ಅಮೆರಿಕದ ಜೈಲಿನಲ್ಲಿ 8 ವರ್ಷಗಳ ಕಾಲ ಬಂಧನದಲ್ಲಿದ್ದೆ: ತಾಲಿಬಾನ್ ಅಧಿಕಾರಿ ರುಹಾನಿ
ಅಕ್ಷರ ಗಾತ್ರ :ಆ |ಆ |ಆ
ಕಾಬೂಲ್‌: ‘ಅಮೆರಿಕದ ಜೈಲಿನಲ್ಲಿ ತನ್ನನ್ನು 8 ವರ್ಷಗಳ ಕಾಲ ಇರಿಸಲಾಗಿತ್ತು’ ಎಂದು ತಾಲಿಬಾನ್ ಅಧಿಕಾರಿ ಗೋಲಾಂ ರುಹಾನಿ ಸೋಮವಾರ ತಿಳಿಸಿದರು.
ಕಾಬೂಲ್‌ನಲ್ಲಿರುವ ಅಫ್ಗಾನ್‌ ಅರಮನೆಯಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ರುಹಾನಿ, ‘ಅಮೆರಿಕದ ಮಾಜಿ ಅಧ್ಯಕ್ಷ ಜಾರ್ಜ್‌ ಡಬ್ಲ್ಯು. ಬುಷ್‌ ನೇತೃತ್ವದ ಸರ್ಕಾರವು ಅಫ್ಗಾನ್‌ ಕೈದಿಗಳನ್ನು ಬಿಡುಗಡೆಗೊಳಿಸುವ ಮುನ್ನ ತನ್ನನ್ನು 8 ವರ್ಷಗಳ ಕಾಲ ಬಂಧನದಲ್ಲಿ ಇಡಲಾಗಿತ್ತು’ ಎಂದರು.
2007ರಲ್ಲಿ ಬುಷ್‌ ಸರ್ಕಾರವು ಗ್ವಾಂಟನಾಮೊ ಜೈಲಿನಿಂದ 13 ಮಂದಿ ಅಫ್ಗಾನ್‌ ಕೈದಿಗಳು ಸೇರಿದಂತೆ 485 ಕೈದಿಗಳನ್ನು ಬಿಡುಗಡೆಗೊಳಿಸಿತ್ತು. ಈ ಕೈದಿಗಳ ಪೈಕಿ ಗೋಲಾಂ ರುಹಾನಿಯೂ ಒಬ್ಬರು.
ರುಹಾನಿ, ತಾನು ತಾಲಿಬಾನ್ ಸಂಘಟನೆಯ ಸದಸ್ಯ ಹಾಗೂ ಕಾಬೂಲ್‌ನಲ್ಲಿ ಗುಪ್ತಚರ ಸೇವೆಯಲ್ಲಿ ನಾಲ್ಕು ವರ್ಷಗಳ ಕಾಲ ತೊಡಗಿದ್ದೆ ಎಂದು ಅಮೆರಿಕದ ಸೇನೆ ಮುಂದೆ ಹೇಳಿಕೊಂಡಿದ್ದರು. ಈ ಹಿನ್ನೆಲೆಯಲ್ಲಿ ರುಹಾನಿಯನ್ನು ಜನವರಿ 2002ರಲ್ಲಿ ಗ್ವಾಂಟನಾಮೊ ಜೈಲಿಗೆ ಕರೆತರಲಾಗಿತ್ತು.
ಇದನ್ನೂ ಓದಿ: ಅಫ್ಗನ್‌ನಲ್ಲಿ 20 ವರ್ಷಗಳ ಸುದೀರ್ಘ ರಕ್ತಸಿಕ್ತ ಅಧ್ಯಾಯ ಅಂತ್ಯಕ್ಕೆ ಬದ್ಧ: ಬೈಡನ್
ಇದನ್ನೂ ಓದಿ: ಅಫ್ಗಾನಿಸ್ತಾನದಲ್ಲಿ ಅಮೆರಿಕದ ಪಾತ್ರವೇನು? ಇಲ್ಲಿದೆ 20 ವರ್ಷಗಳ ‘ರಕ್ತ ಚರಿತ್ರೆ’
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
