<p>ಯಕ್ಷಗಾನಕ್ಕೊಂದು ಮೊಬೈಲ್ ಆ್ಯಪ್. ಅಯ್ಯೋ! ಯಕ್ಷಗಾನಕ್ಕೂ ಮೊಬೈಲ್ ಆ್ಯಪ್ಗೂ ಏನು ಸಂಬಂಧ ಎಂದು ಭಾವಿಸಬಹುದು. ಹೌದು, ಈಗ ಈ ಆ್ಯಪ್ ಕರ್ನಾಟಕದ ಕಲೆಯಾದ ಯಕ್ಷಗಾನದ ಪ್ರಸಂಗಗಳನ್ನು ಸಹೃದಯರಿಗೆ ಒದಗಿಸುತ್ತಿದೆ.</p>.<p>ಹಾಗಾಗಿ ಇನ್ನು ಮುಂದೆ ಯಕ್ಷಗಾನಪ್ರೇಮಿಗಳು ಪ್ರಸಂಗಕ್ಕಾಗಿ ಅಲೆದಾಡಬೇಕಿಲ್ಲ. ಯಕ್ಷಗಾನ ಆಸಕ್ತರು, ಕವಿಗಳು, ಕಲಾವಿದರು ತಮ್ಮ ಮೊಬೈಲ್/ಕಂಪ್ಯೂಟರ್ನಲ್ಲಿ ತಮಗೆ ಬೇಕಾದ ಪ್ರಸಂಗಗಳನ್ನು ಆ್ಯಪ್ನ ಮೂಲಕವಾಗಿ ಡೌನ್ಲೋಡ್ ಮಾಡಿಕೊಳ್ಳಬಹುದು.</p>.<p>ಇಂತಹದೊಂದು ತಾಂತ್ರಿಕತೆಯು ಯಕ್ಷಗಾನದಂತಹ ಶಾಸ್ತ್ರೀಯ ಕಲೆಯ ಬೆಳವಣಿಗೆಯಲ್ಲಿ ಬಳಕೆಯಾಗುತ್ತಿರುವುದು ಶ್ಲಾಘನೀಯ. ಯಕ್ಷವಾಹಿನಿಯ ಸಂಸ್ಥೆಯು ಪ್ರಸಂಗ ಪ್ರತಿ ಸಂಗ್ರಹಕ್ಕೆ ಆ್ಯಪ್ವೊಂದನ್ನು ಅಭಿವೃದ್ಧಿ ಮಾಡಿದೆ.</p>.<p>ವೃತ್ತಿಯಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಹಾಗೂ ಹವ್ಯಾಸಿ ಕಲಾವಿದರೂ ಆದ ಲಕ್ಷ್ಮೀನಾರಾಯಣ ಭಟ್ (ಲನಾ) ಅವರು ಈ ಆ್ಯಪನ್ನು ಅಭಿವೃದ್ಧಿಪಡಿಸಿದ್ದಾರೆ. ಈಗಾಗಲೇ 5000ಕ್ಕೂ ಹೆಚ್ಚಿನ ಬಳಕೆದಾರರು ಇದನ್ನು ಬಳಸುತ್ತಿದ್ದಾರೆ. ಪ್ರತಿನಿತ್ಯ 100ಕ್ಕೂ ಹೆಚ್ಚು ಪ್ರಸಂಗಗಳು ಇದರಿಂದ ಡೌನ್ಲೋಡ್ ಆಗುತ್ತಿದೆ. ಸದ್ಯ ಈ ಆ್ಯಪ್ನಲ್ಲಿ 1500 ಕ್ಕೂ ಹೆಚ್ಚು ಯಕ್ಷಗಾನ ಪ್ರಸಂಗಗಳು ಲಭ್ಯ.</p>.<p>ಬೆಂಗಳೂರಿನ ‘ಯಕ್ಷವಾಹಿನಿ ಸಂಸ್ಥೆ’ಯು ಯಕ್ಷಗಾನ ಡಿಜಿಟಲೀಕರಣದ ಭಾಗವಾಗಿ ‘ಪ್ರಸಂಗಪ್ರತಿ ಸಂಗ್ರಹ ಯೋಜನೆ’ಯೊಂದನ್ನು 2019ರಲ್ಲಿ ಕೈಗೊಂಡಿತು. ಸಾಂಘಿಕ ನೆಲೆಗಟ್ಟಿನಲ್ಲಿ ಈ ಯೋಜನೆಯು ನಡೆಯುತ್ತಿದ್ದು ಸ್ವಯಂಸೇವಕರ ಸಹಕಾರದೊಂದಿಗೆ ಪ್ರಸಂಗಪ್ರತಿಗಳನ್ನು ಉಚಿತವಾಗಿ ಲಭ್ಯವಾಗುವಂತೆ ಮಾಡುತ್ತಿದೆ.</p>.