ಸಾಂಪ್ರದಾಯಕ ಸೀರೆಗೆ ವೆಸ್ಟರ್ನ್ ಬ್ಲೌಸ್!

ನಾರಿಯರು ಹೆಚ್ಚು ಇಷ್ಟಪಡುವ ಸಾಂಪ್ರದಾಯಕ ಉಡುಗೆ ಸೀರೆ. ಅದೇ ಸಾಂಪ್ರದಾಯಿಕ ಸೀರೆಗೆ ಸ್ವಲ್ಪ ಪಾಶ್ಚಾತ್ಯ ಫ್ಯಾಷನ್ ಸ್ಪರ್ಶ ಕೊಟ್ಟು ಸೀರೆಯ ಮೆರುಗನ್ನು ಇನ್ನಷ್ಟು ಹೆಚ್ಚಿಸುತ್ತಿದೆ ವೆಸ್ಟರ್ನ್ ಬ್ಲೌಸ್.

. ಈಗ ಟ್ರೆಂಡ್ನಲ್ಲಿ ಇರುವ ಇಂಡೋ-ವೆಸ್ಟರ್ನ್ ವಿನ್ಯಾಸದ ಸೀರೆಯ ಬ್ಲೌಸ್ ಫ್ಯಾಷನ್ ಪ್ರಪಂಚದಲ್ಲಿ ತುಂಬಾ ಸದ್ದು ಮಾಡುತ್ತಿದೆ.

. ಪ್ರತಿದಿನ ಕಚೇರಿ ಕೆಲಸಕ್ಕೆ ಹೋಗುವವರಿಗೆ ವೆಸ್ಟರ್ನ್ ಶೈಲಿಯ ಉಡುಪು ಹಾಗೂ ಸಲ್ವಾರ್ ಕಮೀಜ್ ಹಾಕಿ ಬೋರ್ ಆಗಬಹುದು. ಇನ್ನೇನಾದರೂ ಹೊಸತನ್ನು ಯತ್ನಿಸಬೇಕು, ಆದರೆ ಪೂರ್ತಿ ಸಾಂಪ್ರದಾಯಕ ಆಗಿರಬಾರದು ಎನ್ನುವವರಿಗೆ ಕೂಡ ಬೇಕಾದಷ್ಟು ಆಯ್ಕೆಗಳಿವೆ. ನೀವು ಫ್ಯಾಷನ್ ಪ್ರಿಯರಾಗಿದ್ದಲ್ಲಿ ಇಂಡೋ- ವೆಸ್ಟರ್ನ್ ವಿನ್ಯಾಸದ ರವಿಕೆಯನ್ನು ಧರಿಸಿ ನೋಡಬಹುದು. ಅಷ್ಟೇ ಅಲ್ಲದೆ ಇದರಲ್ಲಿ ಮಾಮೂಲಿ ಸೀರೆಗೆ ಹೊಂದುವ ರವಿಕೆಯನ್ನು ಜೋಡಿಸಿಕೊಳ್ಳುವ ಕೆಲಸವೂ ಇರುವುದಿಲ್ಲ. ಹಾಗಾದರೆ ಯಾವ ರೀತಿಯ ವೆಸ್ಟರ್ನ್ ಟಾಪ್ಗಳನ್ನು ಸಾಂಪ್ರದಾಯಕ ಸೀರೆಯೊಂದಿಗೆ ಹಾಕಿ ಅಂದವಾಗಿ ಕಾಣಿಸಿಕೊಳ್ಳಬಹುದು ಎಂದು ನೋಡೋಣ.

. ಡೆನಿಮ್ ಬ್ಲೌಸ್: ಫ್ಯಾಷನ್ ಜಗತ್ತಿನಲ್ಲಿ ಎಷ್ಟೇ ಬದಲಾವಣೆಗಳಾದರೂ ಡೆನಿಮ್ ಟಾಪ್ ನಿತ್ಯ ನೂತನ ಎನ್ನಬಹುದು. ಅವುಗಳನ್ನು ಧರಿಸಿದರೆ ತುಂಬಾ ಆರಾಮದಾಯಕ ಎನಿಸುತ್ತದೆ.

