<p>ಅದು `ಲಕ್ ಬೈ ಛಾನ್ಸ್~ ಸಿನಿಮಾ ಚಿತ್ರೀಕರಣದ ಸಂದರ್ಭ. ಚಿತ್ರದ ನಿರ್ದೇಶಕಿ ಝೋಯಾ ಅಖ್ತರ್ ಹಾಗೂ ಆಕೆಯ ಕಿರಿಯ ಸಹೋದರ ಫರ್ಹಾನ್ ಅಖ್ತರ್ ಚಿತ್ರೀಕರಣದ ಮೇಲ್ವಿಚಾರಣೆಯಲ್ಲಿ ನಿರತರಾಗಿದ್ದರು. <br /> <br /> ಸ್ಟೀಡಿಕ್ಯಾಮೆರಾದ ನಿರ್ವಾಹಕ ಶಾಟ್ಗಳನ್ನು ಹೊಂದಿಸಿಕೊಂಡ ನಂತರ, ಫರ್ಹಾನ್ ಅಖ್ತರ್ ಅವರನ್ನು `ಹೇಗಿದೆ ಸರ್...? ಓಕೆನಾ ಸರ್...~ ಎಂದು ಪ್ರಶ್ನಿಸುತ್ತಿದ್ದನಂತೆ. <br /> <br /> ವಾಸ್ತವವಾಗಿ ಆತ ಈ ಪ್ರಶ್ನೆಗಳನ್ನು ಕೇಳಬೇಕಿದ್ದುದು ಚಿತ್ರನಿರ್ದೇಶಕಿಗೆ. ಮತ್ತೆ ಮತ್ತೆ ಆ ಕ್ಯಾಮೆರಾಮನ್ ಫರ್ಹಾನ್ ಅವರನ್ನೇ ಪ್ರಶ್ನಿಸುತ್ತಿದ್ದಾಗ ಝೋಯಾಗೆ ತಡೆಯಲಾಗಲಿಲ್ಲವಂತೆ. ತಕ್ಷಣವೇ ಅವನನ್ನು ಹತ್ತಿರಕ್ಕೆ ಕರೆದು ಅತ್ಯಂತ ಸೌಮ್ಯವಾಗಿ <br /> `ನೋಡು ಈ ಸಿನಿಮಾದ ನಿರ್ದೇಶಕಿ ನಾನು. ನಿನಗೆ ಏನೇ ಅನ್ನಿಸಿದರೂ ಅದನ್ನು ನನಗೇ ಹೇಳಬೇಕು ಮತ್ತು ಕೇಳಬೇಕು~ ಎಂದರಂತೆ. ಕೂಡಲೇ ಆತ `ಇಲ್ಲ, ಇಲ್ಲ.. ನೀವು ನನ್ನ ಸಹೋದರಿ ಇದ್ದಂತೆ...~ ಎಂದು ಆತ ಮಾತು ಮುಂದುವರಿಸುವ ಮುನ್ನವೇ ಝೋಯಾ, ಅವನನ್ನು ಅರ್ಧದಲ್ಲೇ ತಡೆದು, `ನಾನು ನಿನ್ನ ಸಹೋದರಿ ಅಲ್ಲ. ನಿರ್ದೇಶಕಿ. ನಿನಗಿದನ್ನು ತಾಳಿಕೊಳ್ಳಲಾಗದಿದ್ದಲ್ಲಿ ನಾವು ಒಟ್ಟಿಗೆ ಕೆಲಸ ಮಾಡಲಾಗದು ...!~ಎಂದರಂತೆ. ಕಡೆಗೆ ಆತನಿಗೆ ತನ್ನ ತಪ್ಪಿನ ಅರಿವಾಗಿತ್ತು. <br /> <br /> ಹಿಂದಿ ಚಿತ್ರರಂಗದ ಖ್ಯಾತ ಸಿನಿಮಾ ಸಾಹಿತಿ ಹಾಗೂ ಸಂಗೀತ ರಚನೆಕಾರ ಜಾವೇದ್ ಅಖ್ತರ್ ಅವರ ಪುತ್ರಿಯಾದ 38 ವರ್ಷದ ಝೋಯಾ ಅಖ್ತರ್ ಈಗ ಬಾಲಿವುಡ್ನ ಅತ್ಯಂತ ಭರವಸೆಯ ಸಮಕಾಲೀನ ನಿರ್ದೇಶಕಿ. ಸಹಜವಾಗಿಯೇ ಮುಂಬೈನ ಸಿನಿಮಾ ಜಗತ್ತಿನಲ್ಲಿ ಪರದೆಯ ಹಿಂದೆ ಪುರುಷರದ್ದೇ ಕಾರುಬಾರು.<br /> <br /> ಚಿತ್ರದ ಸಂಪಾದನೆ, ಸಂಭಾಷಣೆ, ನಿರ್ಮಾಣದಂತಹ ಎಲ್ಲ ವಿಭಾಗಗಳಲ್ಲೂ ಅವರದೇ ಪಾರುಪತ್ಯ. ಆಗಾಗ್ಗೆ ಪುರುಷರ ಈ ಭದ್ರಕೋಟೆಯನ್ನು ಕೆಲವರು ಅಲ್ಲಾಡಿಸುತ್ತಿದ್ದರಾದರೂ ಕಳೆದೊಂದು ದಶಕದಿಂದ ಯಾರೂ ಅಂತಹ ಪ್ರತಿಭಾವಂತ ಮಹಿಳೆ ಕಂಡುಬಂದಿರಲಿಲ್ಲ. ಈಗ ಝೋಯಾ ಈ ಪಾರುಪತ್ಯವನ್ನು ಬಲವಾಗಿ ಅಲ್ಲಾಡಿಸಿದ್ದಾರೆ.<br /> <br /> `ಮುಖ್ಯವಾಹಿನಿಯ ನಿರ್ದೇಶನದ ಸಾಲಿನಲ್ಲಿ ಝೋಯಾ ಚೆಂಬಳಕಿನಂತೆ ಕಂಗೊಳಿಸುತ್ತಿದ್ದಾರೆ~ ಎನ್ನುತ್ತಾರೆ ಸೋನಿ ಪಿಕ್ಚರ್ಸ್ ಎಂಟರ್ಟೈನ್ಮೆಂಟ್ನ ಉಪಾಧ್ಯಕ್ಷ ಅಮಿ ಪಾಸ್ಕಲ್. ಡ್ರೀಮ್ ವರ್ಕ್ಸ್ ಮುಖ್ಯಸ್ಥ ಸ್ಟೇಸಿ ಸ್ನೈಡರ್ ಅವರದ್ದೂ ಇದೇ ಅಭಿಪ್ರಾಯ.