2017ರಲ್ಲಿ ವಾಟ್ಸ್ಆ್ಯಪ್ ಬಳಕೆದಾರರು ತಮ್ಮ ಸ್ಟೇಟಸ್ ರೂಪದಲ್ಲಿ ವಿಡಿಯೊ, ಜಿಫ್ ಅಥವಾ ಫೋಟೊಗಳನ್ನು ಅಳವಡಿಸಿಕೊಳ್ಳುವ ವೈಶಿಷ್ಟ್ಯವನ್ನು ಪರಿಚಯಿಸಲಾಗಿತ್ತು. ಇದು 24 ಗಂಟೆಗಳ ಕಾಲ ಚಾಲ್ತಿಯಲ್ಲಿದ್ದು, ಬಳಿಕ ತಾನಾಗಿ ಅಳಿಸಿಹೋಗುತ್ತದೆ. ಲಾಕ್ಡೌನ್ ಸಂದರ್ಭದಲ್ಲಿ ವಿಡಿಯೊದ ಅವಧಿಯನ್ನು 15 ಸೆಕೆಂಡ್ಗಳಿಗೆ ಇಳಿಸಿದ ಬಳಿಕ ಈಗ ವಾಟ್ಸ್ಆ್ಯಪ್ನ ಪರಿಷ್ಕೃತ ಆವೃತ್ತಿಯಲ್ಲಿ ಅದೇ ವೈಶಿಷ್ಟ್ಯವನ್ನು ಯಥಾಸ್ಥಿತಿಗೆ ಮರಳಿಸಲಾಗಿದೆ. ಆಂಡ್ರಾಯ್ಡ್ನಲ್ಲಿ ವಾಟ್ಸ್ಆ್ಯಪ್ 2.20.166 ಆವೃತ್ತಿಯಲ್ಲಿ ಈ ವ್ಯವಸ್ಥೆ ಲಭ್ಯವಿದೆ. ಬಳಕೆದಾರರು ಈಗಾಗಲೇ ಈ ಪರಿಷ್ಕೃತ ಆವೃತ್ತಿಯನ್ನು ಪಡೆದುಕೊಳ್ಳಲಾರಂಭಿಸಿದ್ದಾರೆ. ಇದು ಗೂಗಲ್ ಪ್ಲೇ ಸ್ಟೋರ್ನಲ್ಲಿ ‘ಅಪ್ಡೇಟ್’ ರೂಪದಲ್ಲಿ ಲಭ್ಯವಾಗುತ್ತಿದೆ.