<p>ಸಾಮಾಜಿಕ ತಾಣಗಳಿಗೆ ಸದಸ್ಯರಾಗುವುದು ಎಂದರೆ `ಸಂತೆಯಲ್ಲಿ ಬಟ್ಟೆ ಬಿಚ್ಚಿ ನಿಂತಂತೆ~ ಎಂಬ ಮಾತಿದೆ. ಖಾಸಗಿ-ವೈಯಕ್ತಿಕ ಮಾಹಿತಿ ನಡುವಿನ ವ್ಯತ್ಯಾಸವೇ ಇಲ್ಲದೆ ಎಲ್ಲವನ್ನೂ ಇಂತಹ ತಾಣಗಳ ಗೋಡೆಗಳ (wall post) ಮೇಲೆ ಬರೆದು ಜಗಜ್ಜಾಹೀರುಗೊಳಿಸಿದರೆ ಅದರಿಂದ ಅಪಾಯ ಕಟ್ಟಿಟ್ಟ ಬುತ್ತಿ. <br /> <br /> `ನಿಮ್ಮ ಬಾಸ್ ವಿರುದ್ಧ ನಿಮಗೆ ದ್ವೇಷ ಇದೆಯೇ? ಮಾದಕ ವಸ್ತುಗಳನ್ನು ತೆಗೆದುಕೊಳ್ಳುವ ಚಟ ಇದೆಯೇ? ನಿಮ್ಮ ಹೆಂಡತಿ ಮೇಲೆ ನಿಮಗೆ ತೀವ್ರ ಅಸಹನೆ ಇದೆಯೇ? ಹೀಗೆ ನಿಮಗೆ ನೂರೆಂಟು ಸಮಸ್ಯೆಗಳಿದ್ದರೂ ಅವನ್ನೆಲ್ಲ ಫೇಸ್ಬುಕ್ನ ವಾಲ್ ಮೇಲೆ ಮಾತ್ರ ದಯವಿಟ್ಟು ಬರೆಯಲೇಬೇಡಿ. <br /> <br /> ಮೈ ಮೇಲೆ ಎಚ್ಚರವಿಲ್ಲದಂತೆ ಹೀಗೆ ಮಾಹಿತಿಗಳನ್ನೆಲ್ಲ ಹರಿಯಬಿಟ್ಟರೆ ನಾನು ನಿಮ್ಮ ಜಾತಕ ಬಯಲು ಮಾಡುತ್ತೇನೆ~ ಎಂಬ ಎಚ್ಚರಿಕೆಯೊಂದಿಗೇ ಇಂಗ್ಲೆಂಡ್ನ ನ್ಯಾಟಿಂಗ್ಹ್ಯಾಂನ ಕ್ಯಾಲಂ ಹೇವುಡ್ ಎಂಬ 18ರ ತಂಟೆಕೋರ ಯುವಕ ಸವಾಲು ಹಾಕಿದ್ದಾನೆ.<br /> <br /> ಸಾಮಾಜಿಕ ತಾಣಗಳು ಬಳಕೆದಾರ ದಾಖಲಿಸುವ ಖಾಸಗಿ ಮಾಹಿತಿಗಳನ್ನು ಆತನ ಅರಿವಿಗೇ ಬಾರದಂತೆ ಮೂರನೇ ಸಂಸ್ಥೆ/ವ್ಯಕ್ತಿಗಳಿಗೆ ಮಾರಾಟ ಮಾಡುತ್ತವೆ ಎನ್ನುವುದು ಕ್ಯಾಲಂನ ದೂರು. ಅದಕ್ಕೆ ಈತ ನಿಮ್ಮ ಖಾಸಗಿ ಮಾಹಿತಿ ಮೇಲೆ ನಿಮಗೆ ನಿಯಂತ್ರಣ ಇರಲಿ ಎನ್ನುತ್ತಾನೆ. ತೆರದ ಪುಸ್ತಕದಂತಿರುವ `ಫೇಸ್ಬುಕ್~ನ ಗೋಡೆಯ ಮೇಲೆ ನೀವು ಏನು ಬರೆದರೂ ಅದು ಕ್ಷಣಾರ್ಥದೊಳಗೆ ಇಡೀ ಪ್ರಪಂಚಕ್ಕೇ ಗೊತ್ತಾಗಿ ಬಿಡುತ್ತದೆ. ಇಲ್ಲಿ ನೀವು ಏನು ಮಾಡಿದರೂ ಅದು ಮೈಕ್ ಮುಂದೆ ನಿಂತು ಪಿಸುಗುಟ್ಟಿದಂತೆ. <br /> <br /> ಸಾರ್ವಜನಿಕವಾಗಿ ನೀವು ಬಹಿರಂಗಗೊಳಿಸುವ ವಿಷಯಗಳು, ನಿಮ್ಮ ಭಾವಚಿತ್ರ, ದೂರವಾಣಿ ಸಂಖ್ಯೆ ಹೀಗೆ ಎಲ್ಲ ಮಾಹಿತಿಗಳೂ ಬಯಲಾಗುತ್ತವೆ. ಆದ್ದರಿಂದ ಕ್ಷಣ ಕ್ಷಣದ ನಿಮ್ಮ ಯೋಚನೆಗಳು ನಿಮ್ಮ ತಲೆಯಲ್ಲೇ ಇರಲಿ, ಸಾಮಾಜಿಕ ತಾಣಗಳಲ್ಲಿ ಹರಿಯಬಿಡದಿರಿ ಎನ್ನುವುದು ಕ್ಯಾಲಂನ ಕಳಕಳಿಯ ನುಡಿ.<br /> <br /> ಆದರೆ, ಈತನ ಈ ಕಾಳಜಿಯ ಮಾತಿಗೆ ಫೇಸ್ಬುಕ್ ಬಳಕೆದಾರರು ಕವಡೆಯಷ್ಟು ಕಿಮ್ಮತ್ತನ್ನೂ ನೀಡಲಿಲ್ಲ. ನೋಡಿ ನೋಡಿ ಬೇಸೆತ್ತ ಕ್ಯಾಲಂ ಕೊನೆಗೊಂದು ದಿನ ಗಟ್ಟಿ ನಿರ್ಧಾರಕ್ಕೆ ಬಂದ. ಫೇಸ್ಬುಕ್ಗೆ ಪರ್ಯಾಯವಾಗಿ ವೆಬ್ ತಾಣವೊಂದನ್ನು ಸೃಷ್ಟಿಸಿದರೆ ಹೇಗೆ? ಆತ ಇದರಲ್ಲಿ ಯಶಸ್ವಿಯೂ ಆದ. `<br /> <br /> ವಿ ನೊ ವಾಟ್ ಯೂ ಆರ್ ಡೂಯಿಂಗ್ (ಓಗ್ಗಈ) ಎನ್ನುವುದು ಈ ತಾಣದ ಹೆಸರು. ಇದನ್ನು ಕ್ಯಾಲಂ ಹೇವುಡ್ನ ಫೇಸ್ಬುಕ್ ಅಂತಲೂ ಕರೆಯುತ್ತಾರೆ. ವೆಬ್ ತಾಣದ ವಿಳಾಸ <a href="http://www.weknowwhatyouredoing.com/">http://www.weknowwhatyouredoing.com/</a><br /> <br /> ಫೇಸ್ಬುಕ್ನಲ್ಲಿ ಯಾರು ಬೇಕಾಬಿಟ್ಟಿಯಾಗಿ ಮಾಹಿತಿ ಹಾಕಿದ್ದಾರೋ (ಪಬ್ಲಿಕ್ ಪ್ರೊಫೈಲ್) ಅಂತಹ ವ್ಯಕ್ತಿಚಿತ್ರಗಳನ್ನು ಕದ್ದು ಕ್ಯಾಲಂ ತನ್ನ ಹೊಸ ವೆಬ್ ತಾಣದಲ್ಲಿ ಹಾಕಿ ಜಾತಕ ಬಯಲು ಮಾಡುತ್ತಾನೆ. `ಸಾಮಾಜಿಕ ತಾಣಗಳ ಖಾಸಗೀತನ ಪರೀಕ್ಷೆ~ ಎಂದು ತನ್ನ ಪ್ರಯೋಗವನ್ನು ಬಣ್ಣಿಸಿದ್ದಾನೆ. <br /> <br /> ಖಾಸಗಿ ಮಾಹಿತಿಯ ಮೇಲೆ ಯಾವುದೇ ನಿರ್ಬಂದವಿಲ್ಲ. ಇಲ್ಲಿರುವ ಬಳಕೆದಾರರ ಪ್ರೊಫೈಲ್ಗಳನ್ನು ನಾಲ್ಕು ವಿಭಾಗಗಳಲ್ಲಿ ವಿಂಗಡಿಸಿದ್ದಾನೆ. ನಿಮಗೆ ಸ್ನೇಹಿತರು ಬೇಕೇ? (ತಮ್ಮ ಕೆಲಸ ಮತ್ತು ಬಾಸ್ಗಳನ್ನು ದ್ವೇಷಿಸುವವರ ವಿಭಾಗ) ನಿಮಗೆ ಮಾದಕ ವಸ್ತುಗಳು ಬೇಕೇ? <br /> <br /> (ಮಾದಕ ವ್ಯಸನಿಗಳ ಪ್ರೊಪೈಲ್) ನಿಮಗೆ ಹೊಸ ಫೋನ್ ನಂಬರ್ ಬೇಕೇ? (ಕದ್ದ ದೂರವಾಣಿ ಸಂಖ್ಯೆಗಳ ಹರಾಜು) ಹೀಗೆ ಹಲವು ವಿಶೇಷತೆಗಳಿಂದ ಕೂಡಿದೆ ಈ ತಾಣ. ಬಳಕೆದಾರರ ಖಾಸಗಿ ಮಾಹಿತಿಗಳನ್ನು ಹೀಗೆ ಬಟಾಬಯಲುಗೊಳಿಸುವ ಇಂತಹ ತಾಣದ ಮೇಲೆ ಯಾರೂ ಕ್ರಮ ಕೈಗೊಂಡಿಲ್ಲವೇ ಎಂದು ನೀವು ಕೇಳಬಹುದು. <br /> <br /> ಆದರೆ, ಸೃಷಿಕರ್ತ ಕ್ಯಾಲಂ ಹೇವುಡ್ ವಿವರಣೆಯೇ ಬೇರೆ. ಫೇಸ್ಬುಕ್ ಮತ್ತಿತರ ತಾಣಗಳಲ್ಲಿ ಖಾಸಗಿ ಮಾಹಿತಿಗಳನ್ನು ಬೇಕಾಬಿಟ್ಟಿಯಾಗಿ ಹರಿಬಿಡುವ ಬೇಜವಾಬ್ದಾರಿ ಬಳಕೆದಾರರಿಗೆ ಪಾಠ ಕಲಿಸಲು ತಾನು ಈ ತಾಣ ಪ್ರಾರಂಭಿಸಿರುವುದಾಗಿ ಹೇಳುತ್ತಾನೆ. <br /> ಬಳಕೆದಾರರು ತಮ್ಮ ಖಾಸಗಿ ಮಾಹಿತಿಗಳನ್ನು ಹಂಚಿಕೊಳ್ಳುವ ವಿಚಾರದಲ್ಲಿ ಸ್ವಯಂ ನಿಯಂತ್ರಣ ವಿಧಿಸಿಕೊಳ್ಳಲಿ. ಮಾಹಿತಿ ಬಹಿರಂಗಪಡಿಸುವುದಕ್ಕೆ ಮುನ್ನ ಸೆಟ್ಟಿಂಗ್ಸ್ ಆಯ್ಕೆಯಲ್ಲಿ `ಪಬ್ಲಿಕ್~ ಬದಲು `ಪ್ರೈವೇಟ್~ ಎನ್ನುವುದನ್ನು ಆಯ್ಕೆ ಮಾಡಿಕೊಳ್ಳಲಿ ಎನ್ನುವ ಸದುದ್ದೇಶವೇ ಇದರ ಹಿಂದಿನದು ಎಂದು ಪ್ರತಿಪಾದಿಸುತ್ತಾನೆ.<br /> <br /> `ಅಸಲಿಗೆ ಫೇಸ್ಬುಕ್ನ ಪ್ರೈವೆಸಿ ಸೆಟಿಂಗ್ಸ್ ತುಂಬಾ ಚೆನ್ನಾಗಿದೆ. ಆದರೆ, ಬಳೆದಾರರೇ ಇದನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳುತ್ತಿಲ್ಲ. ಖಾಸಗಿ ಮಾಹಿತಿ ಸುರಕ್ಷತೆ ಬಗ್ಗೆ ಯಾರೂ ಯೋಚಿಸುತ್ತಿಲ್ಲ~ ಎನ್ನುವುದು ಈತನ ಆರೋಪ. <br /> <br /> `ನೀನು ಐದು ನಿಮಿಷಗಳ ಮುಂಚೆ ಏನು ಮಾಡಿದೆ ಎನ್ನುವುದನ್ನು ನಾನು ಬ್ಲ್ಲಲೆ~ ಎನ್ನುವ ಸಾಕ್ಷ್ಯ ಚಿತ್ರವೊಂದನ್ನು ಕ್ಯಾಲಂ ಇತ್ತೀಚೆಗೆ ನೋಡಿದ. ಇದರಿಂದ ಪ್ರೇರಣೆಗೊಂಡು ಈ ವೆಬ್ ತಾಣವನ್ನು ವಿನ್ಯಾಸಗೊಳಿಸಿರುವುದಾಗಿ ಹೇಳುತ್ತಾನೆ. <br /> <br /> ಈ ತಾಣ ಅಸ್ತಿತ್ವಕ್ಕೆ ಬಂದ ಮೊದಲ 27 ಗಂಟೆಯಲ್ಲಿ 1 ಲಕ್ಷ ಜನರು ಈ ತಾಣಕ್ಕೆ ಭೇಟಿ ನೀಡಿದ್ದಾರೆ.ಪ್ರಪಂಚ ದಿನೇ ದಿನೇ ಹೆಚ್ಚು ವಾಣಿಜ್ಯ ಸ್ವರೂಪ ಪಡೆದುಕೊಳ್ಳುತ್ತಿದೆ. ಫೇಸ್ಬುಕ್ಗೆ ಲಾಗಿನ್ ಆದ ಕೂಡಲೇ ನಿಮ್ಮ ಪ್ರೈವೆಸಿ ಸೆಟ್ಟಿಂಗ್ಸ್ ನೋಡಿ ಖಾತರಿಪಡಿಸಿಕೊಳ್ಳಿ. `<br /> <br /> ಊರು ಕೊಳ್ಳೆ ಹೊಡೆದ ಮೇಲೆ ದಿಡ್ಡಿ ಬಾಗಿಲು ಹಾಕಿ ಏನು ಉಪಯೋಗ~ ಎನ್ನುವುದು ಹೇವುಡ್ನ ಎಚ್ಚರಿಕೆಯ ಮಾತು. ಹೇವುಡ್ನ ಫೇಸ್ಬುಕ್ ಪುಟಕ್ಕೆ <a href="http://en-gb.facebook.com">http://en-gb.facebook.com</a> /callum. haywood..96<br /> <br /> <strong>ಸಿಟಿ ಫೈನಾನ್ಸ್ ವರದಿ <br /> </strong>ಜನಪ್ರಿಯ ಸಾಮಾಜಿಕ ತಾಣ ಫೇಸ್ಬುಕ್ ಬಳಕೆದಾರರ ಖಾಸಗಿ ಮಾಹಿತಿ ಗೋಪ್ಯತೆ ರಕ್ಷಿಸುವಲ್ಲಿ ವಿಫಲವಾಗಿದೆ ಎಂದು ಸಂಸ್ಥೆಯೊಂದು ಗಂಭೀರ ಆರೋಪ ಮಾಡಿದೆ. ಫೇಸ್ಬುಕ್ಗೆ ಇಂತಹ ಆರೋಪಗಳು ಹೊಸತಲ್ಲ. ಬಳಕೆದಾರರನ ವೈಯಕ್ತಿಕ ಮಾಹಿತಿಗಳನ್ನು ಜಾಹೀರಾತು ಸಂಸ್ಥೆಗಳಿಗೆ ಮಾರಾಟ ಮಾಡಿದ ಆರೋಪವೂ ಕಂಪೆನಿ ಮೇಲಿದೆ. <br /> <br /> ಬಳಕೆದಾರರನ್ನು ಸಾಮಾಜಿಕ ತಾಣಗಳು ದುರ್ಬಲರನ್ನಾಗಿ ಮಾಡುತ್ತವೆ ಎನ್ನುವುದು ಜಾಗತಿಕ ಹಣಕಾಸು ಸಂಸ್ಥೆ ಸಿಟಿ ಗ್ರೂಪ್ನ ಆರೋಪ. ಫೇಸ್ಬುಕ್ನ ವಿಪರೀತ ಬಳಕೆಯಿಂದ ಬಳಕೆದಾರರಲ್ಲಿ ಹೆಚ್ಚು ದಣಿವು ಕಾಣಿಸಿಕೊಳ್ಳುತ್ತಿದೆ. ಇದು ಅವರ ವೃತ್ತಿಯ ಮೇಲೆಯೂ ಗಂಭೀರ ಪರಿಣಾಮ ಬೀರುತ್ತಿದೆ ಎಂದು ಸಿಟಿ ಗ್ರೂಪ್ ಹೇಳಿದೆ.<br /> <br /> ಪ್ರಪಂಚದ ಅತಿ ದೊಡ್ಡ ಇಂಟರ್ನೆಟ್ ಮಾರುಕಟ್ಟೆಯಾಗಿರುವ ಚೀನಾದಲ್ಲಿ ಇದರ ಪರಿಣಾಮಗಳು ಹೆಚ್ಚು ಕಂಡುಬಂದಿವೆ. ಚೀನಾದ ಉದ್ಯಮ ವಲಯ ಸಾಮಾಜಿಕ ತಾಣಗಳ ವ್ಯತಿರಿಕ್ತ ಪರಿಣಾಮಗಳನ್ನು ಎದುರಿಸುತ್ತಿವೆ. ಇದೇ ಕಾರಣಕ್ಕೆ ಅಲ್ಲಿ ಹೊಸ ಹೂಡಿಕೆಗಳು ಕಡಿಮೆಯಾಗಿವೆ. ಮಾನವ ಸಂಪನ್ಮೂಲ ಸಮರ್ಪಕ ಬಳಕೆಯೇ ಕುಂಠಿತಗೊಂಡಿದೆ ಎಂದಿದೆ. <br /> <br /> ಚೀನಾದ ಅರ್ಥಶಾಸ್ತ್ರಜ್ಞರು, ನೀತಿ ನಿರೂಪಕರು ಫೇಸ್ಬುಕ್ ಬಳಕೆ ನಿಷೇಧಕ್ಕೆ ಒತ್ತಡ ಹೇರುತ್ತಿದ್ದಾರೆ. ಇದು ದೇಶದ ಅರ್ಥವ್ಯವಸ್ಥೆಗೆ ಹಾನಿಕಾರಕ ಎಂದೂ ದೂರಿದ್ದಾರೆ. ಆದರೆ, ಫೇಸ್ಬುಕ್ಗೆ ಹೆಚ್ಚು ವರಮಾನ ಬರುತ್ತಿರುವುದು ಚೀನಾಮಾರುಕಟ್ಟೆಯಿಂದಲೆ! ಆದ್ದರಿಂದಲೇ ಅದು ಹೊಸ ಮಾರುಕಟ್ಟೆ ತಂತ್ರಗಳನ್ನು ಅನುಸರಿಸುತ್ತಿದೆ.<br /> <strong>ವಿವಿಧ ಮೂಲಗಳಿಂದ </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸಾಮಾಜಿಕ ತಾಣಗಳಿಗೆ ಸದಸ್ಯರಾಗುವುದು ಎಂದರೆ `ಸಂತೆಯಲ್ಲಿ ಬಟ್ಟೆ ಬಿಚ್ಚಿ ನಿಂತಂತೆ~ ಎಂಬ ಮಾತಿದೆ. ಖಾಸಗಿ-ವೈಯಕ್ತಿಕ ಮಾಹಿತಿ ನಡುವಿನ ವ್ಯತ್ಯಾಸವೇ ಇಲ್ಲದೆ ಎಲ್ಲವನ್ನೂ ಇಂತಹ ತಾಣಗಳ ಗೋಡೆಗಳ (wall post) ಮೇಲೆ ಬರೆದು ಜಗಜ್ಜಾಹೀರುಗೊಳಿಸಿದರೆ ಅದರಿಂದ ಅಪಾಯ ಕಟ್ಟಿಟ್ಟ ಬುತ್ತಿ. <br /> <br /> `ನಿಮ್ಮ ಬಾಸ್ ವಿರುದ್ಧ ನಿಮಗೆ ದ್ವೇಷ ಇದೆಯೇ? ಮಾದಕ ವಸ್ತುಗಳನ್ನು ತೆಗೆದುಕೊಳ್ಳುವ ಚಟ ಇದೆಯೇ? ನಿಮ್ಮ ಹೆಂಡತಿ ಮೇಲೆ ನಿಮಗೆ ತೀವ್ರ ಅಸಹನೆ ಇದೆಯೇ? ಹೀಗೆ ನಿಮಗೆ ನೂರೆಂಟು ಸಮಸ್ಯೆಗಳಿದ್ದರೂ ಅವನ್ನೆಲ್ಲ ಫೇಸ್ಬುಕ್ನ ವಾಲ್ ಮೇಲೆ ಮಾತ್ರ ದಯವಿಟ್ಟು ಬರೆಯಲೇಬೇಡಿ. <br /> <br /> ಮೈ ಮೇಲೆ ಎಚ್ಚರವಿಲ್ಲದಂತೆ ಹೀಗೆ ಮಾಹಿತಿಗಳನ್ನೆಲ್ಲ ಹರಿಯಬಿಟ್ಟರೆ ನಾನು ನಿಮ್ಮ ಜಾತಕ ಬಯಲು ಮಾಡುತ್ತೇನೆ~ ಎಂಬ ಎಚ್ಚರಿಕೆಯೊಂದಿಗೇ ಇಂಗ್ಲೆಂಡ್ನ ನ್ಯಾಟಿಂಗ್ಹ್ಯಾಂನ ಕ್ಯಾಲಂ ಹೇವುಡ್ ಎಂಬ 18ರ ತಂಟೆಕೋರ ಯುವಕ ಸವಾಲು ಹಾಕಿದ್ದಾನೆ.<br /> <br /> ಸಾಮಾಜಿಕ ತಾಣಗಳು ಬಳಕೆದಾರ ದಾಖಲಿಸುವ ಖಾಸಗಿ ಮಾಹಿತಿಗಳನ್ನು ಆತನ ಅರಿವಿಗೇ ಬಾರದಂತೆ ಮೂರನೇ ಸಂಸ್ಥೆ/ವ್ಯಕ್ತಿಗಳಿಗೆ ಮಾರಾಟ ಮಾಡುತ್ತವೆ ಎನ್ನುವುದು ಕ್ಯಾಲಂನ ದೂರು. ಅದಕ್ಕೆ ಈತ ನಿಮ್ಮ ಖಾಸಗಿ ಮಾಹಿತಿ ಮೇಲೆ ನಿಮಗೆ ನಿಯಂತ್ರಣ ಇರಲಿ ಎನ್ನುತ್ತಾನೆ. ತೆರದ ಪುಸ್ತಕದಂತಿರುವ `ಫೇಸ್ಬುಕ್~ನ ಗೋಡೆಯ ಮೇಲೆ ನೀವು ಏನು ಬರೆದರೂ ಅದು ಕ್ಷಣಾರ್ಥದೊಳಗೆ ಇಡೀ ಪ್ರಪಂಚಕ್ಕೇ ಗೊತ್ತಾಗಿ ಬಿಡುತ್ತದೆ. ಇಲ್ಲಿ ನೀವು ಏನು ಮಾಡಿದರೂ ಅದು ಮೈಕ್ ಮುಂದೆ ನಿಂತು ಪಿಸುಗುಟ್ಟಿದಂತೆ. <br /> <br /> ಸಾರ್ವಜನಿಕವಾಗಿ ನೀವು ಬಹಿರಂಗಗೊಳಿಸುವ ವಿಷಯಗಳು, ನಿಮ್ಮ ಭಾವಚಿತ್ರ, ದೂರವಾಣಿ ಸಂಖ್ಯೆ ಹೀಗೆ ಎಲ್ಲ ಮಾಹಿತಿಗಳೂ ಬಯಲಾಗುತ್ತವೆ. ಆದ್ದರಿಂದ ಕ್ಷಣ ಕ್ಷಣದ ನಿಮ್ಮ ಯೋಚನೆಗಳು ನಿಮ್ಮ ತಲೆಯಲ್ಲೇ ಇರಲಿ, ಸಾಮಾಜಿಕ ತಾಣಗಳಲ್ಲಿ ಹರಿಯಬಿಡದಿರಿ ಎನ್ನುವುದು ಕ್ಯಾಲಂನ ಕಳಕಳಿಯ ನುಡಿ.<br /> <br /> ಆದರೆ, ಈತನ ಈ ಕಾಳಜಿಯ ಮಾತಿಗೆ ಫೇಸ್ಬುಕ್ ಬಳಕೆದಾರರು ಕವಡೆಯಷ್ಟು ಕಿಮ್ಮತ್ತನ್ನೂ ನೀಡಲಿಲ್ಲ. ನೋಡಿ ನೋಡಿ ಬೇಸೆತ್ತ ಕ್ಯಾಲಂ ಕೊನೆಗೊಂದು ದಿನ ಗಟ್ಟಿ ನಿರ್ಧಾರಕ್ಕೆ ಬಂದ. ಫೇಸ್ಬುಕ್ಗೆ ಪರ್ಯಾಯವಾಗಿ ವೆಬ್ ತಾಣವೊಂದನ್ನು ಸೃಷ್ಟಿಸಿದರೆ ಹೇಗೆ? ಆತ ಇದರಲ್ಲಿ ಯಶಸ್ವಿಯೂ ಆದ. `<br /> <br /> ವಿ ನೊ ವಾಟ್ ಯೂ ಆರ್ ಡೂಯಿಂಗ್ (ಓಗ್ಗಈ) ಎನ್ನುವುದು ಈ ತಾಣದ ಹೆಸರು. ಇದನ್ನು ಕ್ಯಾಲಂ ಹೇವುಡ್ನ ಫೇಸ್ಬುಕ್ ಅಂತಲೂ ಕರೆಯುತ್ತಾರೆ. ವೆಬ್ ತಾಣದ ವಿಳಾಸ <a href="http://www.weknowwhatyouredoing.com/">http://www.weknowwhatyouredoing.com/</a><br /> <br /> ಫೇಸ್ಬುಕ್ನಲ್ಲಿ ಯಾರು ಬೇಕಾಬಿಟ್ಟಿಯಾಗಿ ಮಾಹಿತಿ ಹಾಕಿದ್ದಾರೋ (ಪಬ್ಲಿಕ್ ಪ್ರೊಫೈಲ್) ಅಂತಹ ವ್ಯಕ್ತಿಚಿತ್ರಗಳನ್ನು ಕದ್ದು ಕ್ಯಾಲಂ ತನ್ನ ಹೊಸ ವೆಬ್ ತಾಣದಲ್ಲಿ ಹಾಕಿ ಜಾತಕ ಬಯಲು ಮಾಡುತ್ತಾನೆ. `ಸಾಮಾಜಿಕ ತಾಣಗಳ ಖಾಸಗೀತನ ಪರೀಕ್ಷೆ~ ಎಂದು ತನ್ನ ಪ್ರಯೋಗವನ್ನು ಬಣ್ಣಿಸಿದ್ದಾನೆ. <br /> <br /> ಖಾಸಗಿ ಮಾಹಿತಿಯ ಮೇಲೆ ಯಾವುದೇ ನಿರ್ಬಂದವಿಲ್ಲ. ಇಲ್ಲಿರುವ ಬಳಕೆದಾರರ ಪ್ರೊಫೈಲ್ಗಳನ್ನು ನಾಲ್ಕು ವಿಭಾಗಗಳಲ್ಲಿ ವಿಂಗಡಿಸಿದ್ದಾನೆ. ನಿಮಗೆ ಸ್ನೇಹಿತರು ಬೇಕೇ? (ತಮ್ಮ ಕೆಲಸ ಮತ್ತು ಬಾಸ್ಗಳನ್ನು ದ್ವೇಷಿಸುವವರ ವಿಭಾಗ) ನಿಮಗೆ ಮಾದಕ ವಸ್ತುಗಳು ಬೇಕೇ? <br /> <br /> (ಮಾದಕ ವ್ಯಸನಿಗಳ ಪ್ರೊಪೈಲ್) ನಿಮಗೆ ಹೊಸ ಫೋನ್ ನಂಬರ್ ಬೇಕೇ? (ಕದ್ದ ದೂರವಾಣಿ ಸಂಖ್ಯೆಗಳ ಹರಾಜು) ಹೀಗೆ ಹಲವು ವಿಶೇಷತೆಗಳಿಂದ ಕೂಡಿದೆ ಈ ತಾಣ. ಬಳಕೆದಾರರ ಖಾಸಗಿ ಮಾಹಿತಿಗಳನ್ನು ಹೀಗೆ ಬಟಾಬಯಲುಗೊಳಿಸುವ ಇಂತಹ ತಾಣದ ಮೇಲೆ ಯಾರೂ ಕ್ರಮ ಕೈಗೊಂಡಿಲ್ಲವೇ ಎಂದು ನೀವು ಕೇಳಬಹುದು. <br /> <br /> ಆದರೆ, ಸೃಷಿಕರ್ತ ಕ್ಯಾಲಂ ಹೇವುಡ್ ವಿವರಣೆಯೇ ಬೇರೆ. ಫೇಸ್ಬುಕ್ ಮತ್ತಿತರ ತಾಣಗಳಲ್ಲಿ ಖಾಸಗಿ ಮಾಹಿತಿಗಳನ್ನು ಬೇಕಾಬಿಟ್ಟಿಯಾಗಿ ಹರಿಬಿಡುವ ಬೇಜವಾಬ್ದಾರಿ ಬಳಕೆದಾರರಿಗೆ ಪಾಠ ಕಲಿಸಲು ತಾನು ಈ ತಾಣ ಪ್ರಾರಂಭಿಸಿರುವುದಾಗಿ ಹೇಳುತ್ತಾನೆ. <br /> ಬಳಕೆದಾರರು ತಮ್ಮ ಖಾಸಗಿ ಮಾಹಿತಿಗಳನ್ನು ಹಂಚಿಕೊಳ್ಳುವ ವಿಚಾರದಲ್ಲಿ ಸ್ವಯಂ ನಿಯಂತ್ರಣ ವಿಧಿಸಿಕೊಳ್ಳಲಿ. ಮಾಹಿತಿ ಬಹಿರಂಗಪಡಿಸುವುದಕ್ಕೆ ಮುನ್ನ ಸೆಟ್ಟಿಂಗ್ಸ್ ಆಯ್ಕೆಯಲ್ಲಿ `ಪಬ್ಲಿಕ್~ ಬದಲು `ಪ್ರೈವೇಟ್~ ಎನ್ನುವುದನ್ನು ಆಯ್ಕೆ ಮಾಡಿಕೊಳ್ಳಲಿ ಎನ್ನುವ ಸದುದ್ದೇಶವೇ ಇದರ ಹಿಂದಿನದು ಎಂದು ಪ್ರತಿಪಾದಿಸುತ್ತಾನೆ.<br /> <br /> `ಅಸಲಿಗೆ ಫೇಸ್ಬುಕ್ನ ಪ್ರೈವೆಸಿ ಸೆಟಿಂಗ್ಸ್ ತುಂಬಾ ಚೆನ್ನಾಗಿದೆ. ಆದರೆ, ಬಳೆದಾರರೇ ಇದನ್ನು ಸರಿಯಾಗಿ ಅರ್ಥ ಮಾಡಿಕೊಳ್ಳುತ್ತಿಲ್ಲ. ಖಾಸಗಿ ಮಾಹಿತಿ ಸುರಕ್ಷತೆ ಬಗ್ಗೆ ಯಾರೂ ಯೋಚಿಸುತ್ತಿಲ್ಲ~ ಎನ್ನುವುದು ಈತನ ಆರೋಪ. <br /> <br /> `ನೀನು ಐದು ನಿಮಿಷಗಳ ಮುಂಚೆ ಏನು ಮಾಡಿದೆ ಎನ್ನುವುದನ್ನು ನಾನು ಬ್ಲ್ಲಲೆ~ ಎನ್ನುವ ಸಾಕ್ಷ್ಯ ಚಿತ್ರವೊಂದನ್ನು ಕ್ಯಾಲಂ ಇತ್ತೀಚೆಗೆ ನೋಡಿದ. ಇದರಿಂದ ಪ್ರೇರಣೆಗೊಂಡು ಈ ವೆಬ್ ತಾಣವನ್ನು ವಿನ್ಯಾಸಗೊಳಿಸಿರುವುದಾಗಿ ಹೇಳುತ್ತಾನೆ. <br /> <br /> ಈ ತಾಣ ಅಸ್ತಿತ್ವಕ್ಕೆ ಬಂದ ಮೊದಲ 27 ಗಂಟೆಯಲ್ಲಿ 1 ಲಕ್ಷ ಜನರು ಈ ತಾಣಕ್ಕೆ ಭೇಟಿ ನೀಡಿದ್ದಾರೆ.ಪ್ರಪಂಚ ದಿನೇ ದಿನೇ ಹೆಚ್ಚು ವಾಣಿಜ್ಯ ಸ್ವರೂಪ ಪಡೆದುಕೊಳ್ಳುತ್ತಿದೆ. ಫೇಸ್ಬುಕ್ಗೆ ಲಾಗಿನ್ ಆದ ಕೂಡಲೇ ನಿಮ್ಮ ಪ್ರೈವೆಸಿ ಸೆಟ್ಟಿಂಗ್ಸ್ ನೋಡಿ ಖಾತರಿಪಡಿಸಿಕೊಳ್ಳಿ. `<br /> <br /> ಊರು ಕೊಳ್ಳೆ ಹೊಡೆದ ಮೇಲೆ ದಿಡ್ಡಿ ಬಾಗಿಲು ಹಾಕಿ ಏನು ಉಪಯೋಗ~ ಎನ್ನುವುದು ಹೇವುಡ್ನ ಎಚ್ಚರಿಕೆಯ ಮಾತು. ಹೇವುಡ್ನ ಫೇಸ್ಬುಕ್ ಪುಟಕ್ಕೆ <a