<br /> <br /> ಬಾಲಿವುಡ್ ಹೀರೋಯಿನ್ಗಳು ಸದಾ ಮಾಧ್ಯಮಗಳ ಆಕರ್ಷಣೆಯಾದರೆ ನಾಯಕ ನಟರು ಇಲ್ಲಿನ ಸಿನಿಮಾಗಳ ಶಕ್ತಿ ಕೇಂದ್ರ ಇದ್ದಂತೆ. ಅದರಲ್ಲೂ ಎರಡು ದಶಕಗಳಿಂದ ಅಮೀರ್ ಖಾನ್, ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಅಕ್ಷರಶಃ ಬಾಲಿವುಡ್ನ ಸರದಾರರಾಗಿ ತಮ್ಮ ಆಳ್ವಿಕೆ ಮುಂದುವರಿಸಿದ್ದಾರೆ. <br /> <br /> ಇಂತಹ ಸಂದರ್ಭದಲ್ಲಿ ಇವತ್ತು ಅಖ್ತರ್ನಂಥವರು ಬಾಲಿವುಡ್ನಲ್ಲಿ ತಮ್ಮದೇ ಆದ ಹೊಸ ಯಶೋಗಾಥೆಯೊಂದಕ್ಕೆ ನಾಂದಿ ಹಾಡಿದ್ದಾರೆ. ಬಾಕ್ಸ್ ಆಫೀಸ್ನಲ್ಲಿ ದಾಖಲೆ ಬರೆಯುವ ಹಂತ ತಲುಪಿದ್ದಾರೆ. ಈ ಹಿಂದಿನ ಮಹಿಳಾ ಸಿನಿಮಾ ನಿರ್ದೇಶಕಿಯರಂತೆ ಕೌಟುಂಬಿಕ ಕಥಾಹಂದರಗಳ ಹಾಗೂ ಸಣ್ಣ ಬಜೆಟ್ನ ಚಿತ್ರಗಳಲ್ಲಷ್ಟೇ ತಮ್ಮ ಪ್ರಯೋಗಶೀಲತೆ ಮೆರೆದವರು ಎಂಬಂತಹ ಅಪವಾದಕ್ಕೂ ಹೊರತಾಗುತ್ತಿದ್ದಾರೆ.<br /> <br /> ಪ್ರಸ್ತುತ ಝೋಯಾ ಅವರ ನಿರ್ದೇಶನದ ಚಿತ್ರ `ಜಿಂದಗಿ ನ ಮಿಲೇಗಿ ದೊಬಾರ~ ಪ್ರೇಕ್ಷಕರು ಮತ್ತು ಚಿತ್ರ ವಿಮರ್ಶಕರಲ್ಲಿ ಹೊಸ ಸಂಚಲನ ಉಂಟು ಮಾಡಿದೆ. <br /> <br /> ಮನಸೆಳೆವ ಚಿತ್ರದ ಸಂಭಾಷಣೆ, ನಿರ್ದೇಶನದ ಮೇಲಿನ ಬಿಗಿ ಹಿಡಿತ ಹಾಗೂ ಬೆಚ್ಚಿಬೀಳಿಸುವಂತಹ ಚಿತ್ರ ನಿರ್ಮಾಣದ ಶೈಲಿಯಿಂದಾಗಿ ಇದು ಗಳಿಕೆಯಲ್ಲಿ ಬಾಲಿವುಡ್ ಬಾಕ್ಸ್ ಆಫೀಸ್ನಲ್ಲೇ ಅಗ್ರ ಸ್ಥಾನದಲ್ಲಿದೆ. ಬ್ರಿಟನ್ನಲ್ಲಿ ಏಳನೇ ಸ್ಥಾನ ಹಾಗೂ ಅಮೆರಿಕದಲ್ಲಿ 15ನೇ ಸ್ಥಾನದಲ್ಲಿದೆ ಎಂದು `ಬಾಕ್ಸ್ ಆಫೀಸ್ ಆಫ್ ಇಂಡಿಯಾ.ಕಾಮ್~ ಹೇಳುತ್ತಿದೆ. ಬಾಲಿವುಡ್ನಲ್ಲಿ ಈ ವರ್ಷದ ಮೂರನೇ ಅತ್ಯಂತ ದೊಡ್ಡ ಬಜೆಟ್ನ ಸಿನಿಮಾ ಎಂಬ ಹೆಗ್ಗಳಿಕೆಯನ್ನು ಬೆನ್ನಿಗೇರಿಸಿಕೊಂಡು ನಿರಾತಂಕ ಪ್ರದರ್ಶನ ಕಾಣುತ್ತಿರುವ ಈ ಚಿತ್ರ ಬಿಡುಗಡೆಯಾದ ಐದೇ ವಾರಗಳಲ್ಲಿ 19 ದಶಲಕ್ಷ ಡಾಲರ್ಗಳನ್ನು ಬಾಚಿರುವುದು ಸೋಜಿಗವೇ ಸರಿ.<br /> <br /> ಕಳೆದೊಂದು ದಶಕದಲ್ಲಿ ಅತ್ಯುತ್ತಮ ಬಾಲಿವುಡ್ ಚಿತ್ರವೊಂದನ್ನು ಮಹಿಳೆ ನಿರ್ದೇಶಿಸಿದ್ದಾಳೆ ಎಂಬಂತಹ ಮಾತುಗಳನ್ನು ಕೆಲವರಾದರೂ ಹೇಳಿದ್ದಾರೆ. ಚಿತ್ರಕಥೆಯೂ ಮಹಿಳೆಯರದೇ. ಝೋಯಾ ಹಾಗೂ ರೀಮಾ ಕಾಗ್ತಿ ಜೊತೆಗೂಡಿ ಇದನ್ನು ಬರೆದಿದ್ದಾರೆ. ಝೋಯಾ ಪಾಲಿಗೆ ಇದು ನಿರ್ದೇಶನದಲ್ಲಿ ಎರಡನೇ ಸಿನಿಮಾ.</p>.