ಪುತ್ರಜಾಯ, ಮಲೇಷ್ಯಾ: ಮಲೇಷ್ಯಾದ ಮಾಜಿ ಪ್ರಧಾನಿ ಮುಯಿದ್ದೀನ್‌ ಯಾಸಿನ್ ಅವರನ್ನು ಭ್ರಷ್ಟಾಚಾರ ಪ್ರಕರಣ ಸಂಬಂಧ ತನಿಖಾ ಸಂಸ್ಥೆ ಬಂಧಿಸಿದ್ದು, ಕೋರ್ಟ್‌ಗೆ ಹಾಜರುಪಡಿಸಲಾಗುವುದು ಎಂದು ತಿಳಿಸಿದೆ.
ಯಾಸಿನ್ ಅವರು ಮಾರ್ಚ್ 2020ರಿಂದ ಆಗಸ್ಟ್‌ 2021ರವರೆಗೂ ಪ್ರಧಾನಿಯಾಗಿದ್ದರು. ಬಂಧನಕ್ಕೊಳಗಾದ ದೇಶದ ಎರಡನೇ ನಾಯಕ. ಈ ಹಿಂದೆ ಮಾಜಿ ಪ್ರಧಾನಿ ನಾಜಿಬ್ ರಜಾಕ್ ಅವರು ಭ್ರಷ್ಟಾಚಾರ ಪ್ರಕರಣದಲ್ಲಿ ಜೈಲಿಗೆ ಹೋಗಿದ್ದರು.
ಮುಯಿದ್ದೀನ್‌ ಯಾಸಿನ್ ವಿರುದ್ಧ ಸರ್ಕಾರಿ ಯೋಜನೆಗಳ ಅನುಮೋದನೆಗೆ ಸಂಬಂಧಿಸಿದಂತೆ ಹಣ ಅಕ್ರಮ ವರ್ಗಾವಣೆ ಸೇರಿ ಹಲವು ಆರೋಪಗಳಿವೆ. ವಿಚಾರಣೆಗಾಗಿ ಕಚೇರಿಗೆ ಬಂದಿದ್ದಾಗಲೇ ಬಂಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