<p>ಈಗಾಗಲೇ 1500ಕ್ಕೂ ಹೆಚ್ಚಿನ ಪ್ರತಿಗಳನ್ನು ಸಂಗ್ರಹಿಸಲಾಗಿದ್ದು, ಇನ್ನೂ ಹೆಚ್ಚಿನ ಪ್ರತಿಗಳನ್ನು ಸಂಗ್ರಹಕ್ಕೆ ಸೇರಿಸುವತ್ತ ತಂಡ ಕಾರ್ಯೋನ್ಮುಖವಾಗಿದೆ. ದುರ್ಲಭವಿರುವ, ಸದ್ಯ ಎಲ್ಲೋ ಕೆಲವೇ ಕೆಲವರ ಬಳಿಯಲ್ಲಿರುವ ಅಮೂಲ್ಯ ಪ್ರತಿಗಳನ್ನು ಯಕ್ಷಸಾಹಿತ್ಯಲೋಕದಲ್ಲಿ ಶಾಶ್ವತವಾಗಿರಿಸುವುದಲ್ಲದೇ, ಮುಂದಿನ ತಲೆಮಾರಿಗೆ ಯಕ್ಷಸಾಹಿತ್ಯವನ್ನು ದಾಟಿಸುವಲ್ಲಿ ಈ ಕಾರ್ಯ ಪ್ರಮುಖವಾದದ್ದು.</p>.<p>ನಶಿಸುತ್ತಿರುವ ಪ್ರಸಂಗಗಳನ್ನು ಸಂರಕ್ಷಿಸಲು ವಾರಾಂತ್ಯಗಳಲ್ಲಿ ಸ್ಕ್ಯಾನಿಂಗ್ ಕಮ್ಮಟಗಳನ್ನು ನಡೆಸಿ ಈ ಮೂಲಕ ಪ್ರತಿಗಳನ್ನು ಸೇರಿಸುವ ಕಾಯಕದಲ್ಲಿ ತೊಡಗಿದೆ.</p>.<p>lಆಂಡ್ರಾಯ್ಡ್ ಬಳಕೆದಾರರು ಪ್ಲೇಸ್ಟೋರ್ನಿಂದ ಡೌನ್ಲೋಡ್ ಮಾಡಬಹುದು.<br />Playstore:Prasanga Prathi Sangraha</p>.<p>lಕಂಪ್ಯೂಟರ್/IOS/ವೆಬ್ ಬಳಕೆದಾರರು, ಪಿಡಬ್ಲ್ಯುಏ ಆವೃತ್ತಿಯನ್ನೂ ಉಪಯೋಗಿಸಬಹುದು<br />http://prasangaprathiapp.yakshavahini.com/</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಯಕ್ಷಗಾನಕ್ಕೊಂದು ಮೊಬೈಲ್ ಆ್ಯಪ್. ಅಯ್ಯೋ! ಯಕ್ಷಗಾನಕ್ಕೂ ಮೊಬೈಲ್ ಆ್ಯಪ್ಗೂ ಏನು ಸಂಬಂಧ ಎಂದು ಭಾವಿಸಬಹುದು. ಹೌದು, ಈಗ ಈ ಆ್ಯಪ್ ಕರ್ನಾಟಕದ ಕಲೆಯಾದ ಯಕ್ಷಗಾನದ ಪ್ರಸಂಗಗಳನ್ನು ಸಹೃದಯರಿಗೆ ಒದಗಿಸುತ್ತಿದೆ.</p>.<p>ಹಾಗಾಗಿ ಇನ್ನು ಮುಂದೆ ಯಕ್ಷಗಾನಪ್ರೇಮಿಗಳು ಪ್ರಸಂಗಕ್ಕಾಗಿ ಅಲೆದಾಡಬೇಕಿಲ್ಲ. ಯಕ್ಷಗಾನ ಆಸಕ್ತರು, ಕವಿಗಳು, ಕಲಾವಿದರು ತಮ್ಮ ಮೊಬೈಲ್/ಕಂಪ್ಯೂಟರ್ನಲ್ಲಿ ತಮಗೆ ಬೇಕಾದ ಪ್ರಸಂಗಗಳನ್ನು ಆ್ಯಪ್ನ ಮೂಲಕವಾಗಿ ಡೌನ್ಲೋಡ್ ಮಾಡಿಕೊಳ್ಳಬಹುದು.</p>.<p>ಇಂತಹದೊಂದು ತಾಂತ್ರಿಕತೆಯು ಯಕ್ಷಗಾನದಂತಹ ಶಾಸ್ತ್ರೀಯ ಕಲೆಯ ಬೆಳವಣಿಗೆಯಲ್ಲಿ ಬಳಕೆಯಾಗುತ್ತಿರುವುದು ಶ್ಲಾಘನೀಯ. ಯಕ್ಷವಾಹಿನಿಯ ಸಂಸ್ಥೆಯು ಪ್ರಸಂಗ ಪ್ರತಿ ಸಂಗ್ರಹಕ್ಕೆ ಆ್ಯಪ್ವೊಂದನ್ನು ಅಭಿವೃದ್ಧಿ ಮಾಡಿದೆ.</p>.