ಎರಡು ಫೈನಲ್‌ ತಲುಪಿದ ಶೈನಾ

ಮಕಾವ್‌ ಓಪನ್‌: ಸೆಮಿಗೆ ಲಕ್ಷ್ಯ, ತರುಣ್‌, ಸಾತ್ವಿಕ್‌–ಚಿರಾಗ್‌ ಜೋಡಿಗೆ ಆಘಾತ

19 ವರ್ಷದೊಳಗಿನವರ ಏಷ್ಯನ್‌ ಬಾಕ್ಸಿಂಗ್‌: ಸುಮನ್‌ ಕುಮಾರಿ ಶುಭಾರಂಭ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಮಹಿಳೆ ಮೇಲೆ ಅತ್ಯಾಚಾರ: ಪ್ರಜ್ವಲ್ ರೇವಣ್ಣ ಅಪರಾಧಿ

ಚಿನಕುರುಳಿ Cartoon: 1 ಆಗಸ್ಟ್ 2025

ಚುರುಮುರಿ: ಏನ್‌ ಮಹಾ ಎಸ್ಸೆಸ್ಸೆಲ್ಸಿ...

ಡಾ. ರಾಜಕುಮಾರ್ ಸಹೋದರಿ ನಾಗಮ್ಮ ನಿಧನ