ಅಜ್ಞಾನಿಗಳನ್ನು ಎಚ್ಚರಿಸಿದ ಅಲ್ಲಮ

ಬೆಂಗಳೂರು: `ಅಜ್ಞಾನಿಗಳನ್ನು ಎಚ್ಚರಿಸಿದ ಹಾಗೂ ದೀನ ದಲಿತರನ್ನು ಸಂತೈಸಿದ ಮಹಾನುಭಾವ ಅಲ್ಲಮಪ್ರಭು~ ಎಂದು ಕನ್ನಡ ಸಾಹಿತ್ಯ ಪರಿಷತ್‌ನ ಮಾಜಿ ಕೋಶಾಧ್ಯಕ್ಷ ಪುಂಡಲೀಕ ಹಾಲಂಬಿ ಅಭಿಪ್ರಾಯ ಪಟ್ಟರು.

ನಗರದ ವಚನ ಜ್ಯೋತಿ ಬಳಗವು ಇತ್ತೀಚೆಗೆ ನಗರದಲ್ಲಿ ಹಮ್ಮಿಕೊಂಡಿದ್ದ ಅಲ್ಲಮಪ್ರಭು ಜಯಂತಿ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.



`ಕನ್ನಡ ಸಾಹಿತ್ಯ ಲೋಕಕ್ಕೆ ಅಲ್ಲಮಪ್ರಭು ಅವರ ವಚನಗಳು ಅತ್ಯಂತ ಮೌಲಿಕ ಕೊಡುಗೆಗಳಾಗಿವೆ. ಅಲ್ಲಮಪ್ರಭು ವಚನಗಳು ಪ್ರಖರ ವೈಚಾರಿಕತೆ ಹಾಗೂ ಅನುಭಾವದ ನೆಲೆಯಲ್ಲಿ ಬೆಡಗಿನ ಉತ್ತುಂಗವನ್ನು ನಿರ್ಮಿಸುತ್ತವೆ ~ ಎಂದು ಅವರು ನುಡಿದರು.



ಕಾರ್ಯಕ್ರಮದಲ್ಲಿ `ಅಲ್ಲಮ ಪ್ರಭು~ ವಿಶೇಷ ಸಂಚಿಕೆಯನ್ನು ಬಿಡುಗಡೆ ಮಾಡಲಾಯಿತು. ಬಳಗದ ಡಾ.ಬಿ.ಎಸ್.ಸ್ವಾಮಿ, ಪ್ರೊ.ಟಿ.ಆರ್. ಮಹದೇವಯ್ಯ, ಎಸ್.ಪಿನಾಕಪಾಣಿ, ಗುಡಿಗೇರಿ ವಿಶ್ವನಾಥ್, ವೀಣಾ ಮೂರ್ತಿ, ನಿರಂಜನ್ ಮತ್ತಿತರರು ಉಪಸ್ಥಿತರಿದ್ದರು.