<p>ಮಹಿಳಾ ನಿರ್ದೇಶಕಿಯರು ಎಂದರೆ ಮಹಿಳೆಯರನ್ನೇ ಕೇಂದ್ರಬಿಂದುವಾಗಿಸಿ ಕೊಂಡು ಚಿತ್ರ ನಿರ್ಮಿಸಬೇಕೆಂಬ ಪರಿಪಾಠಕ್ಕೆ ಗಾವುದ ದೂರದಲ್ಲಿರುವ ಚಿತ್ರವಿದು. <br /> <br /> ಹಿಂದಿ ಸಿನಿಮಾ ಪ್ರಪಂಚದ ಮಹಿಳಾ ನಿರ್ದೇಶಕಿಯರಲ್ಲಿ ಪ್ರಮುಖವಾಗಿ ಗುರುತಿಸಲ್ಪಡುವ ಮೀರಾ ನಾಯರ್, ಜಿಂದಗಿ... ಸಿನಿಮಾದ ಬಗ್ಗೆ ಹೆಮ್ಮೆಯ ಮಾತುಗಳನ್ನು ದಾಖಲಿಸಿದ್ದಾರೆ. <br /> <br /> ಈ ಕುರಿತು ಅಂತರ್ಜಾಲದಲ್ಲಿ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡಿರುವ ಅವರು, `ಇವತ್ತಿನ ಬಾಲಿವುಡ್ನಲ್ಲಿ ಮಹಿಳೆಯರು ದೊಡ್ಡ ಬಜೆಟ್ಟಿನ ಸಿನಿಮಾ ತೆಗೆಯುವ ಸಾಹಸ ಮಾಡುತ್ತಿದ್ದಾರೆ. ತಮ್ಮದೇ ಆದ ದೃಷ್ಟಿಕೋನದಲ್ಲಿ, ಮಾರುಕಟ್ಟೆಯ ಬೇಕುಬೇಡಗಳಿಗೆ ಅನುಗುಣವಾಗಿ ನಿರ್ಮಾಣ, ನಿರ್ದೇಶನಗಳಿಗೆ ಕೈ ಹಾಕುತ್ತಿದ್ದಾರೆ. <br /> <br /> ನಾಯಕಿಯರನ್ನೇ ಮುಖ್ಯವಾಗಿಸಿಕೊಂಡು ಕಥೆ ಹೆಣೆಯುವ ಹಳೆಯ ಸೂತ್ರಗಳಿಗಿಂತ ಬಹುದೂರ ಸಾಗಿ ಆಲೋಚಿಸುತ್ತಿದ್ದಾರೆ. ನಿಜವಾಗಿಯೂ ಇದು ಮೆಚ್ಚತಕ್ಕ ವಿಷಯ. ಈ ಸಾಲಿನಲ್ಲಿ ಇದಕ್ಕೆ ಫರ್ಹಾ ಖಾನ್ರಂಥವರ ಸಾಧನೆಗಳನ್ನೂ ಉದಾಹರಿಸಬಹುದು~ ಎಂದು ಶ್ಲಾಘಿಸಿದ್ದಾರೆ.<br /> <br /> ಝೋಯಾ ಅವರ ಸೋದರ ಸಂಬಂಧಿಯೂ ಆಗಿರುವ ಫರ್ಹಾ ಖಾನ್ 1992ರಲ್ಲಿ ನೃತ್ಯನಿರ್ದೇಶಕಿಯಾಗಿ ತಮ್ಮ ವೃತ್ತಿಜೀವನ ಆರಂಭಿಸಿದವರು. ವೇಗದ ಹಾಡುಗಳಿಗೆ ಚೆಂದಾಗಿ ಹಾಗೂ ನಿಪುಣತೆಯಿಂದ ನಿರ್ದೇಶನ ನೀಡುವಲ್ಲಿ ಎತ್ತಿದ ಕೈ ಎನಿಸಿಕೊಂಡವರು. <br /> <br /> ಹಿಂದಿ ಸಿನಿಮಾದ ಡ್ಯಾನ್ಸ್ ಸೆಟ್ಗಳಲ್ಲಿ ಸೃಜನಶೀಲತೆಯನ್ನು ಯಾವ ರೀತಿ ತುಂಬಬೇಕು ಎಂಬುದಕ್ಕೆ ತಮ್ಮಳಗಿನ ಪ್ರತಿಭೆಯನ್ನೆಲ್ಲಾ ಧಾರೆಯೆರೆದು ಯಶಸ್ವಿಯಾದವರು. 2004ರಲ್ಲಿ ಫರ್ಹಾ ಖಾನ್ ನೃತ್ಯ ನಿರ್ದೇಶನ ನೀಡಿದ `ಮೈ ಹ್ಞೂಂ ನಾ~ ಚಿತ್ರವಾಗಲಿ, 2007ರಲ್ಲಿ ತೆರೆಕಂಡ `ಓಂ ಶಾಂತಿ~ಯೇ ಆಗಲಿ ಗಳಿಸಿದ ಯಶಸ್ಸು ಅದ್ಭುತ ಎನಿಸುವಂಥಾದ್ದು. <br /> <br /> `ಓ ಶಾಂತಿ~ಯಂತೂ ಆ ವರ್ಷದ ಹಿಂದಿ ಸಿನಿಮಾಗಳಲ್ಲೇ ಹೆಚ್ಚು ಹಣ ಗಳಿಸಿದ ಎರಡನೇ ಚಿತ್ರ ಎಂಬ ಹಿರಿಮೆ ಹೊಂದಿತ್ತು. ಅಷ್ಟೇಕೆ 2010ರಲ್ಲಿ ತೆರೆಕಂಡ `ತೀಸ್ ಮಾರ್ ಖಾನ್~ ಚಿತ್ರ ಕೂಡಾ ಫರ್ಹಾ ಖಾನ್ರ ನೈಪುಣ್ಯತೆಗೆ ಕನ್ನಡಿ ಹಿಡಿಯಿತು.<br /> <br /> `ದೋಭಿ ಘಾಟ್~ (ಮುಂಬೈ ಡೈರೀಸ್) ಚಿತ್ರದ ನಿರ್ದೇಶಕಿಯಾದ ಅಮೀರ್ ಖಾನ್ ಪತ್ನಿ ಕಿರಣ್ ರಾವ್ ಕೂಡಾ ಬಾಲಿವುಡ್ನ ಮತ್ತೊಂದು ಪ್ರತಿಭೆ. ಇವರೀಗ ತಮ್ಮ ಎರಡನೇ ಚಿತ್ರದ ಕಥಾ ರಚನೆಯಲ್ಲಿ ಅತ್ಯಂತ ಬ್ಯುಸಿಯಾಗಿದ್ದಾರೆ. ಇಂಥವರೆಲ್ಲಾ ಮುಖ್ಯವಾಹಿನಿಯ ಸಿನಿಮಾಗಳ ಸಾಲಿನಲ್ಲಿ ಭರವಸೆಯ ಬುಗ್ಗೆಯನ್ನೇ ಚಿಮ್ಮಿಸಿದ್ದಾರೆ. <br /> <br /> ತಮ್ಮ ಮುಂದಿನ ಚಿತ್ರದಲ್ಲಿ ಮಹಿಳೆಯರ ಧ್ವನಿಗೇ ಪ್ರಮುಖ ಆದ್ಯತೆ ನೀಡಲು ಕಿರಣ್ ರಾವ್ ಇಚ್ಛಿಸಿದ್ದಾರಂತೆ. `ಮಹಿಳೆಯೊಬ್ಬಳು ಪುರುಷನಿಗಿಂತ ಎಷ್ಟು ಮುಖ್ಯ ಎಂಬ ಅಂಶವನ್ನೇ ಕೇಂದ್ರವಾಗಿಸಿಕೊಂಡು ನಾನು ಈ ಚಿತ್ರ ನಿರ್ದೇಶಿಸಲು ಆಲೋಚಿಸುತ್ತಿದ್ದೇನೆ. ಯಾವುದೇ ನಾಟಕ ಅಥವಾ ಸಿನಿಮಾವೇ ಆಗಲಿ ಬಲಿಷ್ಠವಾದ ಮಹಿಳಾ ಕೇಂದ್ರಿತ ವಸ್ತು ಹೊಂದಿಲ್ಲವೆಂದರೆ ಅದು ಅಪೂರ್ಣವಾಗುತ್ತದೆ~ ಎಂದು ಸಂದರ್ಶನವೊಂದರಲ್ಲಿ ತಮ್ಮ ಅನಿಸಿಕೆ ವ್ಯಕ್ತಪಡಿಸಿರುವ ಕಿರಣ್ ಹೇಳಿಕೆ ಅವರ ಮುಂದಿನ ಹಾದಿಯ ದಿಕ್ಸೂಚಿ ಎಂಬಂತಿದೆ.<br /> <br /> ವಿಶೇಷವೆಂದರೆ ಎರಡನೇ ತಲೆಮಾರಿಗೆ ಸೇರಿದ ಈ ಮಹಿಳಾ ನಿರ್ದೇಶಕಿಯರೆಲ್ಲಾ ವಿಭಿನ್ನ ಆಲೋಚನೆ, ದೃಷ್ಟಿಕೋನ ಮತ್ತು ತಮ್ಮದೇ ಆದ ವೃತ್ತಿಯ ನೈಪುಣ್ಯತೆಯನ್ನು ಹೊಂದಿರುವಂಥವರು. ಇವರ ನೋಟವೆಲ್ಲಾ ಕೇವಲ ಸಾಧನೆಯ ಕಡೆಗೆ. <br /> <br /> ಲಿಂಗಾಧಾರಿತ ವಿಷಯಗಳ ಬಗ್ಗೆ ಇವರೆಂದೂ ಅಷ್ಟಾಗಿ ತಲೆ ಕೆಡಿಸಿಕೊಂಡವರಲ್ಲ. ಇವರ ವೃತ್ತಿಬದ್ಧತೆಯ ಛಾಪುಗಳನ್ನು ಗಮನಿಸಿದಾಗ ಇವರ ಕ್ರಿಯಾಶೀಲತೆಯ ಸಾಮರ್ಥ್ಯ ಎಂಥವರಿಗೂ ಅರ್ಥವಾಗುತ್ತದೆ. <br /> <br /> `ಲಿಂಗ ಬೇಧದ ಬಗ್ಗೆ ಮಾತನಾಡುತ್ತಾ ಕೂರುವುದು ಎಂದರೆ ಅದು ಸಮಯವನ್ನು ವ್ಯರ್ಥ ಮಾಡಿದಂತೆ~ ಎಂಬುದು ಝೋಯಾ ಅವರ ಅನಿಸಿಕೆ. `ಎಷ್ಟೇ ಆದರೂ ನಾವು ಹೆಣ್ಣೆಂಬ ಬಗ್ಗೆ ನಮಗೆ ಅರಿವಿದೆ. ಆದರೂ ಸಿನಿಮಾ ಎಂದಾಗ ಇವನ್ನೆಲ್ಲಾ ಬದಿಗಿಡಬೇಕಾಗುತ್ತದೆ. ಯಾರಿಗಾದರೂ ಏನನ್ನಾದರೂ ಹೇಳಬೇಕಾದರೆ ನಮ್ಮ ದಾರ್ಷ್ಟ್ಯವನ್ನು ಖಂಡಿತವಾಗಿಯೂ ಮೆರೆಯಬೇಕಾಗುತ್ತದೆ~ ಎಂಬುದು ಅವರ ಸ್ಪಷ್ಟ ನುಡಿ.<br /> <br /> 2012ಕ್ಕೆ ಹಿಂದಿ ಸಿನಿಮಾ ಜಗತ್ತಿಗೆ ನೂರು ವರ್ಷ ತುಂಬುತ್ತಿರುವ ಹಿನ್ನೆಲೆಯಲ್ಲಿ ನಾಲ್ಕು ಸಿನಿಮಾಗಳು ನಿರ್ಮಾಣವಾಗುತ್ತಿವೆ. ಇವುಗಳಲ್ಲಿ ಮೂರು ಸಿನಿಮಾಗಳು ಪುರುಷರ ನಿರ್ದೇಶನ ಹೊಂದಿದ್ದರೆ ಒಂದು ಚಿತ್ರ ಝೋಯಾ ಅವರದ್ದು. ಸದ್ಯಕ್ಕೀಗ ಝೋಯಾ ಈ ದಿಸೆಯಲ್ಲಿ ತನ್ಮಯವಾಗಿದ್ದಾರೆ. <br /> <br /> `ಈ ನಾಲ್ಕೂ ಚಿತ್ರಗಳ ನಿರ್ಮಾಣದ್ಲ್ಲಲಿ ಜಿದ್ದಾಜಿದ್ದಿನ ಸ್ಪರ್ಧೆ ಇದೆ. ಆದರೆ ಅಂತಿಮವಾಗಿ ನಾಲ್ಕೂ ಚಿತ್ರಗಳು ಹೊರಬಂದಾಗ ಇವುಗಳಲ್ಲಿ ಮಹಿಳೆ ನಿರ್ಮಿಸಿರುವ ಚಿತ್ರ ಯಾವುದೆಂಬುದು ಗೊತ್ತಾಗಲಿಕ್ಕಿಲ್ಲ. ಬಹುಶಃ ಇಂತಹುದೊಂದು ಅಂತರವನ್ನು ನಾನು ಖಂಡಿತಾ ಮುರಿಯಬ್ಲ್ಲಲೆ~ ಎಂಬುದು ಝೋಯಾ ಅವರ ಆತ್ಮವಿಶ್ವಾಸ.</p>.