ವಾಷಿಂಗ್ಟನ್: ಭಾರತೀಯ ಮೂಲದ ಅಮೆರಿಕದ ನಿವಾಸಿ, ಮಾಹಿತಿ ತಂತ್ರಜ್ಞಾನ ಕಂಪನಿಯೊಂದರ ಮಾಜಿ ಉದ್ಯೋಗಿ ವಿರುದ್ಧ ವಂಚನೆಗಾಗಿ ಸಂಚು ರೂಪಿಸಿರುವುದು ಹಾಗೂ ಸುಳ್ಳು ತೆರಿಗೆ ವರದಿ ತಯಾರಿಕೆಗೆ ನೆರವಾಗಿರುವ ಆರೋಪಗಳು ಸಾಬೀತಾಗಿವೆ.
ಪ್ರಕರಣದ ಆರೋಪಿ ದಯಾಕರ್ ಮಲ್ಲು(51) ಕಂಪನಿಗೆ ವಂಚನೆ ಮಾಡಲು ಸಂಚು ರೂಪಿಸಿಕ್ಕಾಗಿ 25 ವರ್ಷಗಳ ಜೈಲು ಶಿಕ್ಷೆ ಮತ್ತು ತೆರಿಗೆ ವಂಚನೆಗೆ ನೆರವಾಗಿದ್ದಕ್ಕಾಗಿ ಮೂರು ವರ್ಷ ಜೈಲು ಶಿಕ್ಷೆ ವಿಧಿಸುವ ಸಾಧ್ಯತೆ ಇದೆ.
ನ್ಯಾಯಾಲಯಗಳ ದಾಖಲೆಗಳ ಪ್ರಕಾರ, 2017 ಮತ್ತು 2019ರ ನಡುವೆ ತಾನು ಉಪಾಧ್ಯಕ್ಷನಾಗಿದ್ದ ಮೈಲಾನ್ ಗ್ಲೋಬಲ್ ಆಪರೇಷನ್ ಇನ್ಫಾರ್ಮೇಷನ್ ಟೆಕ್ನಾಲಜಿ ಕಂಪನಿಗೆ, ಮತ್ತೊಬ್ಬನೊಂದಿಗೆ ಸೇರಿ ವಂಚನೆ ಮಾಡಿದ್ದಾರೆಂದು ಉಲ್ಲೇಖಿಸಲಾಗಿದೆ.