<p>ಎತ್ತ ನೋಡಿದರೂ ಹಳೆಯ ಕಲ್ಲಿನ ಮನೆಗಳು. ಗೋಡೆಗಳಿಗೆ ಬಳಿದ ನೀಲಿ ಬಣ್ಣ ಕಣ್ಣಿಗೆ ಕೋರೈಸುತ್ತದೆ. ರಸ್ತೆ ಬದಿಯಲ್ಲಿ ಬಿಡಾಡಿ ಹಸುಗಳು, ಮನೆ ಮುಂದೆ ಹಳೆಯ ಬಜಾಜ್ ಬೈಕ್ಗಳು...<br /> <br /> ಈ ಮೇಲಿನ ಎಲ್ಲಾ ದೃಶ್ಯಗಳು ಕಂಡುಬಂದದ್ದು ಕಲಾವಿದ ಕೂಡಲಯ್ಯ ಹಿರೇಮಠ್ ಅವರ ಕುಂಚದಲ್ಲಿ ಅನಾವರಣಗೊಂಡ ‘ದಿ ಜೋಧ್ಪುರ್ ಬ್ಲೂಸ್’ ಸರಣಿಯ ಜಲವರ್ಣ ಚಿತ್ರಗಳಲ್ಲಿ.<br /> <br /> ನಿವೃತ್ತಿ ಆರ್ಟ್ ಕ್ವಾರ್ಟರ್ ಸಹಯೋಗದೊಂದಿಗೆ ಚಿತ್ರಕಲಾ ಪರಿಷತ್ತಿನಲ್ಲಿ ಮೇ 25ರವರೆಗೆ ನಡೆಯುತ್ತಿರುವ ಈ ಚಿತ್ರಕಲಾ ಪ್ರದರ್ಶನದಲ್ಲಿ ಬ್ಲೂ ಸಿಟಿಯನ್ನು ಚಿತ್ರಗಳ ಮೂಲಕ ಕಣ್ತುಂಬಿಕೊಳ್ಳಬಹುದು.<br /> <br /> ಅಂದಹಾಗೆ, ಕೂಡಲಯ್ಯ ಹಿರೇಮಠ್ ಅವರು ಜಲವರ್ಣ ಕಲಾಕೃತಿಗಳ ರಚನೆಯಲ್ಲಿ ದೊಡ್ಡ ಹೆಸರು ಮಾಡಿದವರು. ಪಿ.ಯು.ಸಿ ವರೆಗೆ ನಿಪ್ಪಾಣಿಯಲ್ಲಿ ಓದಿದರು. ನಂತರ ಪುಣೆಯಲ್ಲಿ ಫೈನ್ ಆರ್ಟ್ಸ್ನಲ್ಲಿ ಪದವಿ ಪಡೆದರು.<br /> <br /> ಒಮ್ಮೆ ಜೋಧ್ಪುರಕ್ಕೆ ಹೋಗಿದ್ದ ಹಿರೇಮಠ್ ಅವರಿಗೆ ಅಲ್ಲಿನ ಪಾರಂಪರಿಕ ಕಟ್ಟಡಗಳ ಸೌಂದರ್ಯ ಕಣ್ಮನ ಸೆಳೆಯಿತಂತೆ. ಕಲ್ಲಿನ ಕಟ್ಟಡಗಳು, ಬಿಡಾಡಿ ಹಸುಗಳು, ಕೆಲವು ಮನೆಗಳ ಮುಂದೆ ಕಂಡುಬರುವ ಬಜಾಜ್ ಬೈಕುಗಳು ಇವರಿಗೆ ಚಿತ್ರ ರಚಿಸಲು ಸ್ಫೂರ್ತಿ ಆದವು.