<p><strong>ನ್ಯೂಯಾರ್ಕ್ ಟೈಮ್ಸ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅದು `ಲಕ್ ಬೈ ಛಾನ್ಸ್~ ಸಿನಿಮಾ ಚಿತ್ರೀಕರಣದ ಸಂದರ್ಭ. ಚಿತ್ರದ ನಿರ್ದೇಶಕಿ ಝೋಯಾ ಅಖ್ತರ್ ಹಾಗೂ ಆಕೆಯ ಕಿರಿಯ ಸಹೋದರ ಫರ್ಹಾನ್ ಅಖ್ತರ್ ಚಿತ್ರೀಕರಣದ ಮೇಲ್ವಿಚಾರಣೆಯಲ್ಲಿ ನಿರತರಾಗಿದ್ದರು. <br /> <br /> ಸ್ಟೀಡಿಕ್ಯಾಮೆರಾದ ನಿರ್ವಾಹಕ ಶಾಟ್ಗಳನ್ನು ಹೊಂದಿಸಿಕೊಂಡ ನಂತರ, ಫರ್ಹಾನ್ ಅಖ್ತರ್ ಅವರನ್ನು `ಹೇಗಿದೆ ಸರ್...? ಓಕೆನಾ ಸರ್...~ ಎಂದು ಪ್ರಶ್ನಿಸುತ್ತಿದ್ದನಂತೆ. <br /> <br /> ವಾಸ್ತವವಾಗಿ ಆತ ಈ ಪ್ರಶ್ನೆಗಳನ್ನು ಕೇಳಬೇಕಿದ್ದುದು ಚಿತ್ರನಿರ್ದೇಶಕಿಗೆ. ಮತ್ತೆ ಮತ್ತೆ ಆ ಕ್ಯಾಮೆರಾಮನ್ ಫರ್ಹಾನ್ ಅವರನ್ನೇ ಪ್ರಶ್ನಿಸುತ್ತಿದ್ದಾಗ ಝೋಯಾಗೆ ತಡೆಯಲಾಗಲಿಲ್ಲವಂತೆ. ತಕ್ಷಣವೇ ಅವನನ್ನು ಹತ್ತಿರಕ್ಕೆ ಕರೆದು ಅತ್ಯಂತ ಸೌಮ್ಯವಾಗಿ <br /> `ನೋಡು ಈ ಸಿನಿಮಾದ ನಿರ್ದೇಶಕಿ ನಾನು. ನಿನಗೆ ಏನೇ ಅನ್ನಿಸಿದರೂ ಅದನ್ನು ನನಗೇ ಹೇಳಬೇಕು ಮತ್ತು ಕೇಳಬೇಕು~ ಎಂದರಂತೆ. ಕೂಡಲೇ ಆತ `ಇಲ್ಲ, ಇಲ್ಲ.. ನೀವು ನನ್ನ ಸಹೋದರಿ ಇದ್ದಂತೆ...~ ಎಂದು ಆತ ಮಾತು ಮುಂದುವರಿಸುವ ಮುನ್ನವೇ ಝೋಯಾ, ಅವನನ್ನು ಅರ್ಧದಲ್ಲೇ ತಡೆದು, `ನಾನು ನಿನ್ನ ಸಹೋದರಿ ಅಲ್ಲ. ನಿರ್ದೇಶಕಿ. ನಿನಗಿದನ್ನು ತಾಳಿಕೊಳ್ಳಲಾಗದಿದ್ದಲ್ಲಿ ನಾವು ಒಟ್ಟಿಗೆ ಕೆಲಸ ಮಾಡಲಾಗದು ...!~ಎಂದರಂತೆ. ಕಡೆಗೆ ಆತನಿಗೆ ತನ್ನ ತಪ್ಪಿನ ಅರಿವಾಗಿತ್ತು. <br /> <br /> ಹಿಂದಿ ಚಿತ್ರರಂಗದ ಖ್ಯಾತ ಸಿನಿಮಾ ಸಾಹಿತಿ ಹಾಗೂ ಸಂಗೀತ ರಚನೆಕಾರ ಜಾವೇದ್ ಅಖ್ತರ್ ಅವರ ಪುತ್ರಿಯಾದ 38 ವರ್ಷದ ಝೋಯಾ ಅಖ್ತರ್ ಈಗ ಬಾಲಿವುಡ್ನ ಅತ್ಯಂತ ಭರವಸೆಯ ಸಮಕಾಲೀನ ನಿರ್ದೇಶಕಿ. ಸಹಜವಾಗಿಯೇ ಮುಂಬೈನ ಸಿನಿಮಾ ಜಗತ್ತಿನಲ್ಲಿ ಪರದೆಯ ಹಿಂದೆ ಪುರುಷರದ್ದೇ ಕಾರುಬಾರು.<br /> <br /> ಚಿತ್ರದ ಸಂಪಾದನೆ, ಸಂಭಾಷಣೆ, ನಿರ್ಮಾಣದಂತಹ ಎಲ್ಲ ವಿಭಾಗಗಳಲ್ಲೂ ಅವರದೇ ಪಾರುಪತ್ಯ. ಆಗಾಗ್ಗೆ ಪುರುಷರ ಈ ಭದ್ರಕೋಟೆಯನ್ನು ಕೆಲವರು ಅಲ್ಲಾಡಿಸುತ್ತಿದ್ದರಾದರೂ ಕಳೆದೊಂದು ದಶಕದಿಂದ ಯಾರೂ ಅಂತಹ ಪ್ರತಿಭಾವಂತ ಮಹಿಳೆ ಕಂಡುಬಂದಿರಲಿಲ್ಲ. ಈಗ ಝೋಯಾ ಈ ಪಾರುಪತ್ಯವನ್ನು ಬಲವಾಗಿ ಅಲ್ಲಾಡಿಸಿದ್ದಾರೆ.<br /> <br /> `ಮುಖ್ಯವಾಹಿನಿಯ ನಿರ್ದೇಶನದ ಸಾಲಿನಲ್ಲಿ ಝೋಯಾ ಚೆಂಬಳಕಿನಂತೆ ಕಂಗೊಳಿಸುತ್ತಿದ್ದಾರೆ~ ಎನ್ನುತ್ತಾರೆ ಸೋನಿ ಪಿಕ್ಚರ್ಸ್ ಎಂಟರ್ಟೈನ್ಮೆಂಟ್ನ ಉಪಾಧ್ಯಕ್ಷ ಅಮಿ ಪಾಸ್ಕಲ್. ಡ್ರೀಮ್ ವರ್ಕ್ಸ್ ಮುಖ್ಯಸ್ಥ ಸ್ಟೇಸಿ ಸ್ನೈಡರ್ ಅವರದ್ದೂ ಇದೇ ಅಭಿಪ್ರಾಯ.