ಕರಿ ಇಶಾಡಿಗೆ ‘ಜಿಐ’ ಕೋಡು

ಜಿಐ ನೋಂದಣಿಗೆ ಚಾರಿತ್ರಿಕ ದಾಖಲೆ ಮುಖ್ಯ. ಹೀಗೆ ದಾಖಲೆಗಾಗಿ ಗ್ರಂಥಾಲಯದಲ್ಲಿ ತಡಕಾಡಿದಾಗ 1920ರಲ್ಲಿ ಕೃಷಿ ಇಲಾಖೆ ಹೊರತಂದ ಬುಲೆಟಿನ್‌ನಲ್ಲಿ ಕರಿ ಇಶಾಡಿನ ಉಲ್ಲೇಖವಿತ್ತು. ಈ ಮಾವಿನ ನಾಮಕರಣ ಹೇಗೆ ಎಂಬುದೇ ಕೌತುಕ. ‘ಇಶಾಡು’ ಇದು ಹಳೆ ಟರ್ಕಿಷ್ ಪದ. ಟರ್ಕಿ ಭಾಷೆಯಲ್ಲಿ ಉನ್ನತ ಸ್ಥಾನಕ್ಕೆ ‘ಇಶಾಡು’ ಎನ್ನುವ ಕ್ರಮವಿತ್ತು. 14ನೇ ಶತಮಾನದ ಸಂದರ್ಭದಲ್ಲಿ ಸೇನೆಯಲ್ಲಿ ಉನ್ನತ ಸ್ಥಾನಕ್ಕೆ ಪದವನ್ನು ಬಳಸುತ್ತಿದ್ದರು. ಹಣ್ಣಿನಲ್ಲೇ ಉತ್ಕೃಷ್ಟವಾಗಿರುವ ಈ ಹಣ್ಣಿಗೆ ‘ಇಶಾಡು’ ಎಂದು ಕರೆದಿರಬಹುದು. ಆಗ ಮುಂಬೈ ಪ್ರೆಸಿಡೆನ್ಸಿಯ ಕಾಲ. ಬಹಮನಿ ಸಾಮ್ರಾಜ್ಯದಲ್ಲಿ ಆದಿಲ್ ಶಾಹಿ ಮನೆತನದ ಯುಸೂಫ್ ಆದಿಲ್ ಶಾ ಟರ್ಕಿಯವನಾಗಿದ್ದ ಎನ್ನುತ್ತಾರೆ ಸಂಶೋಧಕಿ ನಂದಿನಿ ದೋಲೆಪಟ್.