ಬುಧವಾರ, ಫೆಬ್ರವರಿ 19, 2020
17 °C
ಸೌರ ಅಧ್ಯಯನಕ್ಕಾಗಿ ಉಪಗ್ರಹ ಉಡಾವಣೆ

ಕಳಸದ ಎಂಜಿನಿಯರ್‌ಗೆ ಗುರುತರ ಜವಾಬ್ದಾರಿ

ರವಿ ಕೆಳಂಗಡಿ Updated:

ಅಕ್ಷರ ಗಾತ್ರ : | |

Prajavani

ಕಳಸ: ಅಮೆರಿಕದ ಫ್ಲಾರಿಡಾದ ಕೆನಡಿ ಸ್ಪೇಸ್ ಸೆಂಟರ್‌ನಿಂದ ಸೋಮವಾರ (ಫೆ.9) ಯೂರೋಪಿಯನ್ ಸ್ಪೇಸ್ ಏಜೆನ್ಸಿಯು ನಾಸಾ ಸಹಾಯದೊಂದಿಗೆ ಸೂರ್ಯನ ಬಗ್ಗೆ ಅಧ್ಯಯನ ನಡೆಸಲು ಉಪಗ್ರಹವೊಂದನ್ನು ಆಗಸಕ್ಕೆ ಉಡಾಯಿಸಿದೆ. ಈ ಯೋಜನೆಯಲ್ಲಿ ಕಳಸದ ಎಂಜಿನಿಯರ್‌ ಸಂದೀಪ್ ರಾಮನಾಥ್ ಮಹತ್ವದ ಪಾತ್ರ ವಹಿಸಿದ್ದಾರೆ.

ಅವರು ಪಿಎಚ್‍ಐ (ಪೊಲಾರಿಮೆಟ್ರಿಕ್‌ ಅಂಡ್‌ ಹಿಲಿಯೊಸೆಸ್ಮಿಕ್‌ ಇಮೇಜರ್‌) ಯೋಜನೆ ಅಭಿವೃದ್ಧಿ ಪಡಿಸಿದ ಜರ್ಮನಿಯ ಮ್ಯಾಕ್‌ ಪ್ಲಾಂಕ್‌ ಇನ್‌ಸ್ಟಿಟ್ಯೂಟ್‌ನ ತಂಡದ ಪ್ರಮುಖ ಸದಸ್ಯರಾಗಿದ್ದಾರೆ.

‘ಈ ಉಪಗ್ರಹದಲ್ಲಿ ಹೈ ರೆಸಲ್ಯೂಶನ್ ಟೆಲಿಸ್ಕೋಪ್ ಇದ್ದು, ಸೂರ್ಯನ ಆಳದ ಸಂಗತಿಗಳನ್ನು ಪತ್ತೆ ಮಾಡುವ ಉದ್ದೇಶ ಇದೆ. ಸೂರ್ಯನಲ್ಲಿರುವ ಆಯಸ್ಕಾಂತೀಯ ಬಲದ ದಿಕ್ಕು ಮತ್ತು ಶಕ್ತಿಯ ಅಧ್ಯಯನ ಮಾಡುವ ಉದ್ದೇಶ ಇದೆ. ಉಪಗ್ರಹ ಈಗಾಗಲೇ ತನ್ನ ಗುರಿ ತಲುಪಿದೆ’ ಎಂದು ಸಂದೀಪ್ ಫ್ಲಾರಿಡಾದಿಂದ ‘ಪ್ರಜಾವಾಣಿ’ಗೆಮಾಹಿತಿ ನೀಡಿದ್ದಾರೆ.

‘ಈ ಸೋಲಾರ್ ಆರ್ಬಿಟರ್‌ನ ಎಲ್ಲ ಸಲಕರಣೆಗಳನ್ನು 40 ಸೆಂಟಿ ಮೀಟರ್ ದಪ್ಪದ ಟೈಟಾನಿಯಮ್ ಲೋಹದ ಒಳಗೆ ಇರಿಸಲಾಗಿದೆ. ಈ ಲೋಹದ ಕವಚದ ಒಳಗೆ ತಾಪಮಾನ 50 ಡಿಗ್ರಿ ಸೆಲ್ಸಿಯಸ್ ಮೀರದಂತೆ ತಡೆಯಲಾಗುತ್ತಿದೆ. ಇದರಿಂದ ಬೆಂಕಿಯುಂಡೆಯಂತಹ ಸೂರ್ಯನಿಂದ ಸಲಕರಣೆಗಳನ್ನು ರಕ್ಷಿಸಲು ಸಾಧ್ಯ’ ಎಂದೂ ಸಂದೀಪ್ ಹೇಳುತ್ತಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು