ಒಂದು ವಯಸ್ಸಿನ ನಂತರ ಮುಟ್ಟು ಎನ್ನುವುದು ಮಹಿಳೆಗೆ ಪ್ರಾಕೃತಿಕವಾಗಿ ಕಾಣಿಸಿಕೊಳ್ಳುವ ದೈಹಿಕ ಪ್ರಕ್ರಿಯೆ. ಹಲವರಿಗೆ ಈ ಸಂದರ್ಭವು ತೀರಾ ಕಿರಿಕಿರಿಯನ್ನೇನೂ ಉಂಟುಮಾಡದು. ಆದರೆ ಮತ್ತೆ ಕೆಲವರಿಗೆ ಈ ಸಮಯದಲ್ಲಿ ಹೇಳಲಾಗದಷ್ಟು ನೋವು ಕಾಣಿಸಿಕೊಳ್ಳುತ್ತದೆ. ಇದು ಎಂಡೊಮೆಟ್ರಿಯೋಸಿಸ್ನ ಸೂಚನೆಯೂ ಆಗಿರಬಹುದು. ಭಾರತದಲ್ಲಿ ಹೆಚ್ಚಿನ ಮಹಿಳೆಯರಲ್ಲಿ ಎಂಡೊಮೆಟ್ರಿಯೋಸಿಸ್ ಸಮಸ್ಯೆ ಕಾಣಿಸಿಕೊಳ್ಳುತ್ತಿದ್ದು, ಅತಿಯಾದ ನೋವು ಕಂಡುಬಂದಲ್ಲಿ ಅಸಡ್ಡೆ ತೋರಬಾರದು.
