ಕೃಷಿ ಮೇಳ: ಮೇವಿಗೂ ಬಂತು ಮಣ್ಣುರಹಿತ ಕೃಷಿ

ಬೆಂಗಳೂರು: ‘ಮಣ್ಣು ರಹಿತ ಕೃಷಿ’ ಅಥವಾ ‘ಜಲಕೃಷಿ’ (ಹೈಡ್ರೊಫೋನಿಕ್ಸ್) ವಿಧಾನ ಬಳಸಿ ತೋಟ ಹಾಗೂಮನೆಯ ತಾರಸಿಯಲ್ಲೇ ಮಣ್ಣನ್ನು ಬಳಸದೆಯೇ ವಿವಿಧ ರೀತಿಯ ಸಸಿಗಳನ್ನು ಈಗಾಗಲೇ ಬೆಳೆಸಲಾಗುತ್ತಿದೆ. ಆದರೆ, ಜಾನುವಾರುಗಳಿಗೆ ನೀಡುವ ಮೇವನ್ನೂ ಈ ವಿಧಾನದಲ್ಲೇ ಕಡಿಮೆ ಸ್ಥಳದಲ್ಲಿ ಬೆಳೆಸಬಹುದಾದ ಪ್ರಾತ್ಯಕ್ಷಿಕೆ ‘ಕೃಷಿ ಮೇಳ’ದಲ್ಲಿ ರೈತರ ಗಮನ ಸೆಳೆಯುತ್ತಿದೆ.

. ಜಾನುವಾರುಗಳ ಮೇವನ್ನು ಜಮೀನಿನ ಬಯಲಿನ ಬದಲಿಗೆ ಕಡಿಮೆ ಜಾಗದಲ್ಲಿ ಸುಲಭವಾಗಿ ಬೆಳೆಸುವ ವಿಧಾನವನ್ನು ಬೆಂಗಳೂರಿನ ಬಯೋಗ್ರೀನ್ ಅಗ್ರಿ ಲಿಂಕ್ಸ್ ಎಂಬ ಸಂಸ್ಥೆ ರೈತರಿಗೆ ಪರಿಚಯಿಸಿದೆ. ಕೃಷಿ ಮೇಳದಲ್ಲಿ ಈ ಸಂಸ್ಥೆಯ ಮಳಿಗೆಯಲ್ಲಿ ಮಣ್ಣು ರಹಿತವಾಗಿ ಮೇವು ಬೆಳೆಸುವ ವಿಧಾನವನ್ನು ಪ್ರದರ್ಶಿಸಲಾಗಿದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿ ಪಡೆದುಕೊಳ್ಳಲು ರೈತರು ಮುಗಿಬಿದ್ದರು.

. ‘ಜಾನುವಾರುಗಳಿಗೆ ಬೇಕಾದ ಮೇವನ್ನು ಜಮೀನಿನಲ್ಲಿ ಬೆಳೆಯುತ್ತಾರೆ. ಆದರೆ, ಕಡಿಮೆ ಸ್ಥಳದಲ್ಲೇ ಸುಲಭವಾಗಿ ಮೇವನ್ನು ಬೆಳೆಯಬಹುದು. ಸಾಮಾನ್ಯ ಮೇವಿಗೆ ಹೋಲಿಸಿದರೆ, ಜಲಕೃಷಿ ವಿಧಾನದ ಮೇವು ಹೆಚ್ಚು ಪ್ರೊಟೀನ್ ಅಂಶಗಳನ್ನು ಹೊಂದಿರುತ್ತದೆ’ ಎಂದುಬಯೋಗ್ರೀನ್ ಅಗ್ರಿ ಲಿಂಕ್ಸ್ ಸಂಸ್ಥೆಯ ಮಾಲೀಕ ಪಿ.ದಿಲೀಪ್ ಕುಮಾರ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ‘ಕಡಿಮೆ ಸ್ಥಳದಲ್ಲಿ ಮೇವು ಬೆಳೆಯಲು 32 ಪ್ಲಾಸ್ಟಿಕ್ ಟ್ರೇಗಳನ್ನು ಇಡಬಹುದಾದ ಸ್ಟ್ಯಾಂಡ್ ತಯಾರಿಸಿದ್ದೇವೆ. ಪ್ರತಿ ಟ್ರೇನಲ್ಲೂ ಒಂದು ಕೆ.ಜಿಯಷ್ಟು ಜೋಳದ ಮೇವನ್ನು ಬೆಳೆಸಿದ್ದೇವೆ. ಬಯಲಿನಲ್ಲಿ ಬೆಳೆದರೆ ಎರಡು ಅಥವಾ ಮೂರು ತಿಂಗಳಿಗೆ ಮೇವು ಸಿಗುತ್ತದೆ. ಈ ಟ್ರೇಗಳಲ್ಲಿ 10 ದಿನಗಳಿಗೇ ಮೇವು ಸಿದ್ಧಗೊಳ್ಳುತ್ತದೆ’ ಎಂದು ವಿವರಿಸಿದರು.

