ನ್ಯೂಯಾರ್ಕ್: ಕೃತಕ ಬುದ್ಧಿಮತ್ತೆ ಉತ್ಪನ್ನ ರೇಸ್ಗೆ ಸಾಮಾಜಿಕ ಜಾಲತಾಣ ದೈತ್ಯ ಫೇಸ್ಬುಕ್ ಒಡೆತನದ ಮೆಟಾ ಕಂಪನಿ ಪ್ರವೇಶ ಮಾಡಿದೆ. ಇಮೇಜ್ ಬ್ಯಾಕ್ಗ್ರೌಂಡ್ (Image background) ಹಾಗೂ ಟೆಕ್ಸ್ಟ್ ವೇರಿಯೇಷನ್ (Text Variation) ಸೌಲಭ್ಯ ಕಲ್ಪಿಸುವ ಕೃತಕ ಬುದ್ಧಿಮತ್ತೆ ಆ್ಯಡ್ ಸಾಧನದ (artificial intelligence-powered ad tools) ಪ್ರಯೋಗ ಆರಂಭಿಸಿರುವುದಾಗಿ ಹೇಳಿದೆ.
AI Sandbox ಎಂದು ಈ ಟೂಲ್ಗೆ ಮೆಟಾ ನಾಮಕರಣ ಮಾಡಿದ್ದು, ಪ್ರಯೋಗಾರ್ಥವಾಗಿ ಕೆಲವು ಜಾಹೀರಾತುದಾರರನ್ನು ಮೆಟಾ ಆಹ್ವಾನಿಸಿದೆ.
ಗುರುವಾರ ನ್ಯೂಯಾರ್ಕ್ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಮೆಟಾ ಈ ಮಾಹಿತಿ ನೀಡಿದೆ.
ಪರೀಕ್ಷೆಯ ವೇಳೆ ಎಷ್ಟು ಜಾಹೀರಾತುದಾರರಿಗೆ ಇದರ ಆಕ್ಸೆಸ್ ಸಿಗಲಿದೆ ಎನ್ನುವುದರ ಬಗ್ಗೆ ಮೆಟಾ ಮಾಹಿತಿ ನೀಡಿಲ್ಲ. ಆದರೆ ಜುಲೈ ಹೊತ್ತಿಗೆ ಹಲವು ಜಾಹೀರಾತುದಾರರಿಗೆ ಇದರ ಆಕ್ಸೆಸ್ ಸಿಗಲಿದೆ ಎಂದು ಮೆಟಾ ಹೇಳಿದೆ.