ಬುಧವಾರ, ಡಿಸೆಂಬರ್ 2, 2020
17 °C

ಕವಿತೆ: ಇರುವೆಯ ಮಾಲೀಕ

ಸತ್ಯಮಂಗಲ ಮಹಾದೇವ Updated:

ಅಕ್ಷರ ಗಾತ್ರ : | |

Prajavani

ಬರಿಯ ಕಣ್ಗೆ ಕಾಣದಂತೆ
ಯಂತ್ರಗಣಕೆ ದಕ್ಕದಂತೆ
ಶತ ಶತ ಶತಮಾನಗಳಲಿ
ವ್ಯೋಮ ಬಯಲ ಗಾಳಿಯಲಿ
ಉಸಿರೆನ್ನುವ ಉಸಿರಿನಲಿ
ಇರುವೆ ನೀ ಮಾಲೀಕ

ಚಾರ್ವಾಕರ ದನಿಗಳಲಿ
ಕಬ್ಬಿನೊಳಗೆ ಸಿಹಿಯಾಗಿ
ನಾಸ್ತಿಕರ ಹೃದಯಗಳಲಿ
ಬಂಡೆಯೊಳಗೆ ಜಲವಾಗಿ
ಆಸ್ತಿಕರ ಮೌಲ್ಯಗಳಲಿ
ಹೂವಿನೊಳಗೆ ಮಕರಂದವಾಗಿ
ಇರುವೆ ನೀ ಮಾಲೀಕ

ಈ ಗಾಳಿ ಬಯಲ ಲೋಕದಲ್ಲಿ
ಎರೆಹುಳದ ಹೃದಯದೊಳಗೆ
ಪ್ರೇಮದಂತೆ ತುಂಬಿ ಬಂದೆ
ಇರುವೆಯ ಬಾಯೊಳಗೆ
ಆಹಾರದ ತುಂಡಿನಂತೆ ಜೀವ ಪೋಷಕ
ಮಿಡತೆ, ಕೀಟ ಕುಕ್ಕುಟಗಳ ರೆಕ್ಕೆಯೊಳಗೆ
ಹಾರುವಂತ ಬಲವಾಗಿ
ನೀ ಇರುವೆ ಮಾಲೀಕ
ಇರುವೆಯ ಮಾಲೀಕ

ಮೋಡದಾಚೆ, ಹಿಮದ ಮಧ್ಯೆ
ಪಾತಾಳದ ಪದರಗಳಲಿ
ಕಾಣಲಾಗದಂತ ನಿನ್ನ ಮೊಗವ
ಶಿಶು ಕಂದನ ಮರುಳುನಗೆಯಲಿ
ಜೇನಿನ ಸವಿಯ ಸ್ವಾದದಲಿ
ಸಂಗೀತದ ಇಂಪಿನಲ್ಲಿ
ಬೇಲಿಹೂವ ಸ್ಥೈರ್ಯದಲಿ
ನಿನ್ನ ಕುರಿತು ಬರೆಯುವ ಈ ಪದಗಳಲ್ಲಿ
ನೀ ಇರುವೆ ಮಾಲೀಕ
ಇರುವೆಯ ಮಾಲೀಕ

-ಸತ್ಯಮಂಗಲ ಮಹಾದೇವ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.