ಶಾಹೀನ್ ಚಂಡಮಾರುತ: ಮೃತರ ಸಂಖ್ಯೆ 5ಕ್ಕೆ ಏರಿಕೆ

ಚಂಡಮಾರುತದಿಂದ ಉಂಟಾದ ಪ್ರವಾಹದಿಂದ ವಾಹನ ಸವಾರರೊಬ್ಬ ಕೊಚ್ಚಿ ಹೋಗಿದ್ದ, ಅವರ ಶವವನ್ನು ಒಮನ್ ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ.

ಶಾಹೀನ್ ಚಂಡಮಾರುತದಿಂದಾಗಿ ಒಮನ್‌ನಲ್ಲಿ ಭಾನುವಾರಿ ಭಾರಿ ಮಳೆ ಸುರಿದು, ಭೂಕುಸಿತ ಉಂಟಾಯಿತು. ಈ ಘಟನೆಯಲ್ಲಿ ಏಷ್ಯಾ ರಾಷ್ಟ್ರಗಳ ಇಬ್ಬರು ವಿದೇಶೀಯರು ಸಾವನ್ನಪ್ಪಿದ್ದರು. ಮಗುವೊಂದು ಪ್ರವಾಹದ ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿತ್ತು.

ಪಾಕಿಸ್ತಾನ ಗಡಿ ಭಾಗ ಸಮೀಪದ ಇರಾನ್‌ನ ಪಸಬಂದರ್‌ನಲ್ಲಿ ಮೀನು ಹಿಡಿಯಲು ತೆರಳಿ ನಾಪತ್ತೆಯಾಗಿದ್ದ ಐವರು ಮೀನುಗಾರರಲ್ಲಿ ಒಬ್ಬರ ಮೃತದೇಹವನ್ನು ರಕ್ಷಣಾಪಡೆಯವರು ಪತ್ತೆ ಮಾಡಿದ್ದಾರೆ ಎಂದು ಸರ್ಕಾರಿ ಸ್ವಾಮ್ಯದ ವಾಹಿನಿ ವರದಿ ಮಾಡಿದೆ.

‘ಶಾಹೀನ್ ಚಂಡಮಾರುತದಿಂದ ಬೀಸುತ್ತಿರುವ ಗಾಳಿಯ ವೇಗ ಗಂಟೆಗೆ 90 ಕಿ.ಮೀ.ನಷ್ಟಿದ್ದು, ದುರ್ಬಲಗೊಳ್ಳುತ್ತಿದೆ‘ ಎಂದು ಭಾರತೀಯ ಹವಾಮಾನ ಇಲಾಖೆ ತಿಳಿಸಿದೆ.

ಮುಂದಿನ ಇಪ್ಪತ್ನಾಲ್ಕು ಗಂಟೆಗಳಲ್ಲಿ ಉಷ್ಣವಲಯ ಪ್ರದೇಶದಲ್ಲಿ ಚಂಡಮಾರುತವು ದುರ್ಬಲಗೊಳ್ಳುತ್ತದೆ ಎಂದು ತಿಳಿಸಿದೆ.