ಸೈಂಟ್ ವ್ಯಾಲೆಂಟೈನ್ಸ್ ಹೆಸರಿನಲ್ಲಿ ಪ್ರತಿ ವರ್ಷ ಫೆ.14ರಂದು ಪ್ರೇಮಿಗಳ ದಿನವನ್ನು ಆಚರಿಸಲಾಗುತ್ತಿದೆ. ಈ ಪಾಶ್ಚಾತ್ಯ ಸಂಭ್ರಮವು ಭಾರತಕ್ಕೆ ಬಂದು ಸಾಕಷ್ಟು ಕಾಲವೇ ಆಗಿದೆ. ವ್ಯಾಲೆಂಟೈನ್ಸ್ ಡೇ ಹೆಸರಿನಲ್ಲಿ ಸ್ವೇಚ್ಛೆಯಿಂದ ರಾದ್ಧಾಂತಗಳನ್ನು ಮಾಡುವವರೂ ಇದ್ದಾರೆ. ಆದರೆ ಈ ದಿನವನ್ನು ತಮ್ಮ ಪ್ರೀತಿ ಪಾತ್ರರಲ್ಲಿ ನಿಷ್ಕಲ್ಮಶ ಪ್ರೇಮ ನಿವೇದನೆ ಮಾಡಿಕೊಳ್ಳುವುದಕ್ಕೂ ಹಲವರು ಬಳಸುತ್ತಾರೆ. ನಿಮ್ಮ ಸಂಗಾತಿಗೆ ನೀವು ಹೇಗೆ ಪ್ರೇಮ ನಿವೇದನೆ ಮಾಡಿದಿರಿ? ಈ ಸವಿ ನೆನಪುಗಳನ್ನು300 ಪದಗಳೊಳಗೆ ಪ್ರಜಾವಾಣಿ ಜೊತೆಗೆ ಹಂಚಿಕೊಳ್ಳಿರಿ.
ವಿಷಯ: ನೀವು ಇಷ್ಟಪಟ್ಟ ವ್ಯಕ್ತಿಗೆ ಹೇಗೆ ಪ್ರಪೋಸ್ ಮಾಡಿದಿರಿ?
ನಿಮ್ಮ ಮನದಲ್ಲಿ ಬೆಚ್ಚಗೆ ಅಡಗಿರುವ ನೆನಪುಗಳನ್ನು ಹಂಚಿಕೊಳ್ಳಲು ಪ್ರಜಾವಾಣಿ ಜಾಲತಾಣವು ವೇದಿಕೆ ಒದಗಿಸುತ್ತಿದೆ. ಆಯ್ದ ಬರಹಗಳನ್ನು Prajavani.net ನಲ್ಲಿ ಪ್ರಕಟಿಸಲಾಗುವುದು.
ಮಾತ್ರವಲ್ಲ, ಅವುಗಳಲ್ಲಿ ತೀರ್ಪುಗಾರರ ಮೆಚ್ಚುಗೆ ಪಡೆದ ಮೂರು ಬರಹಗಳಿಗೆ ಅಮೆಜಾನ್ ಇಕೋ-ಡಾಟ್ ಎಂಬ ಸ್ಮಾರ್ಟ್ ಸ್ಪೀಕರ್ ಬಹುಮಾನವೂ ಇದೆ. ಹಾಗಿದ್ದರೆ ತಡವೇಕೆ? ತಕ್ಷಣವೇ ಆ ಹಿಂದಿನ ದಿನಗಳನ್ನು ಮೆಲುಕು ಹಾಕಿಕೊಳ್ಳುತ್ತಾ, ಕೀಬೋರ್ಡ್‌ನಲ್ಲಿ ಟೈಪ್ ಮಾಡಲು ಸಿದ್ಧರಾಗಿ.
* ಕನ್ನಡ ಯುನಿಕೋಡ್‌ನಲ್ಲಿ ಟೈಪ್ ಮಾಡಿದ ಬರಹಗಳನ್ನು pvonline@prajavani.co.in ವಿಳಾಸಕ್ಕೆ ಇಮೇಲ್ ಕಳಿಸಿ * ನಿಮ್ಮ ಹೆಸರು, ವಿಳಾಸ ಮತ್ತು ಸಂಪರ್ಕ ಸಂಖ್ಯೆ ಇರಲಿ.
* ನೀವು ಬರೆಯುವ ಪುಟ್ಟ ಲೇಖನವು ಸೋಷಿಯಲ್ ಮೀಡಿಯಾ, ನಿಯತಕಾಲಿಕ, ಯಾವುದೇ ಪತ್ರಿಕೆ, ಬ್ಲಾಗ್ ಸೇರಿದಂತೆ ಬೇರೆಲ್ಲೂಪ್ರಕಟವಾಗಿರಬಾರದು ಎಂಬುದು ನೆನಪಿರಲಿ. * ಹೆಸರು ಗೌಪ್ಯವಾಗಿರಿಸಬೇಕು ಎಂದಿದ್ದಲ್ಲಿ ಅದನ್ನೂ ನಮೂದಿಸಿ. * ನಿಮ್ಮ ಬರಹಗಳು ನಮ್ಮನ್ನು ತಲುಪಲು 2020ಫೆಬ್ರುವರಿ 10 ಕೊನೆಯ ದಿನ. * ತೀರ್ಪುಗಾರರ ನಿರ್ಣಯವೇ ಅಂತಿಮ.