. ನೀವು ಯಾವುದೇ ರಂಗಿನ ಹತ್ತಿ, ಲಿನನ್ ಹಾಗೂ ಕೈಮಗ್ಗದ ಸೀರೆಗಳ ಜೊತೆ ಸಾಂಪ್ರದಾಯಕ ರವಿಕೆ ಬದಲು ಡೆನಿಮ್ ಕ್ರಾಪ್ ಟಾಪ್ ಹಾಗೂ ಡೆನಿಮ್ ಫ್ಯಾನ್ಸಿ ಟಾಪ್ಗಳನ್ನು ಹಾಕಬಹುದು.

. ಟೀ ಶರ್ಟ್, ಕ್ರಾಪ್ ಟಾಪ್ ಬ್ಲೌಸ್: ಎಷ್ಟೋ ಸಲ ಸಿನಿಮಾ ತಾರೆಯರು ಸೀರೆಯ ಜೊತೆ ಟೀ ಶರ್ಟ್ ಹಾಕಿರುವುದನ್ನು ನೋಡಿರಬಹುದು. ಈ ಉಡುಗೆ ಹಿತಮಿತವಾದ ಮೇಕಪ್ ಜೊತೆಗೆ ಒಂದು ರೀತಿಯ ಆಧುನಿಕ ಸ್ಪರ್ಶ ನೀಡುತ್ತದೆ. ಅದೇ ರೀತಿ ನೀವು ಕಾಣಬೇಕಾದರೆ ನಿಮ್ಮಲ್ಲಿರುವ ಕಪ್ಪು ಅಥವಾ ಬಿಳಿಯ ಟೀ ಶರ್ಟ್ಗೆ ವಿರುದ್ಧ ಬಣ್ಣದ ಶಿಫಾನ್, ಜಾರ್ಜೆಟ್, ಕ್ರೇಪ್, ಹತ್ತಿ, ಲಿನನ್ ಇವುಗಳಲ್ಲಿ ಯಾವುದಾದರೂ ಸೀರೆಯನ್ನು ಹೊಂದಿಸಿಕೊಳ್ಳಿ. ಈ ರೀತಿಯ ನಿಮ್ಮ ಉಡುಗೆ ನಿಮ್ಮ ಮೆರುಗನ್ನು ಇನ್ನಷ್ಟು ಹೆಚ್ಚಿಸುತ್ತದೆ.

. ಆಫ್ ಶೋಲ್ಡರ್ ಬ್ಲೌಸ್: ಇಂಡೋ ವೆಸ್ಟರ್ನ್ ಫ್ಯಾಷನ್ ಮಾಡ ಬಯಸುವವರು ಆಫ್ ಶೋಲ್ಡರ್ ರವಿಕೆಗಳನ್ನು ಧರಿಸಬಹುದು. ಆಫ್ ಶೋಲ್ಡರ್ ರವಿಕೆಗಳನ್ನು ನೀವು ಯಾವುದೇ ರೀತಿಯ ವಿನ್ಯಾಸದ ಹಾಗೂ ಸರಳ ಸೀರೆಗಳ ಜೊತೆ ಹಾಕಬಹುದು. ಇದು ನಿಮಗೆ ಆಧುನಿಕ ಹಾಗೂ ಲಾವಣ್ಯಮಯ ನೋಟವನ್ನು ನೀಡುತ್ತದೆ.

. ಶರ್ಟ್: ಫಾರ್ಮಲ್ ಶರ್ಟ್ ಅದರಲ್ಲೂ ಬಿಳಿ ಶರ್ಟ್ ಎಲ್ಲಾ ಬಣ್ಣದ ಸೀರೆಗೂ ಒಂದು ರೀತಿಯ ಜಾದೂ ಸ್ಪರ್ಶ ನೀಡುತ್ತದೆ. ಇದರ ಜೊತೆಗೆ ಬ್ಲ್ಯಾಕ್ ಮೆಟಲ್ ಅಥವಾ ಬೆಳ್ಳಿಯ ಆಭರಣ ಧರಿಸಿದರೆ ಒಟ್ಟಾರೆ ಸೌಂದರ್ಯ ಅದ್ಭುತವಾಗಿರುತ್ತದೆ.

