ಗೊಂಬೆ ಹೇಳುತೈತೆ ಜಾನು ಜೀವನ

‘ಮಾತನಾಡುವ ಗೊಂಬೆ ಕಲೆ ಸುಲಭದ್ದಲ್ಲ. ಇಲ್ಲಿ ಎರಡು ಮನಸ್ಸಿರಬೇಕು. ಹಾಸ್ಯಪ್ರಜ್ಞೆ ಧಾರಾಳವಾಗಿರಬೇಕು. ಆ ಕ್ಷಣಕ್ಕೆ ನಕ್ಕು ನಗಿಸುವ ಚಾಕಚಕ್ಯತೆ ಬೇಕು. ಪ್ರಸಕ್ತ ವಿದ್ಯಮಾನಗಳ ಪರಿಚಯವಿರಬೇಕು. ಜತೆಗೆ ಗೊಂಬೆಯ ಧ್ವನಿ ಹೊರಹೊಮ್ಮುವುದು ತಿಳಿಯದಂತಿರಬೇಕು. ನಮ್ಮ ಕೈಗಳ ಚಲನೆ ನೋಡುಗರಿಗೆ ಗೋಚರವಾಗದಂತಿರಬೇಕು. ಜನ್ಮದಿನ ಕಾರ್ಯಕ್ರಮ, ಅಣ್ಣಮ್ಮ ಉತ್ಸವ, ಗಣೇಶೋತ್ಸವಗಳಲ್ಲಿ ಅವಕಾಶಗಳು ಸಿಕ್ಕಿವೆ. ಕೆಲವರು ಹಣ ನೀಡುತ್ತಾರೆ. ಇನ್ನೂ ಕೆಲವರು ವೇದಿಕೆ ಕೊಟ್ಟಿದ್ದೇವಲ್ಲಾ ಅದೇ ದೊಡ್ಡ ಅವಕಾಶ ಎನ್ನುತ್ತಾರೆ. ಆದರೆ, ಅವಂತಿಕಾ ಜೊತೆ ಕಾರ್ಯಕ್ರಮ ನೀಡುವುದೇ ನನ್ನ ಪಾಲಿಗೆ ಹೆಮ್ಮೆ. ನಾನು ಏನೇ ಉಡುಪು ಖರೀದಿಸಿದರೂ, ಅದೇ ಮಾದರಿಯ ಉಡುಪನ್ನು ಅವಂತಿಕಾಗೂ ಹೊಲಿಸುತ್ತೇನೆ. ಇಷ್ಟರ ಮಟ್ಟಿಗೆ ನಮ್ಮ ಸ್ನೇಹ ಗಾಢವಾಗಿದೆ’ ಎಂದು ಜಾನು ನಕ್ಕರು.

ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯರಾಗಿರುವ ಜಾನು, ಅಲ್ಲಿ ತಮ್ಮ ಕಲೆಯ ಪ್ರದರ್ಶನದ ವಿಡಿಯೊ ಹಂಚಿಕೊಳ್ಳುತ್ತಿದ್ದಾರೆ. ಇನ್‌ಸ್ಟಾಗ್ರಾಂನಲ್ಲಿ ಸುಮಾರು 60 ಸಾವಿರ ಫಾಲೋವರ್‌ಗಳನ್ನು ಇವರು ಹೊಂದಿದ್ದಾರೆ. ಜಾನು ಮತ್ತು ಅವಂತಿಕಾರ ಸಂಭಾಷಣೆಗೆ ಬಹಳಷ್ಟು ಜನ ಮೆಚ್ಚುಗೆ ವ್ಯಕ್ತಪಡಿಸಿರುವುದೇ ನನಗೆ ಸಿಕ್ಕಿರುವ ಪ್ರಶಸ್ತಿಗಳು ಎಂದೆನ್ನುತ್ತಾರೆ ಜಾನು.