ಬೆಂಗಳೂರು: ಸಾಮಾನ್ಯವಾಗಿ ವಿಪರೀತ ಮಳೆಯಿಂದ ಕಾಲುವೆ, ನದಿ ಹಳ್ಳ–ಕೊಳ್ಳಗಳು ತುಂಬಿ ಹರಿಯುವುದನ್ನು ನೋಡಿರುತ್ತೇವೆ. ಮಳೆಯಿಂದ ರಸ್ತೆಗಳೂ ಪ್ರವಾಹದ ರೂಪದಲ್ಲಿ ನೋಡಿದ್ದೇವೆ.
ಆದರೆ, ಪೋರ್ಚುಗಲ್‌ನಲ್ಲಿ ಊರೊಂದರ ರಸ್ತೆಗಳಲ್ಲಿ ಕೆಂಪು ವೈನ್, ನದಿಯಂತೆ ಪ್ರವಾಹ ಸದ್ರಶ್ಯವಾಗಿ ಹರಿದಿರುವ ಅಪರೂಪದ ಘಟನೆ ನಡೆದಿದೆ.
ಈ ಕುರಿತ ವಿಡಿಯೊ ಸಾಮಾಜಿಜ ಜಾಲತಾಣದಲ್ಲಿ ಹರಿದಾಡಿದ್ದು, ಭಾರಿ ಪ್ರಮಾಣದ ವೈನ್ ರಸ್ತೆ ಪಾಲಾಗಿದೆ.
ಪೋರ್ಚುಗಲ್‌ನ Anadia ಪ್ರಾಂತ್ಯದ Sao Lorenco de Bairro ಎಂಬ ಊರಿನಲ್ಲಿ ಈ ಘಟನೆ ಇತ್ತೀಚೆಗೆ ನಡೆದಿದೆ.
ವೈನ್ ಕಾರ್ಖಾನೆಯೊಂದರಲ್ಲಿ ಸ್ಪೋಟವಾಗಿದ್ದ ಬ್ಯಾರಲ್‌ಗಳು ಒಡೆದು ಸುಮಾರ 22 ಲಕ್ಷ ಲೀಟರ್ ವೈನ್ ಚೆಲ್ಲಿ, ರಸ್ತೆಯಲ್ಲಿ ನದಿಯಂತೆ ಹರಿದಿದೆ. ಸ್ಥಳೀಯಾಡಳಿತದವರು ಕೂಡಲೇ ಎಚ್ಚೆತ್ತುಕೊಂಡು ವೈನ್ ನದಿ, ಹೊಲ–ಗದ್ದೆಗಳನ್ನು ಸೇರದಂತೆ ಕ್ರಮ ತೆಗೆದುಕೊಂಡಿದ್ದಾರೆ ಎಂದು ಎನ್‌ಡಿಟಿವಿ ವರದಿ ಮಾಡಿದೆ.
