ಸ್ಯಾಂಟಿಯಾಗೊ (ಚಿಲಿ): ಚಿಲಿ ಗಡಿಯ ಸಮೀಪವಿರುವ ವಾಯುವ್ಯ ಅರ್ಜೆಂಟಿನಾದಲ್ಲಿ ಸೋಮವಾರ ಪ್ರಬಲ ಭೂಕಂಪವಾಗಿದ್ದು, ಇದರಿಂದಾಗಿ ಎರಡೂ ದೇಶದ ಜನರು ಭಯಭೀತಗೊಂಡಿದ್ದಾರೆ. ಆದರೆ ಯಾವುದೇ ಆಸ್ತಿ ಮತ್ತು ಪ್ರಾಣ ಹಾನಿಯ ಬಗ್ಗೆ ವರದಿಯಾಗಿಲ್ಲ.
‘ಸೋಮವಾರ ತಡರಾತ್ರಿ ಭೂಕಂಪವಾಗಿದ್ದು, ರಿಕ್ಟರ್ ಮಾಪಕದಲ್ಲಿ ತೀವ್ರತೆಯ ಪ್ರಮಾಣ 6.4ರಷ್ಟು ದಾಖಲಾಗಿದೆ. ಪೊರ್ಸಿಟೊ ಪಟ್ಟಣದ ನೈರುತ್ಯ ಭಾಗದಲ್ಲಿ 14 ಕಿ.ಮೀ ಆಳದಲ್ಲಿ ಭೂ ಕಂಪನದ ಕೇಂದ್ರ ಬಿಂದು ಪತ್ತೆಯಾಗಿದೆ’ ಎಂದು ವರದಿಯಾಗಿದೆ.