. ‘32 ಟ್ರೇಗಳ ಮಾದರಿಯಲ್ಲಿ ರೈತನೊಬ್ಬ ನಾಲ್ಕು ಹಸುಗಳಿಗೆ ಬೇಕಾದ ಮೇವನ್ನು ಕಡಿಮೆ ಜಾಗದಲ್ಲಿ ಬೆಳೆದುಕೊಳ್ಳಬಹುದು. ತಲಾ ನಾಲ್ಕು ಟ್ರೇಗಳಲ್ಲಿ ಹಂತ ಹಂತವಾಗಿ ಮೇವು ಬೆಳೆಯಬೇಕು. ಇದನ್ನೇ ಪುನರಾವರ್ತನೆ ಮಾಡಿಕೊಂಡರೆ, ದಿನಕ್ಕೆ ನಾಲ್ಕು ಹಸುವಿಗೆ ಬೇಕಾದ ಮೇವು ಸಿದ್ಧವಾಗುತ್ತದೆ’ ಎಂದರು.

. ‘ಮೇವು ಬೆಳೆಯಲು ಹನಿ ನೀರಾವರಿ ಮೂಲಕ ಎಲ್ಲ ಟ್ರೇಗಳಿಗೆ ನಿಗದಿತ ಪ್ರಮಾಣದಲ್ಲಿ ನೀರು ಹರಿಸಬಹುದು. ಇದರ ರಕ್ಷಣೆಗೆ ಸ್ಟ್ಯಾಂಡ್ ಸುತ್ತಲೂ ಪರದೆಯನ್ನು ಅಳವಡಿಸುವುದು ಸೂಕ್ತ. ಆಗ ಕೀಟಗಳ ಕಾಟ ಇರುವುದಿಲ್ಲ’ ಎಂದು ಮಾಹಿತಿ ನೀಡಿದರು.

. ‘ಈ ಮೇವಿನಿಂದ ಹೆಚ್ಚು ಹಾಲು ಉತ್ಪಾದನೆ’

. ‘ಜಲಕೃಷಿ ವಿಧಾನದ ಮೇವು ತಿನ್ನುವ ಹಸುಸಾಮಾನ್ಯ ಮೇವು ತಿನ್ನುವ ಹಸುವಿಗಿಂತ 1.5 ಲೀಟರ್ಗಳಷ್ಟು ಹೆಚ್ಚುವರಿ ಹಾಲು ನೀಡುತ್ತದೆ . ಇದರಲ್ಲಿನ ಪ್ರೊಟೀನ್ ಅಂಶವೂ ಶೇ 18ರಷ್ಟು ಅಧಿಕವಾಗಿರುತ್ತದೆ. ಜೋಳದ ಮೇವು ಮಾತ್ರವಲ್ಲದೇ, ಗೋಧಿ, ರಾಗಿ, ಹುರುಳಿ ಸೇರಿದಂತೆ ವಿವಿಧ ರೀತಿಯ ಮೇವುಗಳನ್ನು ಈ ವಿಧಾನದಲ್ಲಿ ಬೆಳೆಯಬಹುದು’ ಎಂದುದಿಲೀಪ್ ಕುಮಾರ್ ವಿವರಿಸಿದರು.

. ‘ರೈತರ ಅನುಕೂಲಕ್ಕಾಗಿ 36 ಟ್ರೇಗಳ ಮಾದರಿಯನ್ನು ಸಂಸ್ಥೆಯೇ ಸಿದ್ಧಪಡಿಸಿ ಕೊಡುತ್ತದೆ. ಇದಕ್ಕೆ ₹26 ಸಾವಿರ ವೆಚ್ಚ ಆಗಲಿದೆ. ಇನ್ನೂ ಕಡಿಮೆ ಸಾಮರ್ಥ್ಯಕ್ಕೆ ಬೇಕಾದಂತೆಯೂ ಸ್ಟ್ಯಾಂಡ್ ಸಿದ್ಧಪಡಿಸಿಕೊಡಲಾಗುವುದು. ಆಸಕ್ತರು ಸಂಸ್ಥೆಯ ದೂರವಾಣಿ 9901769546 ಅಥವಾ ಇಮೇಲ್–biogreendv@gmail.com ಅನ್ನು ಸಂಪರ್ಕಿಸಬಹುದು’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೃಷಿ ಮೇಳ: ಮೇವಿಗೂ ಬಂತು ಮಣ್ಣುರಹಿತ ಕೃಷಿ

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ಫಿಡೆ ಮಹಿಳಾ ವಿಶ್ವಕಪ್‌ ಚೆಸ್‌: ಪ್ರಿಕ್ವಾರ್ಟರ್‌ಗೆ ದಿವ್ಯಾ, ಹಂಪಿ, ವೈಶಾಲಿ

Lords Test: ಹೋರಾಡಿ ಸೋತ ಗಿಲ್‌ ಬಳಗ; ಫಲ ನೀಡದ ಬಾಲಗೋಂಚಿಗಳ ಹೋರಾಟ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