ಇದರ ಜೊತೆಗೇ, ಎಲ್ಲ ಕೇಂದ್ರ ಮಂತ್ರಿಗಳು ಅವರಿಗೆ ಸಂಬಂಧಿಸಿದ ಇಲಾಖೆಗಳು ಆದಷ್ಟು ಶೀಘ್ರವೇ ಕೂ ಉಪಯೋಗಿಸಬೇಕು ಎಂದು ಸೂಚನೆಯನ್ನೂ ನೀಡಲಾಗಿದೆ. ಸಾಮಾಜಿಕ ತಾಣದ ವಿಚಾರದಲ್ಲಿಯೂ ಆತ್ಮನಿರ್ಭರತೆ ಸಾಧಿಸಲು ನಿರ್ಧರಿಸಿರುವ ಸರ್ಕಾರ, ಯಾವುದೇ ಪ್ರಕಟಣೆಯನ್ನು ಮೊದಲಿಗೆ ಕೂನಲ್ಲಿ ಹಂಚಿಕೊಳ್ಳಲಿದೆ. ಇದಾದ ಒಂದರಿಂದ ಮೂರು ಗಂಟೆಗಳ ನಂತರ ಟ್ವಿಟರ್ ಸೇರಿದಂತೆ ಇತರ ಸಾಮಾಜಿಕ ತಾಣಗಳ ವೇದಿಕೆಯಲ್ಲಿ ಹಂಚಿಕೊಳ್ಳಲಿದೆ ಎಂದು 'ಎಕನಾಮಿಕ್ ಟೈಮ್ಸ್' ವರದಿ ಮಾಡಿದೆ.