<br /> <br /> ಬಾಲಿವುಡ್ ಹೀರೋಯಿನ್ಗಳು ಸದಾ ಮಾಧ್ಯಮಗಳ ಆಕರ್ಷಣೆಯಾದರೆ ನಾಯಕ ನಟರು ಇಲ್ಲಿನ ಸಿನಿಮಾಗಳ ಶಕ್ತಿ ಕೇಂದ್ರ ಇದ್ದಂತೆ. ಅದರಲ್ಲೂ ಎರಡು ದಶಕಗಳಿಂದ ಅಮೀರ್ ಖಾನ್, ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಅಕ್ಷರಶಃ ಬಾಲಿವುಡ್ನ ಸರದಾರರಾಗಿ ತಮ್ಮ ಆಳ್ವಿಕೆ ಮುಂದುವರಿಸಿದ್ದಾರೆ. <br /> <br /> ಇಂತಹ ಸಂದರ್ಭದಲ್ಲಿ ಇವತ್ತು ಅಖ್ತರ್ನಂಥವರು ಬಾಲಿವುಡ್ನಲ್ಲಿ ತಮ್ಮದೇ ಆದ ಹೊಸ ಯಶೋಗಾಥೆಯೊಂದಕ್ಕೆ ನಾಂದಿ ಹಾಡಿದ್ದಾರೆ. ಬಾಕ್ಸ್ ಆಫೀಸ್ನಲ್ಲಿ ದಾಖಲೆ ಬರೆಯುವ ಹಂತ ತಲುಪಿದ್ದಾರೆ. ಈ ಹಿಂದಿನ ಮಹಿಳಾ ಸಿನಿಮಾ ನಿರ್ದೇಶಕಿಯರಂತೆ ಕೌಟುಂಬಿಕ ಕಥಾಹಂದರಗಳ ಹಾಗೂ ಸಣ್ಣ ಬಜೆಟ್ನ ಚಿತ್ರಗಳಲ್ಲಷ್ಟೇ ತಮ್ಮ ಪ್ರಯೋಗಶೀಲತೆ ಮೆರೆದವರು ಎಂಬಂತಹ ಅಪವಾದಕ್ಕೂ ಹೊರತಾಗುತ್ತಿದ್ದಾರೆ.<br /> <br /> ಪ್ರಸ್ತುತ ಝೋಯಾ ಅವರ ನಿರ್ದೇಶನದ ಚಿತ್ರ `ಜಿಂದಗಿ ನ ಮಿಲೇಗಿ ದೊಬಾರ~ ಪ್ರೇಕ್ಷಕರು ಮತ್ತು ಚಿತ್ರ ವಿಮರ್ಶಕರಲ್ಲಿ ಹೊಸ ಸಂಚಲನ ಉಂಟು ಮಾಡಿದೆ. <br /> <br /> ಮನಸೆಳೆವ ಚಿತ್ರದ ಸಂಭಾಷಣೆ, ನಿರ್ದೇಶನದ ಮೇಲಿನ ಬಿಗಿ ಹಿಡಿತ ಹಾಗೂ ಬೆಚ್ಚಿಬೀಳಿಸುವಂತಹ ಚಿತ್ರ ನಿರ್ಮಾಣದ ಶೈಲಿಯಿಂದಾಗಿ ಇದು ಗಳಿಕೆಯಲ್ಲಿ ಬಾಲಿವುಡ್ ಬಾಕ್ಸ್ ಆಫೀಸ್ನಲ್ಲೇ ಅಗ್ರ ಸ್ಥಾನದಲ್ಲಿದೆ. ಬ್ರಿಟನ್ನಲ್ಲಿ ಏಳನೇ ಸ್ಥಾನ ಹಾಗೂ ಅಮೆರಿಕದಲ್ಲಿ 15ನೇ ಸ್ಥಾನದಲ್ಲಿದೆ ಎಂದು `ಬಾಕ್ಸ್ ಆಫೀಸ್ ಆಫ್ ಇಂಡಿಯಾ.ಕಾಮ್~ ಹೇಳುತ್ತಿದೆ. ಬಾಲಿವುಡ್ನಲ್ಲಿ ಈ ವರ್ಷದ ಮೂರನೇ ಅತ್ಯಂತ ದೊಡ್ಡ ಬಜೆಟ್ನ ಸಿನಿಮಾ ಎಂಬ ಹೆಗ್ಗಳಿಕೆಯನ್ನು ಬೆನ್ನಿಗೇರಿಸಿಕೊಂಡು ನಿರಾತಂಕ ಪ್ರದರ್ಶನ ಕಾಣುತ್ತಿರುವ ಈ ಚಿತ್ರ ಬಿಡುಗಡೆಯಾದ ಐದೇ ವಾರಗಳಲ್ಲಿ 19 ದಶಲಕ್ಷ ಡಾಲರ್ಗಳನ್ನು ಬಾಚಿರುವುದು ಸೋಜಿಗವೇ ಸರಿ.<br /> <br /> ಕಳೆದೊಂದು ದಶಕದಲ್ಲಿ ಅತ್ಯುತ್ತಮ ಬಾಲಿವುಡ್ ಚಿತ್ರವೊಂದನ್ನು ಮಹಿಳೆ ನಿರ್ದೇಶಿಸಿದ್ದಾಳೆ ಎಂಬಂತಹ ಮಾತುಗಳನ್ನು ಕೆಲವರಾದರೂ ಹೇಳಿದ್ದಾರೆ. ಚಿತ್ರಕಥೆಯೂ ಮಹಿಳೆಯರದೇ. ಝೋಯಾ ಹಾಗೂ ರೀಮಾ ಕಾಗ್ತಿ ಜೊತೆಗೂಡಿ ಇದನ್ನು ಬರೆದಿದ್ದಾರೆ. ಝೋಯಾ ಪಾಲಿಗೆ ಇದು ನಿರ್ದೇಶನದಲ್ಲಿ ಎರಡನೇ ಸಿನಿಮಾ.</p>.