ಶೀಘ್ರದಲ್ಲೇ ಮೆಸೇಜ್‌ ಕಣ್ಮರೆಯಾಗುವ ವೈಶಿಷ್ಟ್ಯ: ವಾಟ್ಸ್ಆ್ಯಪ್
ಅಕ್ಷರ ಗಾತ್ರ :ಆ |ಆ |ಆ
ನವದೆಹಲಿ: ವಾಟ್ಸ್‌ಆ್ಯಪ್‌ನಲ್ಲಿ ಒಬ್ಬರಿಗೆ ಕಳುಹಿಸಿದ ಮೆಸೇಜ್‌ ಏಳು ದಿನಗಳ ಬಳಿಕ ಕಣ್ಮರೆಯಾಗುವಂತೆ (ಡಿಸ್‌ಅಪಿಯರ್‌) ಮಾಡುವ ವೈಶಿಷ್ಟ್ಯವನ್ನು ಪರಿಚಯಿಸಿರುವುದಾಗಿ ವಾಟ್ಸ್ಆ್ಯಪ್ ಗುರುವಾರ ಹೇಳಿಕೊಂಡಿದೆ. ಈ ತಿಂಗಳಿನಲ್ಲಿಯೇ ಇದನ್ನು ಬಳಕೆದಾರರಿಗೆ ಲಭ್ಯವಾಗುವಂತೆ ಮಾಡುವುದಾಗಿಯೂ ಅದು ತಿಳಿಸಿದೆ.
ವೈಯಕ್ತಿಕವಾಗಿ ಚಾಟ್‌ ಮಾಡುವಾಗ ಮೆಸೇಜ್‌ ಕಣ್ಮರೆ ಆಯ್ಕೆಯನ್ನು ಯಾರು ಬೇಕಾದರೂ ಆನ್‌ ಅಥವಾ ಆಫ್ ಮಾಡಿಕೊಳ್ಳಬಹುದು. ಆದರೆ ಗ್ರೂಪ್‌ಗಳಲ್ಲಿ ಅಡ್ಮಿನ್‌ ಮಾತ್ರ ಅದರ ಮೇಲೆ ನಿಯಂತ್ರಣ ಹೊಂದಿರುತ್ತಾರೆ ಎಂದು ವಾಟ್ಸ್ಆ್ಯಪ್ ವಿವರಿಸಿದೆ.
ಫೋನ್‌ನಲ್ಲಿ ಸೇವ್ ಆಗುವ ವಾಟ್ಸ್ಆ್ಯಪ್ ಕಂಟೆಂಟ್‌ಗಳನ್ನು ಸುಲಭವಾಗಿ ಗುರುತಿಸಲು ಮತ್ತು ಏಕಕಾಲಕ್ಕೆ ಹಲವನ್ನು ಡಿಲೀಟ್‌ ಮಾಡಲು ಅನುಕೂಲ ಆಗುವಂತೆ ಮಾಡುವುದಾಗಿ ವಾಟ್ಸ್ಆ್ಯಪ್ ಹೇಳಿತ್ತು. ಈ ವಾರದಿಂದಲೇ ಆ ಸೌಲಭ್ಯವನ್ನೂ ನೀಡುವುದಾಗಿ ಅದು ತಿಳಿಸಿದೆ.
ವಾಟ್ಸ್‌ಆ್ಯಪ್‌ನ ಸೆಟ್ಟಿಂಗ್ಸ್‌ನಲ್ಲಿ ಸ್ಟೋರೇಜ್‌ ಮ್ಯಾನೇಜ್‌ಮೆಂಟ್‌ ಟೂಲ್‌ ಲಭ್ಯವಾಗಲಿದೆ ಎಂದು ಹೇಳಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
