ಸ್ತ್ರೀವಾದ ಮತ್ತು ಲೈಂಗಿಕತಾವಾದಗಳು ಹೇಗೆ ಹುಟ್ಟಿದವು ಮತ್ತು ಪುರುಷ ಪ್ರಧಾನ ಸಮಾಜದಲ್ಲಿ ಸ್ತ್ರೀಯರ ಸ್ಥಾನಮಾನವನ್ನು ಹೇಳುವ ಪ್ರಯತ್ನವನ್ನು ಲೇಖಕಿ ಈ ಕೃತಿಯಲ್ಲಿ ಮಾಡಿದ್ದಾರೆ. ಲೈಂಗಿಕತಾವಾದ ಎಂದರೇನು ಎಂದು ವಿವರಿಸುತ್ತಾ ಲೇಖಕಿ, ವ್ಯಕ್ತಿಗಳ ನಂಬಿಕೆ, ಆಚರಣೆ ಮತ್ತು ಅಭಿವ್ಯಕ್ತಿಯಲ್ಲಿ ಇದು ಆಳವಾಗಿ ಅಡಗಿದೆ ಎನ್ನುತ್ತಾರೆ. ಲೈಂಗಿಕತೆ ಎನ್ನುವುದು ಸಮಾಜದ ಚರಿತ್ರೆಯಷ್ಟೇ ಹಳೆಯದು. ಈ ದಮನದ ಬಗೆಯು ಕಾಲಕಳೆದಂತೆ ಇನ್ನಷ್ಟು ವ್ಯಾಪಕವಾಗಿ, ವೈವಿಧ್ಯಮಯವಾಗಿ ಹೊಸ ಹೊಸ ಅವತಾರಗಳಲ್ಲಿ ಕಾಣಿಸಿಕೊಳ್ಳತೊಡಗಿವೆ ಎಂದು ಮರುಗಿದ್ದಾರೆ.