ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮನೆಯಿಂದ ಪರಾರಿಯಾದ ಶ್ರೀಲಂಕಾ ಅಧ್ಯಕ್ಷ ಗೊಟಬಯ ಹಡಗಿನಲ್ಲಿ ತೆರಳಿದ್ದೆಲ್ಲಿಗೆ?

Last Updated 9 ಜುಲೈ 2022, 13:29 IST
ಅಕ್ಷರ ಗಾತ್ರ

ಕೊಲಂಬೊ: ಪ್ರತಿಭಟನಾಕಾರರಿಗೆ ಹೆದರಿ ಅಧಿಕೃತ ನಿವಾಸದಿಂದ ಪರಾರಿಯಾಗಿರುವ ಶ್ರೀಲಂಕಾ ಅಧ್ಯಕ್ಷ ಗೊಟಬಯ ರಾಜಪಕ್ಸ ಎಲ್ಲಿದ್ದಾರೆ? ಎಂಬ ಪ್ರಶ್ನೆ ಎದುರಾಗಿದೆ.

ಈ ಮಧ್ಯೆ, ಕೊಲಂಬೊ ಬಂದರಿನಲ್ಲಿ ಲಂಗರು ಹಾಕಿದ್ದ ಶ್ರೀಲಂಕಾ ನೌಕಾಪಡೆಯ ಗಜಬಾಹು ನೌಕೆಗೆ ಲಗೇಜ್‌ಗಳನ್ನು ತುಂಬಿಸಲಾಗಿದೆ ಎಂಬ ವರದಿಗಳು ಹೊರಬಿದ್ದಿವೆ ಎಂದು ಅಲ್ಲಿನ ನ್ಯೂಸ್ ಫಸ್ಟ್ ಚಾನೆಲ್ ಶನಿವಾರ ವರದಿ ಮಾಡಿದೆ.

‘ಶುಕ್ರವಾರ ಜನರ ಗುಂಪು ಎಸ್ಎಲ್ಎನ್ಎಸ್ ಸಿಂದೂರಲಾ ಮತ್ತು ಎಸ್ಎಲ್ಎನ್ಎಸ್ ಗಜಬಾಹು ಹಡಗನ್ನು ಹತ್ತಿತು. ಬಳಿಕ, ಹಡಗು ಬಂದರನ್ನು ಬಿಟ್ಟು ತೆರಳಿತು ಎಂದು ಕೊಲಂಬೊ ಬಂದರಿನಲ್ಲಿರುವ ಹಾರ್ಬರ್ ಮಾಸ್ಟರ್ ಹೇಳಿದ್ದಾರೆ’ಎಂಬುದಾಗಿ ಸುದ್ದಿ ವಾಹಿನಿ ವರದಿ ಮಾಡಿದೆ. ಹೀಗಾಗಿ, ಆ ಹಡಗಿನಲ್ಲಿ ರಾಜಪಕ್ಸ ತೆರಳಿರಬಹುದು ಎಂಬ ಬಲವಾದ ಅನುಮಾನ ಮೂಡಿದೆ.

ಆದರೆ, ಹಡಗು ಹತ್ತಿದವರು ಯಾರು ಎಂಬ ಬಗ್ಗೆ ನನಗೆ ಮಾಹಿತಿ ನೀಡಿಲ್ಲ ಎಂದು ಹಾರ್ಬರ್ ಮಾಸ್ಟರ್ ತಿಳಿಸಿರುವುದಾಗಿಯೂ ಅದು ವರದಿ ಮಾಡಿದೆ.

ಶ್ರೀಲಂಕಾದ ಆರ್ಥಿಕ ಬಿಕ್ಕಟ್ಟನ್ನು ಖಂಡಿಸಿ ಶನಿವಾರ ಭಾರೀ ಸಂಖ್ಯೆಯಲ್ಲಿ ಸೇರಿದ್ದ ಪ್ರತಿಭಟನಾಕಾರರು ಅಧ್ಯಕ್ಷ ಗೊಟಬಯ ರಾಜಪಕ್ಸ ಮನೆಗೆ ನುಗ್ಗಿ ಮನೆಯನ್ನು ವಶಕ್ಕೆ ಪಡೆದುಕೊಂಡರು. ಪ್ರತಿಭಟನೆಯ ಸೂಚನೆ ಅರಿತಿದ್ದ ಗೊಟಬಯ ಶುಕ್ರವಾರವೇ ಕಾಲ್ಕಿತ್ತಿದ್ದಾರೆ.

ವಿದೇಶಿ ಕರೆನ್ಸಿ ಕೊರತೆಯಿಂದ ಶ್ರೀಲಂಕಾ ಅಗತ್ಯ ವಸ್ತುಗಳನ್ನೂ ಖರೀದಿಸಲಾಗದೆ ಸಂಕಷ್ಟಕ್ಕೆ ಸಿಲುಕಿದೆ. ಹೀಗಾಗಿ, ಮಾರ್ಚ್ ತಿಂಗಳಿಂದಲೂ ಅಧ್ಯಕ್ಷರ ರಾಜೀನಾಮೆಗೆ ಒತ್ತಡ ಕೇಳಿಬರುತ್ತಿದೆ.

ಈ ಮಧ್ಯೆ, ಶನಿವಾರದ ಪ್ರತಿಭಟನೆ ಹಿಂಸಾರೂಪ ತಳೆದಿದ್ದು, ಇಬ್ಬರು ಪೊಲೀಸರು ಸೇರಿ 30 ಮಂದಿ ಗಾಯಗೊಂಡಿದ್ದಾರೆ.

ಇದನ್ನೂ ಓದಿ..

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT