ಇಸ್ಲಾಮಾಬಾದ್ (ಪಿಟಿಐ): ಹಣ ಅಕ್ರಮ ವರ್ಗಾವಣೆಯಾಗಿದ್ದಸಕ್ಕರೆ ಹಗರಣ ಪ್ರಕರಣದಲ್ಲಿ ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ ಅವರ ಕಿರಿಯ ಮಗಸುಲೇಮಾನ್ ಶೆಹಬಾಜ್ ಮತ್ತು ಇನ್ನೊಬ್ಬ ವ್ಯಕ್ತಿಯನ್ನು ಅಪರಾಧಿಗಳೆಂದು ಪಾಕಿಸ್ತಾನದ ನ್ಯಾಯಾಲಯ ಶುಕ್ರವಾರ ಘೋಷಿಸಿದೆ.
‘ಲಾಹೋರ್ ವಿಶೇಷ ನ್ಯಾಯಾಲಯ (ಸೆಂಟ್ರಲ್-1) ಸುಲೇಮಾನ್ ಮತ್ತು ತಾಹಿರ್ ನಖ್ವಿ ಎಂಬ ವ್ಯಕ್ತಿಗೆ ಸಮನ್ಸ್ ನೀಡಿದ್ದರೂ,ವಿಚಾರಣೆಗೆ ಹಾಜರಾಗಲು ವಿಫಲರಾದ ನಂತರ ಅವರನ್ನು ಅಪರಾಧಿಗಳೆಂದು ಘೋಷಿಸಲಾಗಿದೆ’ ಎಂದು ಡಾನ್ ಪತ್ರಿಕೆ ವರದಿ ಮಾಡಿದೆ.
ಫೆಡರಲ್ ಇನ್ವೆಸ್ಟಿಗೇಷನ್ ಏಜೆನ್ಸಿ (ಎಫ್ಐಎ), ಶೆಹಬಾಜ್ ಹಾಗೂ ಅವರ ಮಕ್ಕಳಾದ ಹಮ್ಜಾ ಮತ್ತು ಸುಲೇಮಾನ್ ವಿರುದ್ಧ ನವೆಂಬರ್ 2020ರಲ್ಲಿ ಭ್ರಷ್ಟಾಚಾರ ತಡೆ ಕಾಯ್ದೆ ಮತ್ತು ಅಕ್ರಮ ಹಣ ವರ್ಗಾವಣೆ ಕಾಯ್ದೆಯಡಿ ಪ್ರಕರಣ ದಾಖಲಿಸಿತ್ತು.