ಕವಿತೆ | ರೂಹು ಅರಳಿದ ಕಾಲ

ಮುಂಗಾರು ಮಳೆಯ ಕಾಲಕೆ ಅವಳ ಮನದ ಅಂಗಳದಲಿ ಅವನ ನೆನಪು ನುಗ್ಗಿ ಬರುತ್ತದೆ

. ಅಂದು ನಡುಹಗಲು ಬಿರುಮಳೆ ಜೋರು ಮನೆ ಎದುರಿನ ಹೂದೋಟದಲಿ ಹೂವುಗಳು ಮೈಬಿರಿದು ಸಂಭ್ರಮಿಸುತ್ತಿದ್ದವು ಅದನ್ನು ನೋಡುತ್ತ ಮಳೆಯಲ್ಲಿ ನೆನೆಯುತ್ತ ಒದ್ದೆ ಮುದ್ದೆಯಾಗಿ ಹರುಷ ಚಿಮ್ಮಿತು ಅವಳೊಳಗೆ

. ಮನೆಯ ಒಳಗೋಡಿದ್ದಳು ನಡುಹಗಲಲೂ ಕತ್ತಲು ಕವಿದಿತ್ತು ಹಚ್ಚಿದಳು ಮೇಣದಬತ್ತಿ ಒದ್ದೆಬಟ್ಟೆಯಲಿ ತನ್ನ ಮೇಲೆ ತಾನೇ ಮೋಹಗೊಂಡು ನಾಚಿನೀರಾದಳು

. ಅವನು ಕಳ್ಳಹೆಜ್ಜೆಯಿಡುತ್ತ ಒಳ ಬಂದುದು ಅವಳರಿವಿಗೆ ಬಂದಿರಲೇ ಇಲ್ಲ ಬಿರುಗಾಳಿಯಂತೆ ನುಗ್ಗಿ ಹಿಂದಿನಿಂದ ಹಿಡಿದಪ್ಪಿ ಸಿಹಿ ಕಂಗಳಲಿ ಎವೆಯಿಕ್ಕದೇ ನೋಡಿ ಉಕ್ಕಿಸಿದ್ದ ಅವಳ ಮೊಗದಲ್ಲಿ ಕೆಂಪು ನಾಚಿಕೆಯ ನದಿಯನ್ನು

. ಮುಂದಿನದನು ನೆನೆನೆನೆದು ನಿಂತಲ್ಲಿ ನಿಲಲಾಗದೇ ಈಗಲೂ ಅದೇ ಮುಂಗಾರು ರಾಚುತಿರಲು ಬಾಗಿಲ ಬಳಿ ನಿಂತು ನಿರೀಕ್ಷಿಸುವಳು ಅವನನ್ನು

. ಇಲ್ಲೇ ಇದೇ ಮಂಚದಲಿ ಅವನು ನವಿರಾಗಿ ಕೂರಿಸಿದ್ದು ನೆಲದ ಮೇಲೆ ಕೂತವನೇ ಪಾದಗಳಿಗೆ ಲೊಚಲೊಚನೆ ಮುತ್ತಿಕ್ಕಿದ್ದು ತಪ್ಪಿಸಿಕೊಂಡು ಓಡಲು ಹವಣಿಸಿದ ಅವಳು ಅದೇಕೋ ಥಟ್ಟನೆ ನಿಂತೇ ಬಿಟ್ಟಿದ್ದಳು ಅವನು ಬಳಿ ಸಾರಲೆಂದೇ! ಬಂದು ಸೊಂಟ ಬಳಸಲೆಂದೇ! ನಡೆದದ್ದು ಅದೇ ಎಲ್ಲವೂ ಅವಳೆಣಿಸಿದಂತೆಯೇ

. ಕೋಣೆಯ ಆವರಣದಲ್ಲೆಲ್ಲೆಲ್ಲೂ ಅವನ ಬಿಸಿಯುಸಿರಿದೆ ಇಂದು ಹಿಂಬಾಲಿಸಿ ಬಂದು ಗೋಡೆಗೊರಗಿಸಿ ಅಪ್ಪಿಕೊಂಡನಲ್ಲ ಅಲ್ಲಿ ಇನ್ನೂ ಆ ಕಲೆಯ ಗುರುತು ಇದೆ ಎದೆಯೊಳಗೆ ಏನೋ ಕಲಕಿದಂತಾಗಿ ಕಡಲೆದ್ದು ಮೊರೆದಂತಾಗಿ ತಪ್ಪಿಸಿಕೊಳ್ಳಲೆತ್ನಿಸಿದವಳೇ ಒಡ್ಡಿಕೊಂಡಿದ್ದಳು ಬೆತ್ತಲೆ ದೇಹವನ್ನು ಅವನ ಬಿಸಿ ಮುತ್ತುಗಳ ಸುರಿಮಳೆಗೆ

. ದೇಹದ ಅಂಗಾಂಗ ಜ್ವಾಲಾಗ್ನಿಯಾಗಿ ಹೊತ್ತಿ ಉರಿದಿತ್ತು ಹೊರಗೆ ಬಿರುಗಾಳಿಯ ರಭಸಕ್ಕೆ ಬಿರುಮಳೆಯ ಹೊಡೆತಕ್ಕೆ ಸರಭರನೆ ತೂಗಿದ್ದವು ಮರದ ಎಲೆಗಳು

. ಮತ್ತದೇ ಅನುಭವಕೆ ಮತ್ತದೇ ಲಜ್ಜೆಗೆ ಹಾತೊರೆದಿದೆ ಅವಳ ಮನ ಅದೆಂತಹ ಹಿತವಿತ್ತು ಅವನ ಅಪ್ಪುಗೆಯಲಿ ಬೆಚ್ಚಗಿನ ನೋವಿನಲ್ಲೂ ನಲಿವಿನ ಉತ್ತುಂಗವಿತ್ತು

. ಸೋಲನ್ನು ಅರಿಯದವರು ಸೋತು ಗೆದ್ದಿದ್ದರು ಒಲವಿನಲ್ಲಿ ದೀರ್ಘ ನಿಟ್ಟುಸಿರಿನ ಮಾದಕತೆಯಲ್ಲಿ ತಬ್ಬಿ ಘಾಸಿಗೊಳಿಸಿದಷ್ಟೂ ಅವನು ಅರಳಿದ್ದಳು ಅವಳು ಪುಟಿವ ಚೆಂಡಿನಂತೆ ಅವನ ತೋಳುಗಳಲಿ ಕರಗುತ್ತ ಪ್ರೀತಿಯಲಿ ಹೊಸ ಜೀವ ಪಡೆದಿದ್ದಳು

. ಈಗ ಮತ್ತೆ ಮುಂಗಾರಿನ ಒಂದು ದಿನ ಗೊತ್ತು ಅವಳಿಗೆ ನಿರಾಶೆಗೊಳಿಸಿದ್ದಿಲ್ಲ ಎಂದೂ ಅವನು ಬರಬಹುದು ಈಗವನು ಯಾವ ಗಳಿಗೆಗೂ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕವಿತೆ | ರೂಹು ಅರಳಿದ ಕಾಲ

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ

ಜಿಂಬಾಬ್ವೆ ವಿರುದ್ಧ ನ್ಯೂಜಿಲೆಂಡ್‌ಗೆ ಜಯ

2036ರ ಒಲಿಂಪಿಕ್ಸ್‌ಗೆ ಸಿದ್ಧತೆ: ಅಮಿತ್‌ ಶಾ

IND vs ENG: ಜಡೇಜ ಆಟ ಕೊಂಡಾಡಿದ ಟೀಮ್ ಇಂಡಿಯಾ

ಫಿಡೆ ಮಹಿಳಾ ವಿಶ್ವಕಪ್‌ ಟೂರ್ನಿ: ಎಂಟರ ಘಟ್ಟಕ್ಕೆ ಭಾರತದ ನಾಲ್ವರು

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಶುಕ್ರವಾರ, 18 ಜುಲೈ 2025

ಚುರುಮುರಿ | ಬಾಹ್ಯಾಕಾಶ ಪುರಾಣ!

ರಾಯಚೂರು: ಕೆಡಿಪಿ ಸಭೆಯಲ್ಲಿ ನೆಲದ ಮೇಲೆ ಕುಳಿತು ಶಾಸಕಿ ಕರೆಮ್ಮ ನಾಯಕ ಧರಣಿ

ಮನೆಯೂಟ ಕಾಯುತ್ತಿದೆ... ಬಾಹ್ಯಾಕಾಶದಿಂದ ಮರಳಿದ ಶುಕ್ಲಾಗೆ ಪತ್ನಿ ಸ್ವಾಗತ