<p><strong>ಕಾಳಗಿ: </strong>ಸಮಗ್ರ ಬೇಸಾಯ ಪದ್ಧತಿ ಅಳವಡಿಸಿಕೊಂಡು ಸಾವಯವ ಗೊಬ್ಬರ ಬಳಸಿ ವಿವಿಧ ಬೆಳೆ ಬೆಳೆಯುತ್ತಿರುವ ತಾಲ್ಲೂಕಿನ ರಾಜಾಪುರ ಗ್ರಾಮದ ರೈತ ಶರಣರೆಡ್ಡಿ ಮಳಗಿ ಕೃಷಿಯಲ್ಲಿ ಯಶಸ್ಸು ಕಂಡಿದ್ದಾರೆ. ಆರ್ಥಿಕವಾಗಿ ಸ್ವಾವಲಂಬಿಯಾಗಿದ್ದಾರೆ.</p>.<p>5 ಎಕರೆ ಸ್ವಂತ ಜಮೀನು ಹೊಂದಿರುವ ಅವರು ತಮ್ಮ ಗ್ರಾಮದಲ್ಲಿ 60 ಎಕರೆ ಭೂಮಿಯನ್ನು ಗುತ್ತಿಗೆಗೆ ಪಡೆದು ಕೃಷಿ ಜತೆಗೆ ಹೈನುಗಾರಿಕೆ, ಕೋಳಿ ಸಾಕಾಣಿಕೆ ಮಾಡುವ ಮೂಲಕ ಉತ್ತಮ ಆದಾಯ ಗಳಿಸುತ್ತಿದ್ದಾರೆ.</p>.<p>30 ಎಕರೆಯಲ್ಲಿ ಹೆಸರು, 20 ಎಕರೆಯಲ್ಲಿ ತೊಗರಿ ಮತ್ತು ಉದ್ದು, ಇನ್ನುಳಿದ 10 ಎಕರೆಯಲ್ಲಿ ಕಡಲೆ, ತೊಗರಿ, ಉದ್ದು, ಹೆಸರು, ಜೋಳ, ಈರುಳ್ಳಿ, ಮೆಣಸಿನಕಾಯಿ, ಶುಂಠಿ, ಸಜ್ಜೆ, ಮೆಕ್ಕೆಜೋಳ, ಅಲಸಂದಿ ಬೆಳೆದಿದ್ದಾರೆ.</p>.<p>ಹೊಸಳ್ಳಿ ಮಾರ್ಗದಲ್ಲಿ 8 ವರ್ಷದ ಅವಧಿಗೆ ಗಿರವಿ ಹಾಕಿಕೊಂಡು 10 ಎಕರೆ ಹೊಲದ ಒಂದು ಭಾಗದಲ್ಲಿ ಕುರಿ, ಕೋಳಿ, ಹಸು ಸಾಕಾಣಿಕೆ ಮಾಡಲು ₹ 8.5 ಲಕ್ಷ ಖರ್ಚಿನಲ್ಲಿ ಶೆಡ್ ನಿರ್ಮಿಸಿದ್ದಾರೆ. 2 ಟ್ರ್ಯಾಕ್ಟರ್ ಮತ್ತು 1 ಜೆಸಿಬಿ ಯಂತ್ರ ಹೊಂದಿದ್ದಾರೆ. ಹೊಲ ಕಾಯಲು 6 ನಾಯಿಗಳಿವೆ.</p>.<p>150 ಕುರಿಗಳು, 100 ಕೋಳಿ, 5 ಎಮ್ಮೆ, 15 ಹಸು, 4 ಕರು ಮತ್ತು 18 ಹೋರಿಗಳನ್ನು ಅವರು ಸಾಕಿದ್ದಾರೆ. ಸ್ಥಳೀಯರಿಗೆ ಪ್ರತಿ ತಿಂಗಳು 3 ರಿಂದ 4 ಕೆ.ಜಿ ತುಪ್ಪ ಮಾರುತ್ತಾರೆ.</p>.<p>ಒಟ್ಟು 2 ಎಕರೆ ಜಮೀನಲ್ಲಿ ಹಸಿಮೆಣಸಿನಕಾಯಿ ಬೆಳೆದಿದ್ದು, ಅದರಿಂದಲೇ ದಿನಕ್ಕೆ ₹ 8 ಸಾವಿರ ಆದಾಯ ಕೈ ಸೇರುತ್ತಿದೆ. 10 ಕೃಷಿ ಕಾರ್ಮಿಕರಿಗೆ ಅವರು ಉದ್ಯೋಗ ನೀಡಿದ್ದಾರೆ. ವಾರ್ಷಿಕ ₹7ರಿಂದ 8 ಲಕ್ಷ ರೂಪಾಯಿ ಆದಾಯ ಗಳಿಸುತ್ತಿದ್ದಾರೆ.</p>.<p>‘ಈ ಹಿಂದೆ ರಾಜಕೀಯ ಕ್ಷೇತ್ರದಲ್ಲಿ ನನಗೆ ಆಸಕ್ತಿಯಿತ್ತು. ಆದರೆ ಕೃಷಿಯಲ್ಲಿನ ನೆಮ್ಮದಿ ಮತ್ತೊಂದರಿಲ್ಲ ಎಂದು ಅರಿತ ಮೇಲೆ ಈಗ ಇದರಲ್ಲೇ ಬದುಕನ್ನು ಕಂಡುಕೊಂಡಿದ್ದೇನೆ. ಈ ವರ್ಷ ಲಾಕ್ಡೌನ್, ಅತಿವೃಷ್ಟಿಯಿಂದ ಸ್ವಲ್ಪ ಹಾನಿಯಾಗಿದೆ’ ಎಂದು ಶರಣರೆಡ್ಡಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾಳಗಿ: </strong>ಸಮಗ್ರ ಬೇಸಾಯ ಪದ್ಧತಿ ಅಳವಡಿಸಿಕೊಂಡು ಸಾವಯವ ಗೊಬ್ಬರ ಬಳಸಿ ವಿವಿಧ ಬೆಳೆ ಬೆಳೆಯುತ್ತಿರುವ ತಾಲ್ಲೂಕಿನ ರಾಜಾಪುರ ಗ್ರಾಮದ ರೈತ ಶರಣರೆಡ್ಡಿ ಮಳಗಿ ಕೃಷಿಯಲ್ಲಿ ಯಶಸ್ಸು ಕಂಡಿದ್ದಾರೆ. ಆರ್ಥಿಕವಾಗಿ ಸ್ವಾವಲಂಬಿಯಾಗಿದ್ದಾರೆ.