<p>ವೃತ್ತಿಯಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ ಹಾಗೂ ಹವ್ಯಾಸಿ ಕಲಾವಿದರೂ ಆದ ಲಕ್ಷ್ಮೀನಾರಾಯಣ ಭಟ್ (ಲನಾ) ಅವರು ಈ ಆ್ಯಪನ್ನು ಅಭಿವೃದ್ಧಿಪಡಿಸಿದ್ದಾರೆ. ಈಗಾಗಲೇ 5000ಕ್ಕೂ ಹೆಚ್ಚಿನ ಬಳಕೆದಾರರು ಇದನ್ನು ಬಳಸುತ್ತಿದ್ದಾರೆ. ಪ್ರತಿನಿತ್ಯ 100ಕ್ಕೂ ಹೆಚ್ಚು ಪ್ರಸಂಗಗಳು ಇದರಿಂದ ಡೌನ್ಲೋಡ್ ಆಗುತ್ತಿದೆ. ಸದ್ಯ ಈ ಆ್ಯಪ್ನಲ್ಲಿ 1500 ಕ್ಕೂ ಹೆಚ್ಚು ಯಕ್ಷಗಾನ ಪ್ರಸಂಗಗಳು ಲಭ್ಯ.</p>.<p>ಬೆಂಗಳೂರಿನ ‘ಯಕ್ಷವಾಹಿನಿ ಸಂಸ್ಥೆ’ಯು ಯಕ್ಷಗಾನ ಡಿಜಿಟಲೀಕರಣದ ಭಾಗವಾಗಿ ‘ಪ್ರಸಂಗಪ್ರತಿ ಸಂಗ್ರಹ ಯೋಜನೆ’ಯೊಂದನ್ನು 2019ರಲ್ಲಿ ಕೈಗೊಂಡಿತು. ಸಾಂಘಿಕ ನೆಲೆಗಟ್ಟಿನಲ್ಲಿ ಈ ಯೋಜನೆಯು ನಡೆಯುತ್ತಿದ್ದು ಸ್ವಯಂಸೇವಕರ ಸಹಕಾರದೊಂದಿಗೆ ಪ್ರಸಂಗಪ್ರತಿಗಳನ್ನು ಉಚಿತವಾಗಿ ಲಭ್ಯವಾಗುವಂತೆ ಮಾಡುತ್ತಿದೆ.</p>.<p>ಈಗಾಗಲೇ 1500ಕ್ಕೂ ಹೆಚ್ಚಿನ ಪ್ರತಿಗಳನ್ನು ಸಂಗ್ರಹಿಸಲಾಗಿದ್ದು, ಇನ್ನೂ ಹೆಚ್ಚಿನ ಪ್ರತಿಗಳನ್ನು ಸಂಗ್ರಹಕ್ಕೆ ಸೇರಿಸುವತ್ತ ತಂಡ ಕಾರ್ಯೋನ್ಮುಖವಾಗಿದೆ. ದುರ್ಲಭವಿರುವ, ಸದ್ಯ ಎಲ್ಲೋ ಕೆಲವೇ ಕೆಲವರ ಬಳಿಯಲ್ಲಿರುವ ಅಮೂಲ್ಯ ಪ್ರತಿಗಳನ್ನು ಯಕ್ಷಸಾಹಿತ್ಯಲೋಕದಲ್ಲಿ ಶಾಶ್ವತವಾಗಿರಿಸುವುದಲ್ಲದೇ, ಮುಂದಿನ ತಲೆಮಾರಿಗೆ ಯಕ್ಷಸಾಹಿತ್ಯವನ್ನು ದಾಟಿಸುವಲ್ಲಿ ಈ ಕಾರ್ಯ ಪ್ರಮುಖವಾದದ್ದು.</p>.<p>ನಶಿಸುತ್ತಿರುವ ಪ್ರಸಂಗಗಳನ್ನು ಸಂರಕ್ಷಿಸಲು ವಾರಾಂತ್ಯಗಳಲ್ಲಿ ಸ್ಕ್ಯಾನಿಂಗ್ ಕಮ್ಮಟಗಳನ್ನು ನಡೆಸಿ ಈ ಮೂಲಕ ಪ್ರತಿಗಳನ್ನು ಸೇರಿಸುವ ಕಾಯಕದಲ್ಲಿ ತೊಡಗಿದೆ.</p>.<p>lಆಂಡ್ರಾಯ್ಡ್ ಬಳಕೆದಾರರು ಪ್ಲೇಸ್ಟೋರ್ನಿಂದ ಡೌನ್ಲೋಡ್ ಮಾಡಬಹುದು.<br />Playstore:Prasanga Prathi Sangraha</p>.<p>lಕಂಪ್ಯೂಟರ್/IOS/ವೆಬ್ ಬಳಕೆದಾರರು, ಪಿಡಬ್ಲ್ಯುಏ ಆವೃತ್ತಿಯನ್ನೂ ಉಪಯೋಗಿಸಬಹುದು<br />http://prasangaprathiapp.yakshavahini.com/</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>