<br /> <br /> ‘ಜೈಪುರದಂತೆ ನನಗೆ ಗಮನ ಸೆಳೆದ ಮತ್ತೊಂದು ನಗರ ಜೋಧ್ಪುರ. ಇಲ್ಲಿನ ರಾಜರು ಸೈನಿಕರ ವಾಸಕ್ಕಾಗಿ ಕಟ್ಟಿಸಿದ ತಾಣವೇ ‘ಬ್ಲೂ ಸಿಟಿ’. ನೀಲಿ ಬಣ್ಣ ಬಳಿದ ಮನೆಗಳನ್ನು ದೂರದಿಂದ ನೊಡುವುದೇ ಒಂದು ವಿಶೇಷ ಅನುಭವ. ಆ ಮನೆಗಳ ಎದುರು ಒಂದೊಂದು ಬೈಕ್ ಕಂಡು ಬರುತ್ತದೆ. ಕೆಲ ಬೈಕ್ಗಳು ಕೆಟ್ಟಿದ್ದರೂ ಸುಮ್ಮನೇ ನಿಲ್ಲಿಸಿರುತ್ತಾರೆ. ಆ ಪಾರಂಪರಿಕ ಸೊಬಗನ್ನು ನೋಡುವುದೇ ಆನಂದ. ಅಲ್ಲಿನ ಒಂದೊಂದು ಸ್ಥಳವನ್ನು ವಿವಿಧ ಕೋನಗಳಲ್ಲಿ ಚಿತ್ರಿಸಿದ್ದೇನೆ. ಕೆಲವು ನನ್ನ ಸ್ವಂತ ಸಂಯೋಜನೆಯ ಚಿತ್ರಗಳೂ ಇವೆ’ ಎನ್ನುತ್ತಾರೆ ಕಲಾವಿದ ಕೂಡಲಯ್ಯ.<br /> <br /> ‘ಬುಲ್’ ಹಾಗೂ ‘ರೇಸ್’ ಸರಣಿಯ ಚಿತ್ರಗಳನ್ನು ಬಿಡಿಸಿದ್ದ ಕೂಡಲಯ್ಯ ಅವರು ಇದೀಗ ‘ದಿ ಜೋಧ್ಪುರ್ ಬ್ಲೂಸ್’ ಸರಣಿ ಜಲವರ್ಣ ಚಿತ್ರಗಳನ್ನು ರಚಿಸಿದ್ದಾರೆ.<br /> <br /> 2012ರಲ್ಲಿ ಪುಣೆಯಲ್ಲಿ, 2013ರಲ್ಲಿ ಮುಂಬೈನ ಜಹಂಗೀರ್ ಆರ್ಟ್ ಗ್ಯಾಲರಿಯಲ್ಲಿ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನ ಆಯೋಜಿಸಿದ್ದ ಕೂಡಲಯ್ಯ ಬೆಂಗಳೂರಿನಲ್ಲಿ ತಮ್ಮ ಎರಡನೇ ಏಕವ್ಯಕ್ತಿ ಪ್ರದರ್ಶನ ಆಯೋಜಿಸಿದ್ದಾರೆ. 2005ರಿಂದ 2008ರವರೆಗೆ ಚಿತ್ರಸಂತೆಯಲ್ಲೂ ಇವರ ಚಿತ್ರಗಳು ಪ್ರದರ್ಶನಗೊಂಡು ಮೆಚ್ಚುಗೆ ಪಡೆದಿವೆ.<br /> <br /> ಅಂದಹಾಗೆ, ಬೆಳಿಗ್ಗೆ 10.30ರಿಂದ ಸಂಜೆ 7.30ರವರೆಗೆ ‘ದಿ ಜೋಧ್ಪುರ್ ಬ್ಲೂಸ್’ ಪ್ರದರ್ಶನವಿರುತ್ತದೆ. ಸ್ಥಳ: ಕರ್ನಾಟಕ ಚಿತ್ರಕಲಾ ಪರಿಷತ್, ಕುಮಾರಕೃಪಾ ರಸ್ತೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಎತ್ತ ನೋಡಿದರೂ ಹಳೆಯ ಕಲ್ಲಿನ ಮನೆಗಳು. ಗೋಡೆಗಳಿಗೆ ಬಳಿದ ನೀಲಿ ಬಣ್ಣ ಕಣ್ಣಿಗೆ ಕೋರೈಸುತ್ತದೆ. ರಸ್ತೆ ಬದಿಯಲ್ಲಿ ಬಿಡಾಡಿ ಹಸುಗಳು, ಮನೆ ಮುಂದೆ ಹಳೆಯ ಬಜಾಜ್ ಬೈಕ್ಗಳು...<br /> <br /> ಈ ಮೇಲಿನ ಎಲ್ಲಾ ದೃಶ್ಯಗಳು ಕಂಡುಬಂದದ್ದು ಕಲಾವಿದ ಕೂಡಲಯ್ಯ ಹಿರೇಮಠ್ ಅವರ ಕುಂಚದಲ್ಲಿ ಅನಾವರಣಗೊಂಡ ‘ದಿ ಜೋಧ್ಪುರ್ ಬ್ಲೂಸ್’ ಸರಣಿಯ ಜಲವರ್ಣ ಚಿತ್ರಗಳಲ್ಲಿ.<br /> <br /> ನಿವೃತ್ತಿ ಆರ್ಟ್ ಕ್ವಾರ್ಟರ್ ಸಹಯೋಗದೊಂದಿಗೆ ಚಿತ್ರಕಲಾ ಪರಿಷತ್ತಿನಲ್ಲಿ ಮೇ 25ರವರೆಗೆ ನಡೆಯುತ್ತಿರುವ ಈ ಚಿತ್ರಕಲಾ ಪ್ರದರ್ಶನದಲ್ಲಿ ಬ್ಲೂ ಸಿಟಿಯನ್ನು ಚಿತ್ರಗಳ ಮೂಲಕ ಕಣ್ತುಂಬಿಕೊಳ್ಳಬಹುದು.<br /> <br /> ಅಂದಹಾಗೆ, ಕೂಡಲಯ್ಯ ಹಿರೇಮಠ್ ಅವರು ಜಲವರ್ಣ ಕಲಾಕೃತಿಗಳ ರಚನೆಯಲ್ಲಿ ದೊಡ್ಡ ಹೆಸರು ಮಾಡಿದವರು. ಪಿ.ಯು.ಸಿ ವರೆಗೆ ನಿಪ್ಪಾಣಿಯಲ್ಲಿ ಓದಿದರು. ನಂತರ ಪುಣೆಯಲ್ಲಿ ಫೈನ್ ಆರ್ಟ್ಸ್ನಲ್ಲಿ ಪದವಿ ಪಡೆದರು.<br /> <br /> ಒಮ್ಮೆ ಜೋಧ್ಪುರಕ್ಕೆ ಹೋಗಿದ್ದ ಹಿರೇಮಠ್ ಅವರಿಗೆ ಅಲ್ಲಿನ ಪಾರಂಪರಿಕ ಕಟ್ಟಡಗಳ ಸೌಂದರ್ಯ ಕಣ್ಮನ ಸೆಳೆಯಿತಂತೆ. ಕಲ್ಲಿನ ಕಟ್ಟಡಗಳು, ಬಿಡಾಡಿ ಹಸುಗಳು, ಕೆಲವು ಮನೆಗಳ ಮುಂದೆ ಕಂಡುಬರುವ ಬಜಾಜ್ ಬೈಕುಗಳು ಇವರಿಗೆ ಚಿತ್ರ ರಚಿಸಲು ಸ್ಫೂರ್ತಿ ಆದವು.