href="http://en-gb.facebook.com">http://en-gb.facebook.com</a> /callum. haywood..96<br /> <br /> <strong>ಸಿಟಿ ಫೈನಾನ್ಸ್ ವರದಿ <br /> </strong>ಜನಪ್ರಿಯ ಸಾಮಾಜಿಕ ತಾಣ ಫೇಸ್ಬುಕ್ ಬಳಕೆದಾರರ ಖಾಸಗಿ ಮಾಹಿತಿ ಗೋಪ್ಯತೆ ರಕ್ಷಿಸುವಲ್ಲಿ ವಿಫಲವಾಗಿದೆ ಎಂದು ಸಂಸ್ಥೆಯೊಂದು ಗಂಭೀರ ಆರೋಪ ಮಾಡಿದೆ. ಫೇಸ್ಬುಕ್ಗೆ ಇಂತಹ ಆರೋಪಗಳು ಹೊಸತಲ್ಲ. ಬಳಕೆದಾರರನ ವೈಯಕ್ತಿಕ ಮಾಹಿತಿಗಳನ್ನು ಜಾಹೀರಾತು ಸಂಸ್ಥೆಗಳಿಗೆ ಮಾರಾಟ ಮಾಡಿದ ಆರೋಪವೂ ಕಂಪೆನಿ ಮೇಲಿದೆ. <br /> <br /> ಬಳಕೆದಾರರನ್ನು ಸಾಮಾಜಿಕ ತಾಣಗಳು ದುರ್ಬಲರನ್ನಾಗಿ ಮಾಡುತ್ತವೆ ಎನ್ನುವುದು ಜಾಗತಿಕ ಹಣಕಾಸು ಸಂಸ್ಥೆ ಸಿಟಿ ಗ್ರೂಪ್ನ ಆರೋಪ. ಫೇಸ್ಬುಕ್ನ ವಿಪರೀತ ಬಳಕೆಯಿಂದ ಬಳಕೆದಾರರಲ್ಲಿ ಹೆಚ್ಚು ದಣಿವು ಕಾಣಿಸಿಕೊಳ್ಳುತ್ತಿದೆ. ಇದು ಅವರ ವೃತ್ತಿಯ ಮೇಲೆಯೂ ಗಂಭೀರ ಪರಿಣಾಮ ಬೀರುತ್ತಿದೆ ಎಂದು ಸಿಟಿ ಗ್ರೂಪ್ ಹೇಳಿದೆ.<br /> <br /> ಪ್ರಪಂಚದ ಅತಿ ದೊಡ್ಡ ಇಂಟರ್ನೆಟ್ ಮಾರುಕಟ್ಟೆಯಾಗಿರುವ ಚೀನಾದಲ್ಲಿ ಇದರ ಪರಿಣಾಮಗಳು ಹೆಚ್ಚು ಕಂಡುಬಂದಿವೆ. ಚೀನಾದ ಉದ್ಯಮ ವಲಯ ಸಾಮಾಜಿಕ ತಾಣಗಳ ವ್ಯತಿರಿಕ್ತ ಪರಿಣಾಮಗಳನ್ನು ಎದುರಿಸುತ್ತಿವೆ. ಇದೇ ಕಾರಣಕ್ಕೆ ಅಲ್ಲಿ ಹೊಸ ಹೂಡಿಕೆಗಳು ಕಡಿಮೆಯಾಗಿವೆ. ಮಾನವ ಸಂಪನ್ಮೂಲ ಸಮರ್ಪಕ ಬಳಕೆಯೇ ಕುಂಠಿತಗೊಂಡಿದೆ ಎಂದಿದೆ. <br /> <br /> ಚೀನಾದ ಅರ್ಥಶಾಸ್ತ್ರಜ್ಞರು, ನೀತಿ ನಿರೂಪಕರು ಫೇಸ್ಬುಕ್ ಬಳಕೆ ನಿಷೇಧಕ್ಕೆ ಒತ್ತಡ ಹೇರುತ್ತಿದ್ದಾರೆ. ಇದು ದೇಶದ ಅರ್ಥವ್ಯವಸ್ಥೆಗೆ ಹಾನಿಕಾರಕ ಎಂದೂ ದೂರಿದ್ದಾರೆ. ಆದರೆ, ಫೇಸ್ಬುಕ್ಗೆ ಹೆಚ್ಚು ವರಮಾನ ಬರುತ್ತಿರುವುದು ಚೀನಾಮಾರುಕಟ್ಟೆಯಿಂದಲೆ! ಆದ್ದರಿಂದಲೇ ಅದು ಹೊಸ ಮಾರುಕಟ್ಟೆ ತಂತ್ರಗಳನ್ನು ಅನುಸರಿಸುತ್ತಿದೆ.<br /> <strong>ವಿವಿಧ ಮೂಲಗಳಿಂದ </strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
