ಸಾಕುನಾಯಿಗಳನ್ನು ಪ್ರಾಣಿಗಳೆಂದು ನೋಡದೆ ಮನೆಯ ಸದಸ್ಯರೆಂದೇ ಪರಿಗಣಿಸಲಾಗುತ್ತದೆ. ನಾಯಿಗಳ ಸಹಜವಾದ ಪ್ರೀತಿ, ನಿಷ್ಠೆ ಇವೆಲ್ಲವೂ ಮಾನವ–ಶ್ವಾನಸಂಬಂಧವನ್ನು ಸಹಸ್ರಾರು ವರ್ಷಗಳಿಂದ ಗಟ್ಟಿಗೊಳಿಸಿವೆ. ಆದರೂ, ನಾಯಿಗಳ ಭಾಷೆಯೇ ಬೇರೆ, ಮಾನವನ ಭಾಷೆಯೇ ಬೇರೆ. ಭಾಷೆಯ ಅಗತ್ಯವೇ ಇಲ್ಲದೇ ಪರಸ್ವರ ಸಂಬಂಧ ಸಾಧ್ಯವಿದ್ದರೂ ನಾಯಿಗಳು ಏನೆಲ್ಲಾ ಮಾತನಾಡುತ್ತವೆ ಎಂದು ತಿಳಿದುಕೊಳ್ಳುವ ಕುತೂಹಲವಂತೂ ಇದ್ದೇ ಇರುತ್ತದೆ. ಬಹುಶಃ ಸಾಕಿದ ನಾಯಿ ಏನು ಮಾತನಾಡುತ್ತದೆ ಎಂದು ಅರಿಯುವ ಕಾಲ ತೀರಾ ದೂರವೇನೂ ಉಳಿದಿಲ್ಲ!