. ಉದ್ದನೆಯ ಟಾಪ್ ಅಥವಾ ಟ್ಯುನಿಕ್: ಸೀರೆಗೆ ಹೊಂದಿಕೆಯಾಗುವ ರವಿಕೆ ಯಾವಾಗಲೂ ಗಿಡ್ಡನೆಯ ಅಥವಾ ಕ್ರಾಪ್ ಟಾಪ್ ಆಗಿರಬೇಕಿಲ್ಲ. ನಿಮ್ಮಿಷ್ಟದ ಉದ್ದನೆಯ ಟಾಪ್ ಅಥವಾ ಟ್ಯುನಿಕ್ ಅನ್ನು ಹೊಂದಿಸಬಹುದು. ಇದು ಅಪರೂಪದ ಫ್ಯೂಷನ್ ಅಂದ ನೀಡುತ್ತದೆ.

. ಇಂತಹ ಫ್ಯಾಷನ್ ಟ್ರೆಂಡ್ ಕೇವಲ ಸೆಲೆಬ್ರಿಟಿಗಳಿಗೆ ಮಾತ್ರ ಅಂದವಾಗಿ ಕಾಣುವುದು ಎಂಬ ಭಾವನೆ ಕೆಲವರ ಮನಸ್ಸಿನಲ್ಲಿ ಇರುತ್ತದೆ. ಯಾವುದೇ ಉಡುಗೆ ಇರಲಿ, ನಮಗೆ ಹೊಂದಿಕೊಳ್ಳುವಂತಾಗಲು ಅದನ್ನು ಧರಿಸಿದಾಗ ನಿಭಾಯಿಸಬಹುದು ಎಂಬ ಆತ್ವವಿಶ್ವಾಸ ಇರಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸಾಂಪ್ರದಾಯಕ ಸೀರೆಗೆ ವೆಸ್ಟರ್ನ್ ಬ್ಲೌಸ್!

ಚಿನಕುರುಳಿ: ಸೋಮವಾರ, 15 ಸೆಪ್ಟೆಂಬರ್ 2025

ವಕ್ಫ್ (ತಿದ್ದುಪಡಿ) ಕಾಯ್ದೆ–2025: ಪ್ರಮುಖ ಅಂಶಗಳಿಗೆ ತಡೆ

ಚುರುಮುರಿ: ಜಗದ್ಗುರು ಪುರಾಣ

ರಜತ್ ಪಾಟೀದಾರ್ ಬಳಗದ ಜಯಭೇರಿ: ಕೇಂದ್ರ ವಲಯಕ್ಕೆ 11 ವರ್ಷಗಳ ನಂತರ ದುಲೀಪ್ ಟ್ರೋಫಿ

ರಜತ್ ಪಾಟೀದಾರ್ ಬಳಗದ ಜಯಭೇರಿ: ಕೇಂದ್ರ ವಲಯಕ್ಕೆ 11 ವರ್ಷಗಳ ನಂತರ ದುಲೀಪ್ ಟ್ರೋಫಿ

ಪ್ರೊ ಕಬಡ್ಡಿ: ಕನ್ನಡಿಗ ಗಣೇಶ್ ಆಟಕ್ಕೆ ಒಲಿದ ಜಯ; ಬುಲ್ಸ್‌ಗೆ ಸತತ 4ನೇ ಗೆಲುವು

Asia Cup: ಪಾಕ್ ಆಟಗಾರರ ಜೊತೆ ಹಸ್ತಲಾಘವ ಮಾಡದ ಬಗ್ಗೆ ಗಂಗೂಲಿ ಹೇಳಿದ್ದೇನು?

ವೈಶಾಲಿಗೆ ಗ್ರ್ಯಾಂಡ್‌ ಸ್ವಿಸ್‌ ಚೆಸ್ ಕಿರೀಟ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ: ಸೋಮವಾರ, 15 ಸೆಪ್ಟೆಂಬರ್ 2025

ವಕ್ಫ್ (ತಿದ್ದುಪಡಿ) ಕಾಯ್ದೆ–2025: ಪ್ರಮುಖ ಅಂಶಗಳಿಗೆ ತಡೆ

ಚುರುಮುರಿ: ಜಗದ್ಗುರು ಪುರಾಣ

ರಜತ್ ಪಾಟೀದಾರ್ ಬಳಗದ ಜಯಭೇರಿ: ಕೇಂದ್ರ ವಲಯಕ್ಕೆ 11 ವರ್ಷಗಳ ನಂತರ ದುಲೀಪ್ ಟ್ರೋಫಿ