ಬರ್ಲಿನ್‌ (ಜರ್ಮನಿ): ಜರ್ಮನಿಯ ಬಲಪಂಥೀಯ ತೀವ್ರಗಾಮಿಗಳಿಗೆ ಮಾರಾಟ ಮಾಡುವ ಉದ್ದೇಶದಿಂದ ಸಾಗಣೆ ಮಾಡುತ್ತಿದ್ದ ಭಾರಿ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ಆಸ್ಟ್ರಿಯಾ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ.
‘70 ಸ್ವಯಂಚಾಲಿತ ಬಂದೂಕುಗಳು, 1 ಲಕ್ಷಕ್ಕೂ ಅಧಿಕ ಸ್ಫೋಟಕಗಳು, ಹಲವು ಸುತ್ತು ಮದ್ದುಗುಂಡುಗಳನ್ನು ವಶಪಡಿಸಿಕೊಳ್ಳಲಾಗಿದೆ. 53 ವರ್ಷದ ಆಸ್ಟ್ರಿಯಾ ಪ್ರಜೆ ಈ ಶಸ್ತ್ರಾಸ್ತ್ರಗಳನ್ನು ಸಾಗಿಸುತ್ತಿದ್ದ ಎಂಬುದಾಗಿ ಶಂಕಿಸಲಾಗಿದೆ’ ಎಂದು ಆಂತರಿಕ ಭದ್ರತಾ ಸಚಿವ ಕಾರ್ಲ್‌ ನೆಹಮ್ಮರ್‌ ತಿಳಿಸಿದರು.
‘ಸಂಘಟಿತ ಅಪರಾಧ ಕೃತ್ಯಗಳನ್ನು ಎಸಗುತ್ತಿರುವ ಗುಂಪುಗಳು ಹಾಗೂ ಬಲಪಂಥೀಯ ತೀವ್ರಗಾಮಿಗಳ ನಡುವೆ ಸಂಪರ್ಕ ಇದೆ ಎಂಬುದು ಪೊಲೀಸ್‌ ಕಾರ್ಯಾಚರಣೆ ವೇಳೆ ಬಹಿರಂಗಗೊಂಡಿದೆ’ ಎಂದೂ ಅವರು ಹೇಳಿದ್ದಾರೆ.
