ಬೆಂಗಳೂರು: ಲೋಕದಲ್ಲಿ ಒಬ್ಬರಂತೆ ಕಾಣುವ, ಅವರನ್ನೇ ಹೋಲುವ ಏಳು ಮಂದಿ ಇರುತ್ತಾರೆ ಎನ್ನುವ ಮಾತಿದೆ..
ಅದರಲ್ಲೂ ಸೆಲೆಬ್ರಿಟಿಗಳನ್ನು ಹೋಲುವ ಮುಖಭಾವ ಉಳ್ಳವರು ಹೆಚ್ಚು ಜನಪ್ರಿಯತೆ ಕೂಡ ಗಳಿಸುತ್ತಾರೆ.
ಬಾಲಿವುಡ್ನ ಪ್ರಸಿದ್ಧ ನಟಿ ಐಶ್ವರ್ಯ ರೈ ಬಚ್ಚನ್ ಅವರನ್ನೇ ಹೋಲುವ ಅಶಿತಾ ಸಿಂಗ್ ಎಂಬವರು, ಸಾಮಾಜಿಕ ತಾಣದಲ್ಲಿ ಸದ್ದು ಮಾಡುತ್ತಿದ್ದಾರೆ.
ಅಶಿತಾ ಸಿಂಗ್, ಐಶ್ವರ್ಯ ನಟನೆಯ ವಿವಿಧ ಸಿನಿಮಾಗಳ ವಿಡಿಯೊಗಳಿಗೆ ಲಿಪ್ ಸಿಂಕ್ ರೀಲ್ಸ್ ಮಾಡುತ್ತಾರೆ. ಅದನ್ನು ತಮ್ಮ ಇನ್ಸ್ಟಾಗ್ರಾಂನಲ್ಲಿ ಪೋಸ್ಟ್ ಮಾಡುತ್ತಾರೆ.
ಅಶಿತಾ ಸಿಂಗ್ ಅವರ ವಿಡಿಯೊಗಳಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಈಕೆ ನಟಿ ಐಶ್ವರ್ಯಾ ಅವರಂತೆಯೇ ಇದ್ದಾರೆ ಎಂದಿದ್ದಾರೆ. ಅಲ್ಲದೆ, ಬಾಲಿವುಡ್, ತೆಲುಗು ಚಿತ್ರಗಳಲ್ಲಿ ನಾಯಕಿ ಪಾತ್ರದಲ್ಲಿ ಅಭಿನಯಿಸಿ ಎಂದು ಕಮೆಂಟ್ ಮಾಡಿದ್ದಾರೆ.
ನಟಿ ಐಶ್ವರ್ಯ ರೈ ಬಚ್ಚನ್ ಅವರನ್ನೇ ಹೋಲುವ ಮತ್ತೋರ್ವ ನಟಿ ಸ್ನೇಹಾ ಉಳ್ಳಾಲ್, ಮರಾಠಿ ನಟಿ ಮಾನಸಿ ನಾಯ್ಕ್ ಮತ್ತು ಪಾಕಿಸ್ತಾನ ಮೂಲದ ವೈದ್ಯೆ ಅಮ್ನಾ ಇಮ್ರಾನ್ ಕೂಡ ಇದೇ ರೀತಿಯಲ್ಲಿ ಜನಪ್ರಿಯತೆ ಗಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.