<p>ಮಹಿಳಾ ನಿರ್ದೇಶಕಿಯರು ಎಂದರೆ ಮಹಿಳೆಯರನ್ನೇ ಕೇಂದ್ರಬಿಂದುವಾಗಿಸಿ ಕೊಂಡು ಚಿತ್ರ ನಿರ್ಮಿಸಬೇಕೆಂಬ ಪರಿಪಾಠಕ್ಕೆ ಗಾವುದ ದೂರದಲ್ಲಿರುವ ಚಿತ್ರವಿದು. <br /> <br /> ಹಿಂದಿ ಸಿನಿಮಾ ಪ್ರಪಂಚದ ಮಹಿಳಾ ನಿರ್ದೇಶಕಿಯರಲ್ಲಿ ಪ್ರಮುಖವಾಗಿ ಗುರುತಿಸಲ್ಪಡುವ ಮೀರಾ ನಾಯರ್, ಜಿಂದಗಿ... ಸಿನಿಮಾದ ಬಗ್ಗೆ ಹೆಮ್ಮೆಯ ಮಾತುಗಳನ್ನು ದಾಖಲಿಸಿದ್ದಾರೆ. <br /> <br /> ಈ ಕುರಿತು ಅಂತರ್ಜಾಲದಲ್ಲಿ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡಿರುವ ಅವರು, `ಇವತ್ತಿನ ಬಾಲಿವುಡ್ನಲ್ಲಿ ಮಹಿಳೆಯರು ದೊಡ್ಡ ಬಜೆಟ್ಟಿನ ಸಿನಿಮಾ ತೆಗೆಯುವ ಸಾಹಸ ಮಾಡುತ್ತಿದ್ದಾರೆ. ತಮ್ಮದೇ ಆದ ದೃಷ್ಟಿಕೋನದಲ್ಲಿ, ಮಾರುಕಟ್ಟೆಯ ಬೇಕುಬೇಡಗಳಿಗೆ ಅನುಗುಣವಾಗಿ ನಿರ್ಮಾಣ, ನಿರ್ದೇಶನಗಳಿಗೆ ಕೈ ಹಾಕುತ್ತಿದ್ದಾರೆ. <br /> <br /> ನಾಯಕಿಯರನ್ನೇ ಮುಖ್ಯವಾಗಿಸಿಕೊಂಡು ಕಥೆ ಹೆಣೆಯುವ ಹಳೆಯ ಸೂತ್ರಗಳಿಗಿಂತ ಬಹುದೂರ ಸಾಗಿ ಆಲೋಚಿಸುತ್ತಿದ್ದಾರೆ. ನಿಜವಾಗಿಯೂ ಇದು ಮೆಚ್ಚತಕ್ಕ ವಿಷಯ. ಈ ಸಾಲಿನಲ್ಲಿ ಇದಕ್ಕೆ ಫರ್ಹಾ ಖಾನ್ರಂಥವರ ಸಾಧನೆಗಳನ್ನೂ ಉದಾಹರಿಸಬಹುದು~ ಎಂದು ಶ್ಲಾಘಿಸಿದ್ದಾರೆ.<br /> <br /> ಝೋಯಾ ಅವರ ಸೋದರ ಸಂಬಂಧಿಯೂ ಆಗಿರುವ ಫರ್ಹಾ ಖಾನ್ 1992ರಲ್ಲಿ ನೃತ್ಯನಿರ್ದೇಶಕಿಯಾಗಿ ತಮ್ಮ ವೃತ್ತಿಜೀವನ ಆರಂಭಿಸಿದವರು. ವೇಗದ ಹಾಡುಗಳಿಗೆ ಚೆಂದಾಗಿ ಹಾಗೂ ನಿಪುಣತೆಯಿಂದ ನಿರ್ದೇಶನ ನೀಡುವಲ್ಲಿ ಎತ್ತಿದ ಕೈ ಎನಿಸಿಕೊಂಡವರು. <br /> <br /> ಹಿಂದಿ ಸಿನಿಮಾದ ಡ್ಯಾನ್ಸ್ ಸೆಟ್ಗಳಲ್ಲಿ ಸೃಜನಶೀಲತೆಯನ್ನು ಯಾವ ರೀತಿ ತುಂಬಬೇಕು ಎಂಬುದಕ್ಕೆ ತಮ್ಮಳಗಿನ ಪ್ರತಿಭೆಯನ್ನೆಲ್ಲಾ ಧಾರೆಯೆರೆದು ಯಶಸ್ವಿಯಾದವರು. 2004ರಲ್ಲಿ ಫರ್ಹಾ ಖಾನ್ ನೃತ್ಯ ನಿರ್ದೇಶನ ನೀಡಿದ `ಮೈ ಹ್ಞೂಂ ನಾ~ ಚಿತ್ರವಾಗಲಿ, 2007ರಲ್ಲಿ ತೆರೆಕಂಡ `ಓಂ ಶಾಂತಿ~ಯೇ ಆಗಲಿ ಗಳಿಸಿದ ಯಶಸ್ಸು ಅದ್ಭುತ ಎನಿಸುವಂಥಾದ್ದು. <br /> <br /> `ಓ ಶಾಂತಿ~ಯಂತೂ ಆ ವರ್ಷದ ಹಿಂದಿ ಸಿನಿಮಾಗಳಲ್ಲೇ ಹೆಚ್ಚು ಹಣ ಗಳಿಸಿದ ಎರಡನೇ ಚಿತ್ರ ಎಂಬ ಹಿರಿಮೆ ಹೊಂದಿತ್ತು. ಅಷ್ಟೇಕೆ 2010ರಲ್ಲಿ ತೆರೆಕಂಡ `ತೀಸ್ ಮಾರ್ ಖಾನ್~ ಚಿತ್ರ ಕೂಡಾ ಫರ್ಹಾ ಖಾನ್ರ ನೈಪುಣ್ಯತೆಗೆ ಕನ್ನಡಿ ಹಿಡಿಯಿತು.<br /> <br /> `ದೋಭಿ ಘಾಟ್~ (ಮುಂಬೈ ಡೈರೀಸ್) ಚಿತ್ರದ ನಿರ್ದೇಶಕಿಯಾದ ಅಮೀರ್ ಖಾನ್ ಪತ್ನಿ ಕಿರಣ್ ರಾವ್ ಕೂಡಾ ಬಾಲಿವುಡ್ನ ಮತ್ತೊಂದು ಪ್ರತಿಭೆ. ಇವರೀಗ ತಮ್ಮ ಎರಡನೇ ಚಿತ್ರದ ಕಥಾ ರಚನೆಯಲ್ಲಿ ಅತ್ಯಂತ ಬ್ಯುಸಿಯಾಗಿದ್ದಾರೆ. ಇಂಥವರೆಲ್ಲಾ ಮುಖ್ಯವಾಹಿನಿಯ ಸಿನಿಮಾಗಳ ಸಾಲಿನಲ್ಲಿ ಭರವಸೆಯ ಬುಗ್ಗೆಯನ್ನೇ ಚಿಮ್ಮಿಸಿದ್ದಾರೆ. <br /> <br /> ತಮ್ಮ ಮುಂದಿನ ಚಿತ್ರದಲ್ಲಿ ಮಹಿಳೆಯರ ಧ್ವನಿಗೇ ಪ್ರಮುಖ ಆದ್ಯತೆ ನೀಡಲು ಕಿರಣ್ ರಾವ್ ಇಚ್ಛಿಸಿದ್ದಾರಂತೆ. `ಮಹಿಳೆಯೊಬ್ಬಳು ಪುರುಷನಿಗಿಂತ ಎಷ್ಟು ಮುಖ್ಯ ಎಂಬ ಅಂಶವನ್ನೇ ಕೇಂದ್ರವಾಗಿಸಿಕೊಂಡು ನಾನು ಈ ಚಿತ್ರ ನಿರ್ದೇಶಿಸಲು ಆಲೋಚಿಸುತ್ತಿದ್ದೇನೆ. ಯಾವುದೇ ನಾಟಕ ಅಥವಾ ಸಿನಿಮಾವೇ ಆಗಲಿ ಬಲಿಷ್ಠವಾದ ಮಹಿಳಾ ಕೇಂದ್ರಿತ ವಸ್ತು ಹೊಂದಿಲ್ಲವೆಂದರೆ ಅದು ಅಪೂರ್ಣವಾಗುತ್ತದೆ~ ಎಂದು ಸಂದರ್ಶನವೊಂದರಲ್ಲಿ ತಮ್ಮ ಅನಿಸಿಕೆ ವ್ಯಕ್ತಪಡಿಸಿರುವ ಕಿರಣ್ ಹೇಳಿಕೆ ಅವರ ಮುಂದಿನ ಹಾದಿಯ ದಿಕ್ಸೂಚಿ ಎಂಬಂತಿದೆ.<br /> <br /> ವಿಶೇಷವೆಂದರೆ ಎರಡನೇ ತಲೆಮಾರಿಗೆ ಸೇರಿದ ಈ ಮಹಿಳಾ ನಿರ್ದೇಶಕಿಯರೆಲ್ಲಾ ವಿಭಿನ್ನ ಆಲೋಚನೆ, ದೃಷ್ಟಿಕೋನ ಮತ್ತು ತಮ್ಮದೇ ಆದ ವೃತ್ತಿಯ ನೈಪುಣ್ಯತೆಯನ್ನು ಹೊಂದಿರುವಂಥವರು. ಇವರ ನೋಟವೆಲ್ಲಾ ಕೇವಲ ಸಾಧನೆಯ ಕಡೆಗೆ. <br /> <br /> ಲಿಂಗಾಧಾರಿತ ವಿಷಯಗಳ ಬಗ್ಗೆ ಇವರೆಂದೂ ಅಷ್ಟಾಗಿ ತಲೆ ಕೆಡಿಸಿಕೊಂಡವರಲ್ಲ. ಇವರ ವೃತ್ತಿಬದ್ಧತೆಯ ಛಾಪುಗಳನ್ನು ಗಮನಿಸಿದಾಗ ಇವರ ಕ್ರಿಯಾಶೀಲತೆಯ ಸಾಮರ್ಥ್ಯ ಎಂಥವರಿಗೂ ಅರ್ಥವಾಗುತ್ತದೆ. <br /> <br /> `ಲಿಂಗ ಬೇಧದ ಬಗ್ಗೆ ಮಾತನಾಡುತ್ತಾ ಕೂರುವುದು ಎಂದರೆ ಅದು ಸಮಯವನ್ನು ವ್ಯರ್ಥ ಮಾಡಿದಂತೆ~ ಎಂಬುದು ಝೋಯಾ ಅವರ ಅನಿಸಿಕೆ. `ಎಷ್ಟೇ ಆದರೂ ನಾವು ಹೆಣ್ಣೆಂಬ ಬಗ್ಗೆ ನಮಗೆ ಅರಿವಿದೆ. ಆದರೂ ಸಿನಿಮಾ ಎಂದಾಗ ಇವನ್ನೆಲ್ಲಾ ಬದಿಗಿಡಬೇಕಾಗುತ್ತದೆ. ಯಾರಿಗಾದರೂ ಏನನ್ನಾದರೂ ಹೇಳಬೇಕಾದರೆ ನಮ್ಮ ದಾರ್ಷ್ಟ್ಯವನ್ನು ಖಂಡಿತವಾಗಿಯೂ ಮೆರೆಯಬೇಕಾಗುತ್ತದೆ~ ಎಂಬುದು ಅವರ ಸ್ಪಷ್ಟ ನುಡಿ.<br /> <br /> 2012ಕ್ಕೆ ಹಿಂದಿ ಸಿನಿಮಾ ಜಗತ್ತಿಗೆ ನೂರು ವರ್ಷ ತುಂಬುತ್ತಿರುವ ಹಿನ್ನೆಲೆಯಲ್ಲಿ ನಾಲ್ಕು ಸಿನಿಮಾಗಳು ನಿರ್ಮಾಣವಾಗುತ್ತಿವೆ. ಇವುಗಳಲ್ಲಿ ಮೂರು ಸಿನಿಮಾಗಳು ಪುರುಷರ ನಿರ್ದೇಶನ ಹೊಂದಿದ್ದರೆ ಒಂದು ಚಿತ್ರ ಝೋಯಾ ಅವರದ್ದು. ಸದ್ಯಕ್ಕೀಗ ಝೋಯಾ ಈ ದಿಸೆಯಲ್ಲಿ ತನ್ಮಯವಾಗಿದ್ದಾರೆ. <br /> <br /> `ಈ ನಾಲ್ಕೂ ಚಿತ್ರಗಳ ನಿರ್ಮಾಣದ್ಲ್ಲಲಿ ಜಿದ್ದಾಜಿದ್ದಿನ ಸ್ಪರ್ಧೆ ಇದೆ. ಆದರೆ ಅಂತಿಮವಾಗಿ ನಾಲ್ಕೂ ಚಿತ್ರಗಳು ಹೊರಬಂದಾಗ ಇವುಗಳಲ್ಲಿ ಮಹಿಳೆ ನಿರ್ಮಿಸಿರುವ ಚಿತ್ರ ಯಾವುದೆಂಬುದು ಗೊತ್ತಾಗಲಿಕ್ಕಿಲ್ಲ. ಬಹುಶಃ ಇಂತಹುದೊಂದು ಅಂತರವನ್ನು ನಾನು ಖಂಡಿತಾ ಮುರಿಯಬ್ಲ್ಲಲೆ~ ಎಂಬುದು ಝೋಯಾ ಅವರ ಆತ್ಮವಿಶ್ವಾಸ.</p>.<p><strong>ನ್ಯೂಯಾರ್ಕ್ ಟೈಮ್ಸ</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