</p>.<p>5 ಎಕರೆ ಸ್ವಂತ ಜಮೀನು ಹೊಂದಿರುವ ಅವರು ತಮ್ಮ ಗ್ರಾಮದಲ್ಲಿ 60 ಎಕರೆ ಭೂಮಿಯನ್ನು ಗುತ್ತಿಗೆಗೆ ಪಡೆದು ಕೃಷಿ ಜತೆಗೆ ಹೈನುಗಾರಿಕೆ, ಕೋಳಿ ಸಾಕಾಣಿಕೆ ಮಾಡುವ ಮೂಲಕ ಉತ್ತಮ ಆದಾಯ ಗಳಿಸುತ್ತಿದ್ದಾರೆ.</p>.<p>30 ಎಕರೆಯಲ್ಲಿ ಹೆಸರು, 20 ಎಕರೆಯಲ್ಲಿ ತೊಗರಿ ಮತ್ತು ಉದ್ದು, ಇನ್ನುಳಿದ 10 ಎಕರೆಯಲ್ಲಿ ಕಡಲೆ, ತೊಗರಿ, ಉದ್ದು, ಹೆಸರು, ಜೋಳ, ಈರುಳ್ಳಿ, ಮೆಣಸಿನಕಾಯಿ, ಶುಂಠಿ, ಸಜ್ಜೆ, ಮೆಕ್ಕೆಜೋಳ, ಅಲಸಂದಿ ಬೆಳೆದಿದ್ದಾರೆ.</p>.<p>ಹೊಸಳ್ಳಿ ಮಾರ್ಗದಲ್ಲಿ 8 ವರ್ಷದ ಅವಧಿಗೆ ಗಿರವಿ ಹಾಕಿಕೊಂಡು 10 ಎಕರೆ ಹೊಲದ ಒಂದು ಭಾಗದಲ್ಲಿ ಕುರಿ, ಕೋಳಿ, ಹಸು ಸಾಕಾಣಿಕೆ ಮಾಡಲು ₹ 8.5 ಲಕ್ಷ ಖರ್ಚಿನಲ್ಲಿ ಶೆಡ್ ನಿರ್ಮಿಸಿದ್ದಾರೆ. 2 ಟ್ರ್ಯಾಕ್ಟರ್ ಮತ್ತು 1 ಜೆಸಿಬಿ ಯಂತ್ರ ಹೊಂದಿದ್ದಾರೆ. ಹೊಲ ಕಾಯಲು 6 ನಾಯಿಗಳಿವೆ.</p>.<p>150 ಕುರಿಗಳು, 100 ಕೋಳಿ, 5 ಎಮ್ಮೆ, 15 ಹಸು, 4 ಕರು ಮತ್ತು 18 ಹೋರಿಗಳನ್ನು ಅವರು ಸಾಕಿದ್ದಾರೆ. ಸ್ಥಳೀಯರಿಗೆ ಪ್ರತಿ ತಿಂಗಳು 3 ರಿಂದ 4 ಕೆ.ಜಿ ತುಪ್ಪ ಮಾರುತ್ತಾರೆ.</p>.<p>ಒಟ್ಟು 2 ಎಕರೆ ಜಮೀನಲ್ಲಿ ಹಸಿಮೆಣಸಿನಕಾಯಿ ಬೆಳೆದಿದ್ದು, ಅದರಿಂದಲೇ ದಿನಕ್ಕೆ ₹ 8 ಸಾವಿರ ಆದಾಯ ಕೈ ಸೇರುತ್ತಿದೆ. 10 ಕೃಷಿ ಕಾರ್ಮಿಕರಿಗೆ ಅವರು ಉದ್ಯೋಗ ನೀಡಿದ್ದಾರೆ. ವಾರ್ಷಿಕ ₹7ರಿಂದ 8 ಲಕ್ಷ ರೂಪಾಯಿ ಆದಾಯ ಗಳಿಸುತ್ತಿದ್ದಾರೆ.</p>.<p>‘ಈ ಹಿಂದೆ ರಾಜಕೀಯ ಕ್ಷೇತ್ರದಲ್ಲಿ ನನಗೆ ಆಸಕ್ತಿಯಿತ್ತು. ಆದರೆ ಕೃಷಿಯಲ್ಲಿನ ನೆಮ್ಮದಿ ಮತ್ತೊಂದರಿಲ್ಲ ಎಂದು ಅರಿತ ಮೇಲೆ ಈಗ ಇದರಲ್ಲೇ ಬದುಕನ್ನು ಕಂಡುಕೊಂಡಿದ್ದೇನೆ. ಈ ವರ್ಷ ಲಾಕ್ಡೌನ್, ಅತಿವೃಷ್ಟಿಯಿಂದ ಸ್ವಲ್ಪ ಹಾನಿಯಾಗಿದೆ’ ಎಂದು ಶರಣರೆಡ್ಡಿ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
