ಅಂತರ ಕಾಲೇಜು ಬ್ಯಾಸ್ಕೆಟ್‌ಬಾಲ್ ಟೂರ್ನಿ: ಬಾಲ್ಡ್‌ವಿನ್ ಗೆ ಗೆಲುವು

7

ಅಂತರ ಕಾಲೇಜು ಬ್ಯಾಸ್ಕೆಟ್‌ಬಾಲ್ ಟೂರ್ನಿ: ಬಾಲ್ಡ್‌ವಿನ್ ಗೆ ಗೆಲುವು

Published:
Updated:

ಬೆಂಗಳೂರು: ಡೆನ್ನಿಸ್ ಗಳಿಸಿದ 32 ಪಾಯಿಂಟ್‌ಗಳ ನೆರವಿನಿಂದ ಬಾಲ್ಡ್‌ವಿನ್ ಕಾಲೇಜು ತಂಡದವರು ಇಲ್ಲಿ ನಡೆಯುತ್ತಿರುವ ಅಂತರ ಕಾಲೇಜು ಬ್ಯಾಸ್ಕೆಟ್‌ಬಾಲ್ ಟೂರ್ನಿಯ ಪುರುಷರ ವಿಭಾಗದ ಪಂದ್ಯದಲ್ಲಿ ಸುಲಭ ಗೆಲುವು ಪಡೆದರು.

ಮೌಂಟ್ ಕಾರ್ಮೆಲ್ ಅಂಗಳದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಬಾಲ್ಡ್‌ವಿನ್ ಕಾಲೇಜು 56-24ರಲ್ಲಿ (ವಿರಾಮದ ವೇಳೆಗೆ 34-15) ನ್ಯೂ ಹೊರೈಜನ್ ಪದವಿ ಕಾಲೇಜು ಎದುರು ಗೆಲುವು ಪಡೆಯಿತು. ಹೊರೈಜನ್ ಕಾಲೇಜಿನ ಕಾರ್ತಿಕ್ 24 ಪಾಯಿಂಟ್ ಗಳಿಸಿ ಗಮನ ಸೆಳೆದರು.

ಪುರುಷರ ವಿಭಾಗದ ಇತರ ಪಂದ್ಯಗಳಲ್ಲಿ ಗಾರ್ಡನ್ ಸಿಟಿ ತಂಡ 46-38 (14-22)ರಲ್ಲಿ ನ್ಯೂ ಹೊರೈಜನ್ ಎಂಜಿನಿಯರಿಂಗ್ ಕಾಲೇಜಿನ ವಿರುದ್ಧವೂ, ಕ್ರಿಸ್ತು ಜಯಂತಿ ಕಾಲೇಜು 50-41 (14-18)ರಲ್ಲಿ ಸಿಎಂಎಸ್ ಕಾಲೇಜಿನ ಮೇಲೂ, ಬಿಎಂಸಿ ತಂಡ 38-34 (18-9)ರಲ್ಲಿ ಸೇಂಟ್ ಜೋಸೆಫ್ ಪದವಿಪೂರ್ವ ಕಾಲೇಜಿನ ವಿರುದ್ಧವೂ ಗೆಲುವು ಸಾಧಿಸಿದವು.

ಮಹಿಳೆಯರ ವಿಭಾಗದಲ್ಲಿ ಸೇಂಟ್ ಜೋಸೆಫ್ ಕಾಲೇಜು ತಂಡದವರು 47-36 (ಮೊದಲಾರ್ಧ 20-17)ರಲ್ಲಿ ಎಂಸಿಸಿ ‘ಬಿ’ ತಂಡವನ್ನು ಮಣಿಸಿದರು. ವಿಜಯಿ ತಂಡದ ಸಂಧ್ಯಾ 16 ಪಾಯಿಂಟ್ ಗಳಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry