ಧಾರವಾಡ ಕೃಷಿ ವಿಶ್ವವಿದ್ಯಾಲಯ ವ್ಯಾಪ್ತಿಯಲ್ಲಿ ‘ಟೆಫ್’ ಅನ್ನು ನಾಟಿ ಮಾಡಿ, ಬೆಳೆ ತೆಗೆದಿರುವುದು ಇದೇ ಪ್ರಥಮವಾಗಿದೆ. ಕಡಿಮೆ ನೀರು ಬಯಸುವ ಈ ಬೆಳೆ ಒಣಭೂಮಿ ಬೇಸಾಯಕ್ಕೆ ಪೂರಕವಾಗಿದೆ. ‘ಸಿರಿಧಾನ್ಯಗಳಲ್ಲಿ ಒಂದಾಗಿರುವ ಈ ಬೆಳೆ ಗ್ಲುಟೆನ್ ರಹಿತ ಪ್ರೊಟೀನ್, ಅಮೈನೊ ಆಮ್ಲ, ಪೋಷಕಾಂಶಗಳಾದ ಕ್ಯಾಲ್ಸಿಯಂ, ಕಬ್ಬಿಣದ ಅಂಶಗಳನ್ನು ಹೊಂದಿದೆ. ಮೈಸೂರಿನ ಕೇಂದ್ರೀಯ ಆಹಾರ ಮತ್ತು ತಂತ್ರಜ್ಞಾನ ಸಂಶೋಧನಾ ಸಂಸ್ಥೆಯ ಪ್ರಕಾರ ಟೆಫ್ ಭವಿಷ್ಯದ ಒಳ್ಳೆಯ ಆಹಾರ ಬೆಳೆಯಾಗಿದೆ. ಮಧುಮೇಹಿಗಳು, ಬೊಜ್ಜು ಹೊಂದಿರುವವರಿಗೆ ಇದು ಉತ್ತಮ ಆಹಾರ’ ಎನ್ನುತ್ತಾರೆ ಕೃಷಿ ವಿಜ್ಞಾನ ಕೇಂದ್ರದ ವಿಜ್ಞಾನಿ ರೂಪಾ ಪಾಟೀಲ.
