ಚಂದ್ರನಿಂದ ಭೂಮಿಯತ್ತ ಚೀನಾದ ಚಾಂಗ್‌ಇ
ಅಕ್ಷರ ಗಾತ್ರ :ಆ |ಆ |ಆ
ಬೀಜಿಂಗ್‌: ಚಂದ್ರನ ಮೇಲ್ಮೈಯಿಂದ ಕಲ್ಲು ಹಾಗೂ ಮಣ್ಣಿನ ಮಾದರಿಯನ್ನು ಸಂಗ್ರಹಿಸಿರುವ ಚೀನಾದ ಚಾಂಗ್‌ಇ–5 ಪ್ರೋಬ್‌, ಸೋಮವಾರ ಭೂಮಿಯತ್ತ ಮುಖಮಾಡಿದೆ.
45 ವರ್ಷಗಳ ಬಳಿಕ ಚಂದ್ರನ ಮೇಲ್ಮೈಯಿಂದ ಚಾಂಗ್‌ಇ ಪ್ರೋಬ್‌ ಮಾದರಿಗಳನ್ನು ಸಂಗ್ರಹಿಸಿದೆ. ಸೋಮವಾರ ಸ್ಥಳೀಯ ಕಾಲಮಾನ ಬೆಳಿಗ್ಗೆ 11.13ರ ವೇಳೆಗೆ ಪ್ರೋಬ್‌ನಲ್ಲಿರುವ ಎರಡು ಇಂಜಿನ್‌ಗಳನ್ನು 28 ಸೆಕೆಂಡ್‌ ಉರಿಸಲಾಗಿದೆ. ಈ ಮೂಲಕ ಭೂಮಿಗೆ ಹಿಂದಿರುಗುವ ಪಥಕ್ಕೆ ಚಾಂಗ್‌ಇ ಪ್ರೋಬ್‌ ಅನ್ನು ಪ್ರವೇಶಿಸುವ ಕಾರ್ಯ ಆರಂಭವಾಗಿದೆ ಎಂದು ಚೀನಾದ ರಾಷ್ಟ್ರೀಯ ಬಾಹ್ಯಾಕಾಶ ಆಡಳಿತವು(ಸಿಎನ್‌ಎಸ್‌ಎ) ತಿಳಿಸಿದೆ.
ನ.24ರಂದು ಚಾಂಗ್‌ಇ ಉಡಾವಣೆಗೊಳಿಸಲಾಗಿತ್ತು. ಡಿ.1ರಂದು ಚಂದ್ರನ ಮೇಲ್ಮೈನಲ್ಲಿ ಇಳಿದಿದ್ದ ಪ್ರೋಬ್‌, ಮಾದರಿಗಳನ್ನು ಸಂಗ್ರಹಿಸಿ ಡಿ.3ರಂದು ಚಂದ್ರನ ಮೇಲ್ಮೈಯಿಂದ ಉಡಾವಣೆಗೊಂಡಿತ್ತು. ಡಿಸೆಂಬರ್ ಕೊನೆಯ ವಾರದಲ್ಲಿ ಉತ್ತರ ಚೀನಾದ ಮಂಗೋಲಿಯಾದಲ್ಲಿ ಇಳಿಯುವ ನಿರೀಕ್ಷೆ ಇದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
