ಈ ಮಧ್ಯೆ, ಭಾರತದಿಂದ ಸಿಡ್ನಿಗೆ ತೆರಳಿದ್ದ ಏರ್ ಇಂಡಿಯಾ ವಿಮಾನದ ಸಿಬ್ಬಂದಿಯೊಬ್ಬರಲ್ಲಿ ಮಂಗಳವಾರ ಕೋವಿಡ್ ಸೋಂಕು ದೃಢಪಟ್ಟಿದೆ. ಪ್ರಯಾಣಕ್ಕೂ ಮುನ್ನ ದೆಹಲಿಯಲ್ಲಿ ಅವರಿಗೆ ಆರ್ಟಿ–ಪಿಸಿಆರ್ (ಕೋವಿಡ್ ಪರೀಕ್ಷೆ) ನಡೆಸಲಾಗಿದ್ದು, ವರದಿ ನೆಗೆಟಿವ್ ಬಂದಿತ್ತು. ಸಿಡ್ನಿ ತಲುಪಿದಾಗ ಅಲ್ಲಿಯೂ ಅವರನ್ನು ಪರೀಕ್ಷೆಗೆ ಒಳಪಡಿಸಲಾಗಿದ್ದು, ವರದಿ ಪಾಸಿಟಿವ್ ಬಂದಿದೆ. ಹೀಗಾಗಿ ಪ್ರಯಾಣಿಕರನ್ನು ಸಿಡ್ನಿಯಲ್ಲಿ ಕ್ವಾರಂಟೈನ್ನಲ್ಲಿ ಇರಿಸಲಾಗಿದೆ. ಬಳಿಕ ವಿಮಾನವು ಪ್ರಯಾಣಿಕರಿಲ್ಲದೆಯೇ ಕೇವಲ ಸರಕು ಹೇರಿಕೊಂಡು ಭಾರತಕ್ಕೆ ವಾಪಸಾಗಿದೆ.