ವಾಷಿಂಗ್ಟನ್‌: ಸುದ್ದಿ ನಿರೂಪಕಿಯೊಬ್ಬರಿಗೆ ನೇರಪ್ರಸಾರ ಕಾರ್ಯಕ್ರಮದಲ್ಲಿ ಸಹ ಪತ್ರಕರ್ತರೊಬ್ಬರು ಪ್ರೇಮ ನಿವೇದನೆ ಮಾಡಿಕೊಂಡಿದ್ದಾರೆ. ಇದರ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.
ಅಮೆರಿಕದ NBCಯ ಅಂಗಸಂಸ್ಥೆಯಾದ WRCB-TV ವಾಹಿನಿಯ ನೇರಪ್ರಸಾರದ ಕಾರ್ಯಕ್ರಮದ ವೇಳೆ ಈ ಘಟನೆ ನಡೆದಿದೆ.
ಕಾರ್ನೆಲಿಯಾ ನಿಕೋಲ್ಸನ್ ಅವರು ಎಂದಿನಂತೆ ನೇರಪ್ರಸಾರ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿದ್ದರು. ಈ ವೇಳೆ ಆಕೆಯ ಪತ್ರಕರ್ತ ಗೆಳೆಯ ರಿಲೆನಗೆಲ್ ಅವರು ರಿಂಗ್‌ ಮತ್ತು ಹೂವಿನ ಗುಚ್ಚಗಳೊಂದಿಗೆ ಬಂದು ಮಂಡಿಯೂರಿ ಪ್ರೇಮ ನಿವೇದನೆ ಮಾಡಿಕೊಂಡಿದ್ದಾರೆ.
ಇದನ್ನು ನೋಡಿ ಕಾರ್ನೆಲಿಯಾ ಖುಷಿ ಮತ್ತು ಅಚ್ಚರಿಗೊಂಡಿರುವುದನ್ನು ವಿಡಿಯೊದಲ್ಲಿ ಕಾಣಬಹುದಾಗಿದೆ.