<br /> <br /> ‘ಜೈಪುರದಂತೆ ನನಗೆ ಗಮನ ಸೆಳೆದ ಮತ್ತೊಂದು ನಗರ ಜೋಧ್ಪುರ. ಇಲ್ಲಿನ ರಾಜರು ಸೈನಿಕರ ವಾಸಕ್ಕಾಗಿ ಕಟ್ಟಿಸಿದ ತಾಣವೇ ‘ಬ್ಲೂ ಸಿಟಿ’. ನೀಲಿ ಬಣ್ಣ ಬಳಿದ ಮನೆಗಳನ್ನು ದೂರದಿಂದ ನೊಡುವುದೇ ಒಂದು ವಿಶೇಷ ಅನುಭವ. ಆ ಮನೆಗಳ ಎದುರು ಒಂದೊಂದು ಬೈಕ್ ಕಂಡು ಬರುತ್ತದೆ. ಕೆಲ ಬೈಕ್ಗಳು ಕೆಟ್ಟಿದ್ದರೂ ಸುಮ್ಮನೇ ನಿಲ್ಲಿಸಿರುತ್ತಾರೆ. ಆ ಪಾರಂಪರಿಕ ಸೊಬಗನ್ನು ನೋಡುವುದೇ ಆನಂದ. ಅಲ್ಲಿನ ಒಂದೊಂದು ಸ್ಥಳವನ್ನು ವಿವಿಧ ಕೋನಗಳಲ್ಲಿ ಚಿತ್ರಿಸಿದ್ದೇನೆ. ಕೆಲವು ನನ್ನ ಸ್ವಂತ ಸಂಯೋಜನೆಯ ಚಿತ್ರಗಳೂ ಇವೆ’ ಎನ್ನುತ್ತಾರೆ ಕಲಾವಿದ ಕೂಡಲಯ್ಯ.<br /> <br /> ‘ಬುಲ್’ ಹಾಗೂ ‘ರೇಸ್’ ಸರಣಿಯ ಚಿತ್ರಗಳನ್ನು ಬಿಡಿಸಿದ್ದ ಕೂಡಲಯ್ಯ ಅವರು ಇದೀಗ ‘ದಿ ಜೋಧ್ಪುರ್ ಬ್ಲೂಸ್’ ಸರಣಿ ಜಲವರ್ಣ ಚಿತ್ರಗಳನ್ನು ರಚಿಸಿದ್ದಾರೆ.<br /> <br /> 2012ರಲ್ಲಿ ಪುಣೆಯಲ್ಲಿ, 2013ರಲ್ಲಿ ಮುಂಬೈನ ಜಹಂಗೀರ್ ಆರ್ಟ್ ಗ್ಯಾಲರಿಯಲ್ಲಿ ಏಕವ್ಯಕ್ತಿ ಚಿತ್ರಕಲಾ ಪ್ರದರ್ಶನ ಆಯೋಜಿಸಿದ್ದ ಕೂಡಲಯ್ಯ ಬೆಂಗಳೂರಿನಲ್ಲಿ ತಮ್ಮ ಎರಡನೇ ಏಕವ್ಯಕ್ತಿ ಪ್ರದರ್ಶನ ಆಯೋಜಿಸಿದ್ದಾರೆ. 2005ರಿಂದ 2008ರವರೆಗೆ ಚಿತ್ರಸಂತೆಯಲ್ಲೂ ಇವರ ಚಿತ್ರಗಳು ಪ್ರದರ್ಶನಗೊಂಡು ಮೆಚ್ಚುಗೆ ಪಡೆದಿವೆ.<br /> <br /> ಅಂದಹಾಗೆ, ಬೆಳಿಗ್ಗೆ 10.30ರಿಂದ ಸಂಜೆ 7.30ರವರೆಗೆ ‘ದಿ ಜೋಧ್ಪುರ್ ಬ್ಲೂಸ್’ ಪ್ರದರ್ಶನವಿರುತ್ತದೆ. ಸ್ಥಳ: ಕರ್ನಾಟಕ ಚಿತ್ರಕಲಾ ಪರಿಷತ್, ಕುಮಾರಕೃಪಾ ರಸ್ತೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>