ಹುಣ್ಣಿಮೆ ದಿನ ಸಂಪೂರ್ಣ ಚಂದ್ರ ಇಡೀ ರಾತ್ರಿ ಬೆಳಗಿ, ಮುಂದಿನ ದಿನದ ಸೂರ್ಯೋದಯಕ್ಕೆ ಅಸ್ತನಾಗುತ್ತಾನೆ. ಚಂದ್ರನಂತೆಯೇ ಗುರು ಗ್ರಹ ವರ್ಷದಲ್ಲಿ ಕೆಲವು ದಿನಗಳು ಇಡೀ ರಾತ್ರಿ ಕಾಣುತ್ತದೆ. ಭಾನುವಾರ ಚಂದ್ರ ಹಾಗೂ ಗುರು ಗ್ರಹ ಜೊತೆಯಾಗಿ ಹುಣ್ಣಿಮೆ ಆಚರಿಸುತ್ತಿರುವುದು ವಿಶೇಷ. ಇದೊಂದು ಅಪರೂಪದ ವಿದ್ಯಮಾನವಾಗಿದ್ದು, ಚಂದ್ರ, ಗುರು ಹಾಗೂ ಶ್ರವಣ ನಕ್ಷತ್ರವೂ ಜೊತೆ ಜೊತೆಯಾಗಿ ಕಾಣಸಿಗಲಿದ್ದು, ಆಸಕ್ತರು ಕಣ್ತುಂಬಿಕೊಳ್ಳಬಹುದು. ದೂರ ದರ್ಶಕದಲ್ಲಿ ಗುರು ಗ್ರಹ ನೋಡಲು ಆಗಸ್ಟ್ ತಿಂಗಳು ಒಳ್ಳೆಯ ಕಾಲ ಎನ್ನುತ್ತಾರೆ ಡಾ.ಎ.ಪಿ.ಭಟ್.