ಮೆಕ್ಸಿಕೊ ಸಿಟಿ: ಸಾಗರದಲ್ಲಿ ಬೆಂಕಿ ಹೊತ್ತಿ ಉರಿಯುತ್ತಿರುವುದನ್ನು ನೀವು ಎಂದಾದರೂ ನೋಡಿರುವೀರಾ? ಹೌದು, ನಂಬಲಾಗದ ಇಂತಹದೊಂದು ಘಟನೆ ಮೆಕ್ಸಿಕೊದಿಂದ ವರದಿಯಾಗಿದೆ.
ಮೆಕ್ಸಿಕೊದ ಯೂಕಟನ್ ಪರ್ಯಾಯ ದ್ವೀಪದ ಪಶ್ಚಿಮ ಸಾಗರದಲ್ಲಿ ಅಗ್ನಿ ಜ್ವಾಲೆಯ ರೌದ್ರ ನರ್ತನವಾಗಿದೆ.
ಸಮುದ್ರದಡಿಯಲ್ಲಿ ಹಾಕಿರುವ ಪೈಪ್ಲೈನ್ನಿಂದ ಅನಿಲ ಸೋರಿಕೆಯಾಗಿರುವುದು ಅವಘಡಕ್ಕೆ ಕಾರಣವಾಗಿದೆ ಎಂದು ಹೇಳಲಾಗಿದೆ.
ಪ್ರಸ್ತುತ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಕೊನೆಗೂ ಅಗ್ನಿಯನ್ನು ನಂದಿಸುವಲ್ಲಿ ಯಶಸ್ವಿಯಾಗಿದ್ದೇವೆ ಎಂದು ಮೆಕ್ಸಿಕೊದ ತೈಲ ಕಂಪನಿ ಪೆಮೆಕ್ಸ್ ತಿಳಿಸಿದೆ.
It is hard to believe that this video is real. But it is. The ocean is on fire in the Gulf of Mexico after a pipeline ruptured. What you can see are ships attempting to put it out. pic.twitter.com/VRcBmLGPsg
— Liam Young (@liamyoung) July 2, 2021
ಜ್ವಾಲಾಮುಖಿ ಸ್ಫೋಟಗೊಂಡಾಗ ಲಾವಾರಸ ಹೊರಚಿಮ್ಮುವ ರೀತಿಯಲ್ಲಿ ನೀರಿನ ಮಧ್ಯೆ ಬೆಂಕಿಯ ಜ್ವಾಲೆ ಹೊರಹೊಮ್ಮುತ್ತಿತ್ತು. ವೃತ್ತಕಾರಾದ ಈ ಅಗ್ನಿಯನ್ನು 'ಐ ಆಫ್ ಫೈರ್' (Eye of Fire) ಎಂದೇ ಹೆಸರಿಸಲಾಯಿತು.
ಈ ಕುರಿತು ಪ್ರತಿಕ್ರಿಯಿಸಿರುವ ನೆಟ್ಟಿಗರು, ಸಾಗರದಲ್ಲೂ ಬೆಂಕಿ ಹೊತ್ತಿಕೊಳ್ಳಲು ಸಾಧ್ಯವೇ? ಇದನ್ನು ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ಅಭಿಪ್ರಾಯ ಮಂಡಿಸಿದ್ದಾರೆ.
ಬಳಿಕ ಹಡಗು, ದೋಣಿಗಳ ಸಹಾಯದಿಂದ ಐದು ತಾಸಿಗೂ ಹೆಚ್ಚು ಹೊತ್ತು ನೀರಿನ ವರ್ಷಾಧಾರೆಯೆರೆದು ಬೆಂಕಿಯನ್ನು ನಂದಿಸಲಾಯಿತು.
🚨 Incendio registrado en aguas del Golfo de México
— Manuel Lopez San Martin (@MLopezSanMartin) July 2, 2021
A 400 metros de la plataforma Ku-Charly (dentro del Activo Integral de Producción Ku Maloob Zaap)
Una válvula de una línea submarina habría reventado y provocado el incendio
Esta fuera de control hace 8 horas pic.twitter.com/KceOTDU1kX
ಘಟನೆಯಲ್ಲಿ ಯಾವುದೇ ಸಾವು-ನೋವುಗಳ ಬಗ್ಗೆ ವರದಿಯಾಗಿಲ್ಲ. ಈ ಪೈಪ್ಲೈನ್ ಪೆಮೆಕ್ಸ್ನ 'ಕೂ ಮಲೂಬ್ ಜಾಪ್' ತೈಲ ಘಟಕವನ್ನು ಸಂಪರ್ಕಿಸುತ್ತದೆ.
ಈ ಅವಘಡ ಹಿಂದಿನ ನಿಖರ ಕಾರಣ ಕಂಡುಹಿಡಿಯಲು ತನಿಖೆ ನಡೆಸಲಾಗುವುದು ಎಂದು ಕಂಪನಿಯು ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.