ಅಜರುದ್ದೀನ್ ಪುತ್ರ ಆಯಾಜುದ್ದೀನ್ ಸಾವು
ಅಕ್ಷರ ಗಾತ್ರ :ಆ |ಆ |ಆ
ಹೈದರಾಬಾದ್ (ಪಿಟಿಐ): ಕ್ರೀಡಾಬೈಕ್ ಸವಾರಿ ವೇಳೆ ಗಂಭೀರವಾಗಿ ಗಾಯಗೊಂಡು ಐದು ದಿನಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದ ಆಯಾಜುದ್ದೀನ್ ಶುಕ್ರವಾರ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.
ಭಾರತದ ಮಾಜಿ ಕ್ರಿಕೆಟ್ ಪಟು ಕ್ಯಾಪ್ಟನ್ ಮೊಹಮ್ಮದ್ ಅಜರುದ್ದೀನ್ ಅವರ ಕಿರಿಯ ಪುತ್ರನಾದ 16ರ ಹರೆಯಾದ ಆಯಾಜುದ್ದೀನ್ ತೀವ್ರ ಗಾಯಗಳ ಪರಿಣಾಮವಾಗಿ ಚಿಕಿತ್ಸೆ ಪಡೆಯುತ್ತಿದ್ದ ಅಪೋಲೊ ಆಸ್ಪತ್ರೆಯಲ್ಲಿ ಮೃತರಾದರು ಎಂದು ವೈದ್ಯರು ತಿಳಿಸಿದ್ದಾರೆ.
ಹೊರ ವರ್ತುಲ ರಸ್ತೆಯಲ್ಲಿರುವ ಪಪ್ಪಲಗುಡದಲ್ಲಿ ಕಳೆದ ಭಾನುವಾರ ಆಯಾಜುದ್ದೀನ್ ಅವರು ಸವಾರಿ ಮಾಡುತ್ತಿದ್ದ ಕ್ರೀಡಾಬೈಕ್ ಜಾರಿ ಬಿದ್ದು ತೀವ್ರವಾಗಿ ಗಾಯಗೊಂಡಿದ್ದರು. ಕಳೆದ ಐದು ದಿನಗಳಿಂದ ಅವರು ಜೀವರಕ್ಷಕ ಸವಲತ್ತುಗಳ ನೆರವಿನೊಂದಿಗೆ ಸಾವು - ಬದುಕಿನ ಮಧ್ಯೆ ಸೆಣಸಾಡುತ್ತಿದ್ದರು.
ಹಿಂಬದಿ ಸವಾರನಾಗಿದ್ದ ಆಯಾಜುದ್ದೀನ್ ಸಹೋದರ ಸಂಬಂಧಿ ಅಜ್ಮಲ್- ಉರ್- ರಹಮಾನ್ (16) ಅವರೂ ಗಾಯಗಳಿಗೆ ಚಿಕಿತ್ಸೆ ಪಡೆಯುತ್ತಿದ್ದಾಗ ಅಸು ನೀಗಿದ್ದರು.
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
