ಭಾರತ ಮೂಲದ ಶೆಫಾಲಿ ರಾಜ್ದಾನ್‌ ನೆದರ್ಲೆಂಡ್ಸ್‌ಗೆ ಅಮೆರಿಕದ ರಾಯಭಾರಿ

50 ವರ್ಷದ ದುಗ್ಗಲ್ ಅವರ ನೇಮಕಕ್ಕೆ ಅಮೆರಿಕದ ಸೆನೆಟ್‌ನಲ್ಲಿ ಬುಧವಾರ ಧ್ವನಿ ಮತದ ಅಂಗೀಕಾರ ದೊರೆಯಿತು.

ಕಾಶ್ಮೀರಿ ಪಂಡಿತ ಸಮುದಾಯದವರಾದ ರಜ್ದಾನ್ ದುಗ್ಗಲ್ ಅವರು ಹರಿದ್ವಾರದಲ್ಲಿ ಜನಿಸಿದ್ದರು. ಎರಡು ವರ್ಷದವರಿದ್ದಾಗಲೇ ತಮ್ಮ ಕುಟುಂಬದೊಂದಿಗೆ ಅಮೆರಿಕದ ಪೆನ್ಸಿಲ್ವೇನಿಯಾದ ಪಿಟ್ಸ್‌ಬರ್ಗ್‌ಗೆ ತೆರಳಿದ್ದರು. ನಂತರ, ಐದು ವರ್ಷದವರಾಗಿದ್ದಾಗ ಓಹಿಯೋದ ಸಿನ್ಸಿನಾಟಿಗೆ ತೆರಳಿ, ಅಲ್ಲಿಯೇ ನೆಲೆಸಿದರು. ಮಿಯಾಮಿ ವಿಶ್ವವಿದ್ಯಾಲಯದಿಂದ ಪದವಿ ಪಡೆದಿರುವ ರಜ್ದಾನ್ ದುಗ್ಗಲ್, ನ್ಯೂಯಾರ್ಕ್ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಪಡೆದ್ದಾರೆ.

‘ನಾನು ಜನಿಸಿದ್ದು ಭಾರತದಲ್ಲಿ. ಆದರೆ ನಾನು ರೂಪುಗೊಂಡಿದ್ದು ಅಮೆರಿಕದಲ್ಲಿ‘ ಎಂದು ರಜ್ದಾನ್ ದುಗ್ಗಲ್ ಜುಲೈನಲ್ಲಿ ಸೆನೆಟ್‌ನ ವಿದೇಶಿ ವ್ಯವಹಾರಗಳ ಸಮಿತಿಯ ಸದಸ್ಯರೊಂದಿಗಿನ ಚರ್ಚೆಯ ವೇಳೆ ಹೇಳಿದ್ದರು.

ರಜ್ದಾನ್ ದುಗ್ಗಲ್ ಒಬ್ಬ ಅನುಭವಿ ರಾಜಕೀಯ ಕಾರ್ಯಕರ್ತೆ, ಮಹಿಳಾ ಹಕ್ಕುಗಳ ವಕೀಲೆ ಮತ್ತು ಮಾನವ ಹಕ್ಕುಗಳ ಪ್ರತಿಪಾದಕಿ. ಅವರು ಅಮೆರಿಕದ ‘ಹೋಲೋಕಾಸ್ಟ್ ಮೆಮೋರಿಯಲ್ ಮ್ಯೂಸಿಯಂ ಕೌನ್ಸಿಲ್‌’ಗೂ ನೇಮಕಗೊಂಡಿದ್ದರು. ಪಾಶ್ಚಿಮಾತ್ಯ ಪ್ರಾದೇಶಿಕ ಸಲಹೆಗಾರರಾಗಿಯೂ ಅವರು ಸೇವೆ ಸಲ್ಲಿಸುತ್ತಿದ್ದಾರೆ.

ಇವುಗಳನ್ನೂ ಓದಿ

2022ರಲ್ಲಿ ಈವರೆಗೆ ಭಾರತದ 82 ಸಾವಿರ ವಿದ್ಯಾರ್ಥಿಗಳಿಗೆ ವೀಸಾ: ಅಮೆರಿಕ

ನ್ಯೂಜೆರ್ಸಿಯ ‘ಇಂಡಿಯಾ ಡೇ ಪರೇಡ್‌’ನಲ್ಲಿ ಬುಲ್ಡೋಜರ್: ಸೆನೆಟರ್‌ಗಳ ಖಂಡನೆ